ਚੰਡੀਗੜ੍ਹ: ਸਦਾਬਹਾਰ ਅਤੇ ਪ੍ਰਭਾਵਸ਼ਾਲੀ ਅਦਾਕਾਰ ਕਰਮਜੀਤ ਅਨਮੋਲ ਕੋਲ ਹਰ ਫਿਲਮ ਦੀ ਸਮੁੱਚੀ ਗੁਣਵੱਤਾ ਨੂੰ ਉੱਚਾ ਚੁੱਕਣ ਦੀ ਸ਼ਕਤੀ ਹੈ। ਉਸਨੇ ਵੱਖ-ਵੱਖ ਪੰਜਾਬੀ ਫਿਲਮਾਂ ਵਿੱਚ ਵੱਖ-ਵੱਖ ਪ੍ਰਸਿੱਧ ਅਤੇ ਬਹੁਤ ਪਿਆਰੇ ਕਿਰਦਾਰਾਂ ਨਾਲ ਪ੍ਰਸ਼ੰਸਕਾਂ ਨੂੰ ਖੁਸ਼ ਕੀਤਾ ਹੈ ਅਤੇ ਹੁਣ ਇਹ ਕਲਾਕਾਰ ਜਲਦੀ ਹੀ ਆਪਣੀ ਆਉਣ ਵਾਲੀ ਕਾਮੇਡੀ ਫਿਲਮ 'ਮੇਰੇ ਘਰਵਾਲੇ ਦੀ ਬਾਹਰਵਾਲੀ' ਨਾਲ ਆਪਣੇ ਪ੍ਰਸ਼ੰਸਕਾਂ ਦਾ ਮੰਨੋਰੰਜਨ ਕਰਨ ਜਾ ਰਿਹਾ ਹੈ।
ਜੀ ਹਾਂ...ਪਾਲੀਵੁੱਡ ਇੰਡਸਟਰੀ ਬੈਕ-ਟੂ-ਬੈਕ ਫਿਲਮਾਂ ਦੇ ਕੇ ਲੋਕਾਂ ਦਾ ਮੰਨੋਰੰਜਨ ਕਰਨ ਲਈ ਕੋਈ ਕਦਮ ਪਿੱਛੇ ਨਹੀਂ ਛੱਡ ਰਹੀ ਹੈ। ਕਰਮਜੀਤ ਅਨਮੋਲ ਅਤੇ ਨਿਸ਼ਾ ਬਾਨੋ ਜੋ ਹਾਲ ਹੀ ਵਿੱਚ ਫਿਲਮ "ਜੀ ਵਾਈਫ ਜੀ" ਵਿੱਚ ਇਕੱਠੇ ਨਜ਼ਰ ਆਏ ਸਨ। ਉਹਨਾਂ ਨੇ ਆਪਣੀ ਆਉਣ ਵਾਲੀ ਫਿਲਮ 'ਮੇਰੇ ਘਰਵਾਲੇ ਦੀ ਬਾਹਰਵਾਲੀ' ਫਿਲਮ ਦਾ ਐਲਾਨ ਕਰ ਦਿੱਤਾ ਹੈ। ਇਸ ਫਿਲਮ ਨਾਲ ਉਹ ਦੁਬਾਰਾ ਫਿਰ ਇਕੱਠੇ ਹੋ ਰਹੇ ਹਨ। ਫਿਲਮ 'ਚ ਕਰਮਜੀਤ ਅਨਮੋਲ ਅਤੇ ਨਿਸ਼ਾ ਬਾਨੋ ਦੇ ਨਾਲ ਇਹਾਨਾ ਢਿਲੋਂ ਵੀ ਅਹਿਮ ਭੂਮਿਕਾ 'ਚ ਨਜ਼ਰ ਆਉਣਗੇ।
- " class="align-text-top noRightClick twitterSection" data="
">
ਕਰਮਜੀਤ ਅਨਮੋਲ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਇੱਕ ਘੋਸ਼ਣਾ ਪੋਸਟ ਸ਼ੇਅਰ ਕੀਤੀ ਹੈ। ਉਸ ਨੇ ਪੋਸਟ ਸਾਂਝੀ ਕਰਦੇ ਹੋਏ ਲਿਖਿਆ 'ਬੱਚੇ ਦੋ ਹੀ ਕਾਫ਼ੀ ਪਰ ਘਰ ਵਾਲ਼ੀ ਇੱਕ ਤੋਂ ਵੀ ਮਾਫ਼ੀ।' ਇਸ ਦੇ ਨਾਲ ਅਦਾਕਾਰ ਨੇ ਫਿਲਮ ਦਾ ਪੋਸਟਰ ਵੀ ਸਾਂਝਾ ਕੀਤਾ ਹੈ। ਇਸ ਘੋਸ਼ਣਾ ਵਿੱਚ ਇਹ ਵੀ ਖੁਲਾਸਾ ਹੋਇਆ ਹੈ ਕਿ ਇਹਾਨਾ ਢਿੱਲੋਂ ਅਤੇ ਨਿਸ਼ਾ ਬਾਨੋ ਫਿਲਮ ਵਿੱਚ ਮੁੱਖ ਔਰਤਾਂ ਦੀ ਭੂਮਿਕਾ ਵਿੱਚ ਨਜ਼ਰ ਆਉਣਗੀਆਂ।
ਫਿਲਮ ਦਾ ਟਾਈਟਲ ਸਾਨੂੰ ਇਹ ਸੰਕੇਤ ਦਿੰਦਾ ਹੈ ਕਿ ਇਹ ਫਿਲਮ ਤਿੰਨ ਸਿਤਾਰਿਆਂ ਕਰਮਜੀਤ ਅਨਮੋਲ, ਇਹਾਨਾ ਢਿੱਲੋਂ ਅਤੇ ਨਿਸ਼ਾ ਬਾਨੋ ਵਿਚਕਾਰ ਪ੍ਰੇਮ ਤਿਕੋਣ ਬਣਨ ਜਾ ਰਹੀ ਹੈ। ਫਿਲਹਾਲ ਫਿਲਮ ਦੇ ਹੋਰ ਵੇਰਵੇ ਸਾਹਮਣੇ ਨਹੀਂ ਆਏ ਹਨ। ਸਮੀਪ ਕੰਗ ਪ੍ਰੋਡਕਸ਼ਨ ਅਤੇ ਤਕਦੀਰ ਪ੍ਰੋਡਕਸ਼ਨ ਦੁਆਰਾ ਪ੍ਰਸਤੁਤ 'ਮੇਰੇ ਘਰਵਾਲੇ ਦੀ ਬਾਹਰਵਾਲੀ' ਨੂੰ ਨਵਜੀਤ ਸਿੰਘ ਦੁਆਰਾ ਨਿਰਦੇਸ਼ਿਤ ਕੀਤਾ ਗਿਆ ਹੈ ਅਤੇ ਸਮੀਪ ਕੰਗ ਅਤੇ ਸੌਰਭ ਰਾਣਾ ਦੁਆਰਾ ਨਿਰਮਿਤ ਹੈ। ਫਿਲਹਾਲ, ਉਸਦੀ ਰਿਲੀਜ਼ ਦੀ ਕੋਈ ਅਧਿਕਾਰਤ ਮਿਤੀ ਅਧਿਕਾਰਤ ਤੌਰ 'ਤੇ ਘੋਸ਼ਿਤ ਨਹੀਂ ਕੀਤੀ ਗਈ ਹੈ, ਪਰ ਪ੍ਰਸ਼ੰਸਕਾਂ ਨੂੰ ਉਮੀਦ ਹੈ ਕਿ ਫਿਲਮ 2023 ਵਿੱਚ ਹੀ ਰਿਲੀਜ਼ ਹੋਵੇਗੀ।
ਕਰਮਜੀਤ ਅਨਮੋਲ ਦਾ ਵਰਕਫੰਟ: ਹੁਣ ਇਥੇ ਜੇਕਰ ਕਰਮਜੀਤ ਅਨਮੋਲ ਦੇ ਵਰਕਫੰਟ ਦੀ ਗੱਲ਼ ਕਰੀਏ ਤਾਂ ਅਦਾਕਾਰ ਇੰਨੀਂ ਦਿਨੀਂ ਪੰਜਾਬੀ ਦੀਆਂ ਕਈ ਫਿਲਮਾਂ ਨੂੰ ਲੈ ਚਰਚਾ ਵਿੱਚ ਹੈ, ਜਿਸ ਵਿੱਚ 'ਕੈਰੀ ਆਨ ਜੱਟਾ 3', 'ਮੌਜਾਂ ਹੀ ਮੌਜਾਂ', 'ਮੰਜੇ ਬਿਸਤਰੇ 3' ਆਦਿ ਹਨ।
ਇਹ ਵੀ ਪੜ੍ਹੋ: Film Mera Baba Nanak: ਇਸ ਵਿਸਾਖੀ ਉਤੇ ਹੋਵੇਗਾ ਧਮਾਕਾ, ਫਿਲਮ 'ਮੇਰਾ ਬਾਬਾ ਨਾਨਕ' ਦਾ ਪੋਸਟਰ ਹੋਇਆ ਰਿਲੀਜ਼
