ਹੈਦਰਾਬਾਦ: ਬਾਲੀਵੁੱਡ ਸਟਾਰ ਅਕਸ਼ੈ ਕੁਮਾਰ ਦੀ ਫੁੱਲ ਆਫ ਕਾਮੇਡੀ ਫਿਲਮ 'ਹਾਊਸਫੁੱਲ' ਦੀ ਪੰਜਵੀਂ ਕਿਸ਼ਤ ਦਾ ਐਲਾਨ ਇਸ ਸਾਲ ਜੂਨ ਮਹੀਨੇ ਵਿੱਚ ਕੀਤਾ ਗਿਆ ਸੀ। ਇਹ ਦੱਸਿਆ ਗਿਆ ਸੀ ਕਿ ਫਿਲਮ ਹਾਊਸਫੁੱਲ 5 ਸਾਲ 2024 'ਚ ਦੀਵਾਲੀ (5 ਨਵੰਬਰ) ਦੇ ਮੌਕੇ 'ਤੇ ਰਿਲੀਜ਼ ਹੋਵੇਗੀ। ਹੁਣ ਫਿਲਮ ਦੀ ਰਿਲੀਜ਼ ਡੇਟ ਬਦਲ ਦਿੱਤੀ ਗਈ ਹੈ ਅਤੇ ਹੁਣ ਅਕਸ਼ੈ ਕੁਮਾਰ ਦੇ ਪ੍ਰਸ਼ੰਸਕਾਂ ਨੂੰ ਇਸ ਕਾਮੇਡੀ ਫਿਲਮ ਨੂੰ ਦੇਖਣ ਲਈ ਕਾਫੀ ਸਮਾਂ ਇੰਤਜ਼ਾਰ ਕਰਨਾ ਪਵੇਗਾ।
ਹਾਊਸਫੁੱਲ 5 ਹੁਣ ਕਦੋਂ ਹੋਵੇਗੀ ਰਿਲੀਜ਼ : ਸਾਜਿਦ ਨਾਡਿਆਡਵਾਲਾ ਫਿਲਮ ਹਾਊਸਫੁੱਲ 5 ਦਾ ਨਿਰਮਾਣ ਕਰ ਰਹੇ ਹਨ ਅਤੇ ਤਰੁਣ ਮਨਸੁਖਾਨੀ ਫਿਲਮ ਦਾ ਨਿਰਦੇਸ਼ਨ ਕਰਨਗੇ। ਤਰੁਣ ਇਸ ਤੋਂ ਪਹਿਲਾਂ 'ਡਰਾਈਵ', 'ਦੋਸਤਾਨਾ', 'ਕਭੀ ਅਲਵਿਦਾ ਨਾ ਕਹਿਣਾ' ਅਤੇ 'ਮਾਈ ਨੇਮ ਇਜ਼ ਖਾਨ' ਵਰਗੀਆਂ ਫਿਲਮਾਂ ਵਿੱਚ ਸਹਾਇਕ ਨਿਰਦੇਸ਼ਕ ਵਜੋਂ ਕੰਮ ਕਰ ਚੁੱਕੇ ਹਨ। ਤੁਹਾਨੂੰ ਦੱਸ ਦੇਈਏ ਫਿਲਮ ਹਾਊਸਫੁੱਲ 5 ਹੁਣ 6 ਜੂਨ 2025 ਨੂੰ ਰਿਲੀਜ਼ ਹੋਵੇਗੀ। ਅਜਿਹੇ 'ਚ ਅਕਸ਼ੈ ਕੁਮਾਰ ਦੇ ਪ੍ਰਸ਼ੰਸਕਾਂ ਲਈ ਇੰਨਾ ਸਮਾਂ ਇੰਤਜ਼ਾਰ ਕਰਨਾ ਆਸਾਨ ਨਹੀਂ ਹੋਵੇਗਾ।
- Akshay Kumar Birthday: ਕਰੋੜਾਂ ਦੀ ਜਾਇਦਾਦ ਦਾ ਮਾਲਕ ਹੈ ਬਾਲੀਵੁੱਡ ਦਾ 'ਖਿਲਾੜੀ' ਅਕਸ਼ੈ ਕੁਮਾਰ, ਇੱਕ ਫਿਲਮ ਲਈ ਲੈਂਦੇ ਨੇ ਇੰਨੀ ਕਰੋੜ
- Akshay Kumar on Mission Raniganj: ਹੁਣ ਤੱਕ 100 ਤੋਂ ਜਿਆਦਾ ਫਿਲਮਾਂ ਕਰ ਚੁੱਕੇ ਨੇ ਅਕਸ਼ੈ ਕੁਮਾਰ, ਜਾਣੋ ਕਿਸ ਫਿਲਮ ਨੂੰ ਦੱਸਿਆ ਆਪਣੇ ਕਰੀਅਰ ਦੀ ਸਭ ਤੋਂ ਬੈਸਟ ਫਿਲਮ
- Mission Raniganj vs Thank You For Coming Day 9: ਲਗਾਤਾਰ ਸੰਘਰਸ਼ ਕਰਦੀ ਨਜ਼ਰ ਆਈ ਭੂਮੀ ਪੇਡਨੇਕਰ ਦੀ 'ਥੈਂਕ ਯੂ ਫਾਰ ਕਮਿੰਗ', ਹੁਣ ਤੱਕ 'ਮਿਸ਼ਨ ਰਾਣੀਗੰਜ' ਨੇ ਕੀਤੀ ਇੰਨੀ ਕਮਾਈ
ਤੁਹਾਨੂੰ ਦੱਸ ਦੇਈਏ ਕਿ ਮੌਜੂਦਾ ਸਾਲ 30 ਜੂਨ ਨੂੰ ਅਕਸ਼ੈ ਕੁਮਾਰ ਨੇ ਹਾਊਸਫੁੱਲ 5 ਦਾ ਐਲਾਨ ਕਰਕੇ ਅਤੇ ਇਸ ਦੀ ਰਿਲੀਜ਼ ਡੇਟ ਦਾ ਵੀ ਖੁਲਾਸਾ ਕਰਕੇ ਆਪਣੇ ਪ੍ਰਸ਼ੰਸਕਾਂ ਨੂੰ ਵੱਡਾ ਤੋਹਫਾ ਦਿੱਤਾ ਸੀ। ਅਕਸ਼ੈ ਨੇ ਆਪਣੀ ਪੋਸਟ 'ਚ ਲਿਖਿਆ ਸੀ, 'ਪੰਜਵੀਂ ਵਾਰ ਪਾਗਲਪਨ ਦੇਖਣ ਲਈ ਤਿਆਰ ਹੋ ਜਾਓ।' ਤੁਹਾਨੂੰ ਦੱਸ ਦੇਈਏ ਕਿ ਹਾਊਸਫੁੱਲ 5 ਦਾ ਐਲਾਨ ਅਜਿਹੇ ਸਮੇਂ ਵਿੱਚ ਕੀਤਾ ਗਿਆ ਸੀ ਜਦੋਂ ਸਾਜਿਦ ਨਾਡਿਆਡਵਾਲਾ ਦੀ ਫਿਲਮ ਸੱਤਿਆਪ੍ਰੇਮ ਕੀ ਕਥਾ ਨੇ ਪ੍ਰਸ਼ੰਸਕਾਂ ਦਾ ਦਿਲ ਜਿੱਤ ਲਿਆ ਸੀ।
ਇਸ ਦੇ ਨਾਲ ਹੀ ਦੀਵਾਲੀ 2024 ਵਿੱਚ ਸਲਮਾਨ ਖਾਨ ਦੀ ਫਿਲਮ 'ਪ੍ਰੇਮ ਕੀ ਸ਼ਾਦੀ', ਅਕਸ਼ੈ ਦੀ 'ਹੇਰਾ ਫੇਰੀ 3' ਅਤੇ ਕਾਰਤਿਕ ਆਰੀਅਨ ਦੀ 'ਭੂਲ ਭੁਲਾਇਆ 3' ਰਿਲੀਜ਼ ਹੋਣ ਜਾ ਰਹੀਆਂ ਹਨ। ਅਜਿਹੇ 'ਚ ਦੀਵਾਲੀ 2024 'ਤੇ ਬਾਕਸ ਆਫਿਸ 'ਤੇ ਵੱਡਾ ਧਮਾਕਾ ਹੋਣ ਵਾਲਾ ਹੈ।
ਇਸ ਦੌਰਾਨ ਅਕਸ਼ੈ ਕੁਮਾਰ ਦੇ ਵਰਕਫਰੰਟ ਦੀ ਗੱਲ਼ ਕਰੀਏ ਤਾਂ ਅਦਾਕਾਰ ਨੂੰ ਪਿਛਲੀ ਵਾਰ ਪਰਿਣੀਤੀ ਚੋਪੜਾ ਨਾਲ ਫਿਲਮ ਮਿਸ਼ਨ ਰਾਣੀਗੰਜ ਵਿੱਚ ਦੇਖਿਆ ਗਿਆ ਸੀ, ਹੁਣ ਅਦਾਕਾਰ ਕੋਲ ਕਈ ਫਿਲਮਾਂ ਰਿਲੀਜ਼ ਅਧੀਨ ਹਨ, ਜਿਸ ਵਿੱਚ 'ਸਿੰਘਮ ਅਗੇਨ' ਅਤੇ 'ਸਕਾਈ ਫੋਰਸ' ਮੁੱਖ ਹਨ।
