ਰਾਜਸਥਾਨ (ਭਰਤਪੁਰ): ਮੀਰਾ ਕੁੰਤਲ ਦੇ ਇੱਕ ਫਿਜ਼ੀਕਲ ਟੀਚਰ ਆਰਵ ਨੇ ਆਪਣੀ ਵਿਦਿਆਰਥਣ ਕਲਪਨਾ (PT teacher Changed gender in Bharatpur) ਨਾਲ ਵਿਆਹ ਕਰਵਾ ਲਿਆ। 4 ਨਵੰਬਰ ਨੂੰ ਕਲਪਨਾ ਅਤੇ ਆਰਵ ਦਾ ਵਿਆਹ ਪਰਿਵਾਰ ਦੀ ਸਹਿਮਤੀ ਨਾਲ ਹੋਇਆ। ਮੀਰਾ ਰਾਸ਼ਟਰੀ ਪੱਧਰ ਦੀ ਚੈਂਪੀਅਨ ਰਹਿ ਚੁੱਕੀ ਹੈ। ਇਸ ਦੇ ਨਾਲ ਹੀ ਕਲਪਨਾ ਵੀ ਕਬੱਡੀ ਦੀ ਹੋਣਹਾਰ ਖਿਡਾਰਣ ਹੈ।
ਕੋਚ ਵਜੋਂ ਸਿਖਾਏ ਕਬੱਡੀ ਦੇ ਗੁਰ :- ਆਰਵ (ਪਹਿਲਾਂ ਮੀਰਾ) ਨੇ ਦੇਗ ਦੇ ਸਰਕਾਰੀ ਸੈਕੰਡਰੀ ਸਕੂਲ ਨਗਲਾ ਮੋਤੀ ਵਿੱਚ ਸਰੀਰਕ ਅਧਿਆਪਕ ਵਜੋਂ ਸਕੂਲ ਦੀਆਂ ਵਿਦਿਆਰਥਣਾਂ ਨੂੰ ਕਬੱਡੀ ਦੇ ਗੁਰ ਸਿਖਾਏ। ਇਨ੍ਹਾਂ ਵਿੱਚ ਕਲਪਨਾ ਵੀ ਸ਼ਾਮਲ ਸੀ। ਕਲਪਨਾ ਨੇ ਆਪਣੀ 10ਵੀਂ ਦੀ ਪੜ੍ਹਾਈ ਦੌਰਾਨ ਕਬੱਡੀ ਕੋਚ ਮੀਰਾ ਕੁੰਤਲ (ਹੁਣ ਆਰਵ) ਦੇ ਨਿਰਦੇਸ਼ਨ ਹੇਠ ਪਹਿਲੀ ਵਾਰ ਸੂਬਾ ਪੱਧਰ 'ਤੇ ਕਬੱਡੀ ਵਿੱਚ ਆਪਣੀ ਸ਼ੁਰੂਆਤ ਕੀਤੀ। ਕਲਪਨਾ ਨੇ 11ਵੀਂ ਅਤੇ 12ਵੀਂ ਜਮਾਤ ਵਿੱਚ ਵੀ ਰਾਜ ਪੱਧਰ 'ਤੇ ਆਪਣੀ ਪ੍ਰਤਿਭਾ ਦਿਖਾਈ। ਗ੍ਰੈਜੂਏਸ਼ਨ ਦੇ ਦੌਰਾਨ ਵੀ, ਕਲਪਨਾ ਨੇ 2021 ਵਿੱਚ ਰਾਸ਼ਟਰੀ ਪੱਧਰ 'ਤੇ ਤਾਕਤ ਦਿਖਾਈ। ਕਲਪਨਾ ਹੁਣ ਜਨਵਰੀ 2023 ਵਿੱਚ ਅੰਤਰਰਾਸ਼ਟਰੀ ਪ੍ਰੋ-ਕਬੱਡੀ ਵਿੱਚ ਭਾਗ ਲੈਣ ਲਈ ਦੁਬਈ ਜਾਵੇਗੀ।
ਆਰਵ ਇੱਕ ਰਾਸ਼ਟਰੀ ਖਿਡਾਰੀ :- ਮੀਰਾ ਕੁੰਤਲ, ਇੱਕ ਸਰੀਰਕ ਅਧਿਆਪਕ, ਇੱਕ ਸ਼ਾਨਦਾਰ ਖਿਡਾਰਣ (Meera became Aarav in Bharatpur) ਵੀ ਰਹੀ ਹੈ । ਮੀਰਾ 3 ਵਾਰ ਰਾਸ਼ਟਰੀ ਪੱਧਰ 'ਤੇ ਕ੍ਰਿਕਟ ਅਤੇ 4 ਵਾਰ ਹਾਕੀ 'ਚ ਖੇਡ ਚੁੱਕੀ ਹੈ। ਮੀਰਾ ਤੋਂ ਆਰਵ ਬਣਨ ਤੋਂ ਬਾਅਦ ਹੁਣ ਉਹ ਫਿਰ ਤੋਂ ਵਿਦਿਆਰਥੀਆਂ ਨੂੰ ਕਬੱਡੀ ਅਤੇ ਵਾਲੀਬਾਲ ਦੀ ਕੋਚਿੰਗ ਦੇ ਰਿਹਾ ਹੈ। ਲਿੰਗ ਪਰਿਵਰਤਨ ਤੋਂ ਪਹਿਲਾਂ ਹੀ ਕੋਚ ਆਰਵ ਅਤੇ ਉਸ ਦੀ ਖਿਡਾਰਨ ਕਲਪਨਾ ਵਿਚਕਾਰ ਪਿਆਰ ਖਿੜ ਗਿਆ ਸੀ। ਲਿੰਗ ਪਰਿਵਰਤਨ ਦੀ ਪ੍ਰਕਿਰਿਆ ਦੌਰਾਨ, ਇਨ੍ਹਾਂ ਤਿੰਨ ਸਾਲਾਂ ਵਿੱਚ, ਕਲਪਨਾ ਨੇ ਉਸ ਦਾ ਪੂਰਾ ਧਿਆਨ ਰੱਖਿਆ। ਇਸ ਦੌਰਾਨ ਦੋਹਾਂ 'ਚ ਪਿਆਰ ਹੋ ਗਿਆ ਅਤੇ 4 ਨਵੰਬਰ ਨੂੰ ਕਲਪਨਾ ਅਤੇ ਆਰਵ ਵਿਆਹ ਦੇ ਬੰਧਨ 'ਚ ਬੱਝ ਗਏ।
ਤਿੰਨ ਭੈਣਾਂ ਨੂੰ ਮਿਲਿਆ ਭਰਾ:- ਲਿੰਗ ਬਦਲਣ ਤੋਂ ਬਾਅਦ ਮੀਰਾ ਕੁੰਤਲ ਹੁਣ ਆਰਵ (Meera changed gender for Love) ਬਣ ਗਈ ਹੈ। ਆਰਵ ਦੇ ਪਿਤਾ ਵੀਰੀ ਸਿੰਘ ਨੇ ਦੱਸਿਆ ਕਿ ਮੀਰਾ ਦਾ ਜਨਮ ਲੜਕੀ ਦੇ ਰੂਪ 'ਚ ਹੋਇਆ ਸੀ ਪਰ ਉਸ ਦੇ ਹਾਵ-ਭਾਵ ਲੜਕਿਆਂ ਵਰਗੇ ਸਨ। ਡਾਕਟਰਾਂ ਅਨੁਸਾਰ ਉਸ ਨੂੰ ਡਿਸਫੋਰੀਆ ਸੀ। ਇਸ ਤੋਂ ਬਾਅਦ ਮੀਰਾ ਨੇ ਲਿੰਗ ਪਰਿਵਰਤਨ ਕਰਵਾਉਣ ਦਾ ਫੈਸਲਾ ਕੀਤਾ। ਇਸ ਵਿੱਚ ਅਸੀਂ ਸਾਰਿਆਂ ਨੇ ਉਸਦਾ ਪੂਰਾ ਸਹਿਯੋਗ ਦਿੱਤਾ। ਉਸ ਨੇ ਦੱਸਿਆ ਕਿ ਮੀਰਾ ਉਸ ਦੀਆਂ ਚਾਰ ਧੀਆਂ ਵਿੱਚੋਂ ਸਭ ਤੋਂ ਛੋਟੀ ਸੀ। ਹੁਣ ਉਸ ਦੀਆਂ ਭੈਣਾਂ ਆਰਵ ਨੂੰ ਭਰਾ ਮੰਨ ਕੇ ਰੱਖੜੀ ਬੰਨ੍ਹਦੀਆਂ ਹਨ। ਇੱਥੋਂ ਤੱਕ ਕਿ ਉਸਦੇ ਭਤੀਜੇ ਵੀ ਉਸਨੂੰ ਚਾਚਾ ਕਹਿ ਕੇ ਬੁਲਾਉਂਦੇ ਹਨ।
ਮੀਰਾ ਤੋਂ ਆਰਵ ਬਣਨ ਦੀ ਕਹਾਣੀ: ਭਾਵੇਂ ਡਿਗ ਦੀ ਰਹਿਣ ਵਾਲੀ ਮੀਰਾ ਦੀ ਸਰੀਰਕ ਦਿੱਖ ਕੁੜੀ ਵਰਗੀ ਸੀ, ਪਰ ਉਸਦਾ ਮਨ ਹਮੇਸ਼ਾ ਲੜਕਿਆਂ ਵਾਲੀ ਜ਼ਿੰਦਗੀ ਜਿਊਣਾ ਚਾਹੁੰਦਾ ਸੀ। ਮੀਰਾ ਨੂੰ ਵੀ ਮੁੰਡਿਆਂ ਵਾਂਗ ਪਾਲਿਆ ਸੀ, ਬਚਪਨ ਤੋਂ ਹੀ ਮੀਰਾ ਮੁੰਡਿਆਂ ਨਾਲ ਖੇਡਦੀ ਸੀ, ਲੜਕਿਆਂ ਵਾਂਗ ਪਹਿਰਾਵਾ ਕਰਦੀ ਸੀ।
ਆਰਵ ਨੇ ਦੱਸਿਆ ਕਿ ਬਚਪਨ ਤੋਂ ਹੀ ਉਸਦਾ ਮਨ ਲੜਕਿਆਂ ਵਰਗਾ ਸੀ। 12ਵੀਂ ਜਮਾਤ ਵਿੱਚ ਆਉਂਦਿਆਂ ਹੀ ਤੈਅ ਹੋ ਗਿਆ ਸੀ ਕਿ ਜ਼ਿੰਦਗੀ ਮੁੰਡੇ ਵਾਂਗ ਹੀ ਬਤੀਤ ਕੀਤੀ ਜਾਵੇਗੀ। ਇੱਕ ਵਾਰ ਜਦੋਂ ਮੈਂ ਇੱਕ ਮਨੋਵਿਗਿਆਨੀ ਨਾਲ ਗੱਲ ਕੀਤੀ ਤਾਂ ਪਤਾ ਲੱਗਾ ਕਿ ਇਹ ਇੱਕ ਕਿਸਮ ਦੀ ਬਿਮਾਰੀ ਹੈ, ਜਿਸ ਨੂੰ ਜੈਂਡਰ ਡਿਸਫੋਰੀਆ ਕਿਹਾ ਜਾਂਦਾ ਹੈ। ਇਸ ਤੋਂ ਬਾਅਦ 25 ਦਸੰਬਰ 2019 ਤੋਂ 2022 ਤੱਕ ਦਿੱਲੀ ਦੇ ਇੱਕ ਹਸਪਤਾਲ ਵਿੱਚ ਲਿੰਗ ਤਬਦੀਲੀ ਦੀ ਸਰਜਰੀ ਕੀਤੀ ਗਈ।
2019 'ਚ ਸ਼ੁਰੂ ਕੀਤੀ ਸਰਜਰੀ: ਆਰਵ ਨੇ ਦੱਸਿਆ ਕਿ ਦੋਸਤਾਂ ਤੋਂ ਇੰਟਰਨੈੱਟ ਤੋਂ ਜਾਣਕਾਰੀ ਮਿਲੀ (PT teacher Changed gender and married student) ਕਿ ਲਿੰਗ ਬਦਲਿਆ ਜਾ ਸਕਦਾ ਹੈ। ਇਸ ਤੋਂ ਬਾਅਦ ਸਾਲ 2019 'ਚ ਮੀਰਾ ਨੇ ਮਾਤਾ-ਪਿਤਾ ਨੂੰ ਸਮਝਾਇਆ। ਪਰਿਵਾਰ ਨੇ ਮੀਰਾ ਨੂੰ ਪੂਰਾ ਸਹਿਯੋਗ ਦਿੱਤਾ ਅਤੇ ਦਿੱਲੀ ਵਿੱਚ ਲਿੰਗ ਤਬਦੀਲੀ ਦੀ ਸਰਜਰੀ ਸ਼ੁਰੂ ਕੀਤੀ। ਇਸ ਤੋਂ ਬਾਅਦ ਫਰਵਰੀ 2022 'ਚ ਫਾਈਨਲ ਸਰਜਰੀ ਤੋਂ ਬਾਅਦ ਮੀਰਾ ਪੂਰੀ ਤਰ੍ਹਾਂ ਆਰਵ ਹੋ ਗਈ। ਸਰਜਰੀ ਦੌਰਾਨ ਕਲਪਨਾ ਅਤੇ ਉਸ ਦੇ ਪਰਿਵਾਰ ਨੇ ਆਰਵ ਦੀ ਪੂਰੀ ਦੇਖਭਾਲ ਕੀਤੀ।
ਇਹ ਵੀ ਪੜੋ:- ਜ਼ਿਮਨੀ ਚੋਣ ਨੇ ਯਾਦ ਦਿਵਾਇਆ ਕਿ ਕਿੰਨਾ ਜ਼ਰੂਰੀ ਹੈ ਚੋਣ ਸੁਧਾਰ?
