ਲਾਠੀਚਾਰਜ ਮਾਮਲੇ ’ਚ ਵੱਡਾ ਦਾਅਵਾ, ਇਨੇਲੋ ਆਗੂ ਦੇ ਇਸ਼ਾਰੇ ’ਤੇ ਦਿੱਤਾ ਸਿਰ ਭੰਨਣ ਦਾ ਆਦੇਸ਼!

ਕਰਨਾਲ: ਕਿਸਾਨਾਂ ’ਤੇ ਲਾਠੀਚਾਰਜ (Lathi Charge On Farmers) ਦੇ ਵਿਰੋਧ ਚ ਸਯੁੰਕਤ ਕਿਸਾਨ ਮੋਰਚਾ (Sanyukt Kisan Morcha) ਨੇ ਕਰਨਾਲ ਚ ਮਹਾਪੰਚਾਇਤ ਕੀਤੀ। ਇਸ ਮਹਾਪੰਚਾਇਤ ਦੀ ਪ੍ਰਧਾਨਗੀ ਕਿਸਾਨ ਆਗੂ ਗੁਰਨਾਮ ਚਡੂਨੀ (Farmer leader Gurnam Chadhuni) ਨੇ ਕੀਤੀ ਮਹਾਂਪੰਚਾਇਤ ਨੂੰ ਸੰਬੋਧਿਤ ਕਰਦੇ ਹੋਏ ਕਿਸਾਨ ਨੇਤਾ ਗੁਰਨਾਮ ਚਡੂਨੀ ਨੇ ਇੱਕ ਵੱਡਾ ਬਿਆਨ ਦਿੱਤਾ ਹੈ। ਗੁਰਨਾਮ ਚਡੂਨੀ ਨੇ ਕਿਸਾਨਾਂ ਨੂੰ ਸੰਬੋਧਿਤ ਕਰਦੇ ਹੋਏ ਇਸ਼ਾਰਿਆਂ ਹੀ ਇਸ਼ਾਰਿਆ ਚ ਕਿਹਾ ਹੈ ਕਿ ਇਸ ਪੂਰੇ ਮਾਮਲੇ ਚ ਇਨੇਲੋ ਦਾ ਵੀ ਹੱਥ ਹੈ।

ਚਡੂਨੀ ਦੇ ਮੁਤਾਬਿਕ ਜਿਸ ਐਸਡੀਐਮ ਨੇ ਕਿਸਾਨਾਂ ਦਾ ਸਿਰ ਭੰਨਣ ਦੇ ਆਦੇਸ਼ ਦਿੱਤੇ ਉਹ INLD (ਇੰਡੀਅਨ ਨੈਸ਼ਨਲ ਲੋਕਦਲ) ਦੇ ਵੱਡੇ ਅਹੁਦੇਦਾਰ ਦਾ ਭਰਾ ਹੈ। ਲਾਠੀਚਾਰਜ ਦੀ ਕਮਾਨ ਸੰਭਾਲਣ ਵਾਲਾ ਇੰਸਪੈਕਟਰ ਬੀਜੇਪੀ ਦੇ ਸਾਬਕਾ ਵਿਧਾਇਕ ਬਖਸ਼ੀਸ਼ ਸਿੰਘ ਦਾ ਭਤੀਜਾ ਹੈ। ਚਡੂਨੀ ਨੇ ਕਿਹਾ ਕਿ ਕਿਸਾਨਾਂ ਦੇ ਉੱਤੇ ਜੁਲਮ ਕਰਨ ਵਾਲਿਆਂ ਤੇ ਕਾਰਵਾਈ ਹੋਵੇ। ਇਸ ਦੇ ਲਈ ਕਿਸਾਨਾਂ ਦੀ ਰਣਨੀਤੀ ਹੋਣੀ ਚਾਹੀਦੀ ਹੈ। ਇਸ ਨੂੰ ਲੈ ਕੇ ਵੀ ਇਸ ਪੰਚਾਇਤ ਚ ਮੰਥਨ ਕੀਤਾ ਜਾਵੇਗਾ। ਉਨ੍ਹਾਂ ਨੇ ਕਿਹਾ ਕਿ ਅਸੀਂ 9 ਮਹੀਨੇ ਤੋਂ ਸੜਕਾਂ ’ਤੇ ਬੈਠੇ ਹਨ। ਨੌ ਮਹੀਨਿਆਂ ਤੋਂ ਡੰਡੇ ਖਾ ਰਹੇ ਹਾਂ। ਹੁਣ ਸਾਡੇ ਕੋਲ ਡੰਡੇ ਖਾਉਣ ਦੀ ਗੁਜਾਇੰਸ਼ ਨਹੀਂ ਰਹੀ ਹੈ। ਇਸ ਦੌਰਾਨ ਗੁਰਨਾਮ ਚਡੂਨੀ ਭਾਵੁਕ ਵੀ ਹੋ ਗਏ।

ਮਹਾਪੰਚਾਇਤ ਚ ਦੋ ਸਵਾਲਾਂ ਨੂੰ ਲੈ ਕੇ ਮੰਥਨ ਕੀਤਾ ਗਿਆ। ਪਹਿਲਾਂ ਸਵਾਲ ਇਹ ਹੈ ਕਿ ਜਿਨ੍ਹਾਂ ਅਧਿਕਾਰੀਆਂ ਨੇ ਕਿਸਾਨਾਂ ਦਾ ਸਿਰ ਭੰਨਣ ਦੇ ਆਦੇਸ਼ ਦਿੱਤੇ ਉਨ੍ਹਾਂ ਤੇ ਕਾਰਵਾਈ ਕਰਵਾਉਣ ਦੇ ਲਈ ਕੀਤਾ ਜਾਵੇ। ਦੂਜਾ ਇਹ ਕਿ ਕਦੋ ਤੱਕ ਕਿਸਾਨ ਕੁੱਟ ਖਾਂਦੇ ਰਹਿਣਗੇ। ਕੀ ਹੁਣ ਆਹਮੋ ਸਾਹਮਣੇ ਦਾ ਸਮਾਂ ਆ ਗਿਆ ਹੈ? ਇਨ੍ਹਾਂ ਦੋਹਾਂ ਸਵਾਲਾਂ ਨੂੰ ਲੈ ਕੇ ਇਸ ਮਹਾਂਪੰਚਾਇਤ ਚ ਮੰਥਨ ਕੀਤਾ ਗਿਆ।

ਗੁਰਨਾਮ ਚਡੂਨੀ (Farmer leader Gurnam Chadhuni) ਨੇ ਕਿਹਾ ਕਿ ਅਸੀਂ 9 ਮਹੀਨੇ ਤੋਂ ਸੜਕਾਂ ’ਤੇ ਬੈਠੇ ਹਨ। ਨੌ ਮਹੀਨਿਆਂ ਤੋਂ ਡੰਡੇ ਖਾ ਰਹੇ ਹੈ। ਹੁਣ ਸਾਡੇ ’ਚ ਡੰਡੇ ਖਾਉਣ ਦੀ ਗੁਜਾਇੰਸ਼ ਨਹੀਂ ਰਹੀ ਹੈ ਇਸ ਦੌਰਾਨ ਗੁਰਨਾਮ ਚਡੂਨੀ ਭਾਵੁਕ ਵੀ ਹੋ ਗਏ। ਦਰਅਸਲ 28 ਅਗਸਤ ਨੂੰ ਪੰਚਾਇਤ ਚੋਣਾਂ ਨੂੰ ਲੈ ਕੇ ਬੀਜੇਪੀ ਦੀ ਸੰਗਠਨ ਮੀਟਿੰਗ ਦਾ ਆਯੋਜਨ ਕਰਨਾਲ ਚ ਕੀਤਾ ਗਿਆ ਸੀ। ਇਸ ਦੌਰਾਨ ਕਿਸੇ ਵੀ ਰਸਤੇ ਤੋਂ ਸ਼ਹਿਰ ਚ ਦਾਖਿਲ ਕਰਨ ’ਤੇ ਰੋਕ ਲਗਾਈ ਗਈ ਸੀ। ਕਿਸਾਨਾਂ ਨੇ ਬੀਜੇਪੀ ਨੇਤਾਵਾਂ ਨੂੰ ਕਾਲੇ ਝੰਡੇ ਦਿਖਾ ਕੇ ਵਿਰੋਧ ਜਤਾਉਣ ਦੀ ਤਿਆਰੀ ਕੀਤੀ ਸੀ। ਇਸ ਦੇ ਲਈ ਉਹ ਸ਼ਹਿਰ ਚ ਆਉਣਾ ਚਾਹੁੰਦੇ ਸੀ ਪਰ ਪੁਲਿਸ ਨੇ ਉਨ੍ਹਾਂ ਨੂੰ ਵੜ੍ਹਨ ਨਹੀਂ ਦਿੱਤਾ।

ਅਜਿਹੀ ਸਥਿਤੀ ਵਿੱਚ ਕਿਸਾਨਾਂ ਨੇ ਟੋਲ ਤੋਂ ਹੀ ਭਾਜਪਾ ਦੇ ਸੂਬਾ ਪ੍ਰਧਾਨ ਓਪੀ ਧਨਖੜ ਨੂੰ ਕਾਲੇ ਝੰਡੇ ਦਿਖਾਏ ਅਤੇ ਸਰਕਾਰ ਖਿਲਾਫ ਨਾਅਰੇਬਾਜ਼ੀ ਕੀਤੀ। ਕੁਝ ਸਮੇਂ ਬਾਅਦ ਕਿਸਾਨਾਂ ਨੇ ਦੂਜੇ ਆਗੂਆਂ ਦਾ ਵਿਰੋਧ ਕਰਨ ਲਈ ਟੋਲ ਕਰਾਸਿੰਗ ’ਤੇ ਜਾਮ ਲਗਾ ਦਿੱਤਾ ਗਿਆ। ਜਿਸ ਤੋਂ ਬਾਅਦ ਪੁਲਿਸ ਨੇ ਕਿਸਾਨਾਂ 'ਤੇ ਲਾਠੀਚਾਰਜ ਕੀਤਾ। ਇਸ ਦੌਰਾਨ ਕਿਸਾਨ ਬਚਣ ਲਈ ਖੇਤਾਂ ਵਿੱਚ ਭੱਜਣ ਲੱਗੇ ਪਰ ਪੁਲਿਸ ਮੁਲਾਜ਼ਮਾਂ ਨੇ ਖੇਤਾਂ ਵਿੱਚ ਕਿਸਾਨਾਂ ਦਾ ਪਿੱਛਾ ਵੀ ਕੀਤਾ ਅਤੇ ਡੰਡਿਆਂ ਨਾਲ ਉਨ੍ਹਾਂ ਨਾਲ ਕੁੱਟਮਾਰ ਵੀ ਕੀਤੀ। ਇਸ ਤੋਂ ਬਾਅਦ ਮਾਹੌਲ ਗਰਮ ਹੋ ਗਿਆ। ਇਸ ਦੌਰਾਨ ਐਸਡੀਐਮ ਦਾ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਗਿਆ। ਜਿਸ ਵਿੱਚ ਐਸਡੀਐਮ ਪੁਲਿਸ ਮੁਲਾਜ਼ਮਾਂ ਨੂੰ ਕਿਸਾਨਾਂ ਦੇ ਸਿਰ ਭੰਨਣ ਦੇ ਆਦੇਸ਼ ਦੇ ਰਹੇ ਹਨ। ਉਸ ਤੋਂ ਬਾਅਦ ਇਹ ਮਾਮਲਾ ਗਰਮਾ ਗਿਆ।

ਗੁਰਨਾਮ ਸਿੰਘ ਚਡੂਨੀ ਨੇ ਵਿਰੋਧ ਜਤਾਉਂਦੇ ਹੋਏ ਪੂਰੇ ਸੂਬੇ ਚ ਕਿਸਾਨਾਂ ਤੋਂ ਅਪੀਲ ਕਰਕੇ ਜਾਮ ਲਗਵਾ ਦਿੱਤਾ ਗਿਆ। ਚਡੂਨੀ ਦੀ ਅਪੀਲ ’ਤੇ ਜਦੋ ਤੱਕ ਕਿਸਾਨਾਂ ਨੂੰ ਰਿਹਾ ਨਹੀਂ ਕੀਤਾ ਗਿਆ। ਉਸ ਸਮੇਂ ਤੱਕ ਕਿਸਾਨਾਂ ਨੇ ਸੂਬੇ ਭਰ ਚ ਲਗਾਏ ਜਾਮਾਂ ਨੂੰ ਨਹੀਂ ਖੋਲ੍ਹਿਆ। ਫਿਲਹਾਲ ਕਿਸਾਨ ਮੰਗ ਕਰ ਰਹੇ ਹਨ ਕਿ ਲਾਠੀਚਾਰਜ ਦਾ ਆਦੇਸ਼ ਦੇਣ ਵਾਲੇ ਕਰਨਾਲ ਐਸਡੀਐਮ ਨੂੰ ਬਰਖਾਸਤ ਕੀਤਾ ਜਾਵੇ। ਇਸੇ ਲੜੀ ਚ ਅੱਜ ਕਰਨਾਲ ਦੇ ਘਰੌੜਾ ਚ ਕਿਸਾਨਾਂ ਦੀ ਮਹਾਂਪੰਚਾਇਤ ਹੋ ਰਹੀ ਹੈ। ਜਿਸ ਚ ਕਿਸਾਨ ਸਰਕਾਰ ਦੇ ਖਿਲਾਫ ਅੱਗੇ ਦੀ ਰਣਨੀਤੀ ਤਿਆਰ ਕਰਨਗੇ।