ਚੇਨਈ— ਚੇਨਈ ਦੇ ਉਪਨਗਰ 'ਚ ਟਰੇਨ ਦੀ ਲਪੇਟ 'ਚ ਆਉਣ ਨਾਲ ਤਿੰਨ ਅਪਾਹਿਜ ਬੱਚਿਆਂ ਦੀ ਮੌਤ ਹੋ ਗਈ। ਘਟਨਾ ਦੇ ਬਾਰੇ 'ਚ ਕਿਹਾ ਜਾ ਰਿਹਾ ਹੈ ਕਿ ਬੱਚੇ ਚੇਨਈ ਬੀਚ ਤੋਂ ਚੇਂਗਲਪੱਟੂ ਦੇ ਰਸਤੇ 'ਤੇ ਟ੍ਰੈਕ 'ਤੇ ਇਲੈਕਟ੍ਰਿਕ ਟਰੇਨ ਦੀ ਲਪੇਟ 'ਚ ਆ ਗਏ। ਟਰੇਨ ਦੀ ਲਪੇਟ 'ਚ ਆਉਣ ਨਾਲ ਤਿੰਨੋਂ ਬੱਚਿਆਂ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ। ਇਸ ਘਟਨਾ ਨਾਲ ਇਲਾਕੇ ਦਾ ਮਾਹੌਲ ਸੋਗਮਈ ਹੋ ਗਿਆ।
ਇਹ ਹਾਦਸਾ ਉਸ ਸਮੇਂ ਵਾਪਰਿਆ ਜਦੋਂ ਦੁਪਹਿਰ ਵੇਲੇ ਬੱਚੇ ਉਰੱਪੱਕਮ ਨੇੜੇ ਰੇਲਵੇ ਟਰੈਕ ਦੇ ਕੋਲ ਖੇਡ ਰਹੇ ਸਨ। ਮ੍ਰਿਤਕ ਬੱਚਿਆਂ ਦੀ ਪਛਾਣ ਸੁਰੇਸ਼, ਰਵੀ ਅਤੇ ਮੰਜੂਨਾਥ ਵਜੋਂ ਹੋਈ ਹੈ। ਇਸ ਤੋਂ ਪਹਿਲਾਂ ਸਕੂਲ ਦੀਆਂ ਛੁੱਟੀਆਂ ਦੌਰਾਨ ਬੱਚੇ ਆਪਣੇ ਮਾਪਿਆਂ ਨੂੰ ਮਿਲਣ ਗਏ ਸਨ। ਇਹ ਬੱਚੇ ਕਰਨਾਟਕ ਦੇ ਟੋਪੁਰ ਦੇ ਰਹਿਣ ਵਾਲੇ ਸੰਜਮ ਪੰਨਨ ਅਤੇ ਉਸ ਦੇ ਛੋਟੇ ਭਰਾ ਹਨੂਮੰਥੱਪਾ ਨਾਲ ਰਹਿੰਦੇ ਸਨ, ਜੋ ਚੇਨਈ ਦੇ ਉਪਨਗਰ ਵਿੱਚ ਭੀਖ ਮੰਗ ਕੇ ਆਪਣਾ ਗੁਜ਼ਾਰਾ ਚਲਾ ਰਹੇ ਸਨ।
- Husband gives electric shocks to wife: ਮੇਰਠ 'ਚ ਪਤੀ ਬਣਿਆ ਜਲਾਦ, ਦੁਜਾ ਵਿਆਹ ਕਰਵਾਉਣ ਲਈ ਪਤਨੀ ਨੂੰ ਦਿੱਤੇ ਬਿਜਲੀ ਦੇ ਝਟਕੇ
- Bishan Singh Bedi's funeral: ਪੰਜ ਤੱਤਾਂ 'ਚ ਵਿਲੀਨ ਹੋਏ ਮਹਾਨ ਸਪਿਨਰ ਬਿਸ਼ਨ ਸਿੰਘ ਬੇਦੀ, ਕਪਿਲ ਦੇਵ ਸਮੇਤ ਕਈ ਦਿੱਗਜ ਕ੍ਰਿਕਟਰ ਪਹੁੰਚੇ
- Flight Winter Schedule 2023: DGCA ਨੇ ਸਰਦੀਆਂ ਦੀਆਂ ਉਡਾਣਾਂ ਦਾ ਸ਼ਡਿਊਲ ਕੀਤਾ ਜਾਰੀ ,ਬਹੁਤ ਸਾਰੀਆਂ ਉਡਾਣਾਂ 118 ਹਵਾਈ ਅੱਡਿਆਂ ਤੋਂ ਹੋਣਗੀਆਂ ਸੰਚਾਲਿਤ
ਮਰਨ ਵਾਲੇ ਬੱਚਿਆਂ ਵਿੱਚ 15 ਸਾਲ ਦਾ ਸੁਰੇਸ਼ ਸੁਣਨ ਤੋਂ ਅਸਮਰੱਥ ਸੀ, ਜਦੋਂ ਕਿ 10 ਸਾਲ ਦੇ ਬੱਚੇ ਨੂੰ ਬੋਲਣ ਵਿੱਚ ਮੁਸ਼ਕਲ ਆ ਰਹੀ ਸੀ। ਇਸੇ ਤਰ੍ਹਾਂ 11 ਸਾਲ ਦਾ ਮੰਜੂਨਾਥ ਸੀ। ਤਿੰਨੇ ਬੱਚੇ ਸਕੂਲ ਦੀਆਂ ਛੁੱਟੀਆਂ ਦੌਰਾਨ ਆਪਣੇ ਮਾਤਾ-ਪਿਤਾ ਨੂੰ ਮਿਲਣ ਅਤੇ ਕਰਨਾਟਕ ਵਿੱਚ ਆਪਣੀ ਦਾਦੀ ਕੋਲ ਰਹਿਣ ਗਏ ਸਨ। ਹਾਦਸੇ ਦੀ ਸੂਚਨਾ ਮਿਲਦੇ ਹੀ ਗੁਡੂਵਨਚੇਰੀ ਪੁਲਿਸ ਸਮੇਤ ਸਥਾਨਕ ਅਧਿਕਾਰੀ ਤੁਰੰਤ ਮੌਕੇ 'ਤੇ ਪਹੁੰਚ ਗਏ ਅਤੇ ਉਥੇ ਇਕੱਠੇ ਹੋਏ ਲੋਕਾਂ ਦੀ ਭੀੜ ਨੂੰ ਖਿੰਡਾਇਆ। ਇਸ ਤੋਂ ਬਾਅਦ ਤੰਬਾਰਾਮ ਰੇਲਵੇ ਪੁਲਿਸ ਨੇ ਮੌਕੇ 'ਤੇ ਪਹੁੰਚ ਕੇ ਲਾਸ਼ਾਂ ਨੂੰ ਕਬਜ਼ੇ 'ਚ ਲੈ ਕੇ ਪੋਸਟਮਾਰਟਮ ਲਈ ਸਰਕਾਰੀ ਹਸਪਤਾਲ ਭੇਜ ਦਿੱਤਾ। ਇਸ ਸਬੰਧੀ ਮਾਮਲਾ ਦਰਜ ਕਰਨ ਦੇ ਨਾਲ ਹੀ ਘਟਨਾ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ।
