ਤੇਲੰਗਾਨਾ 'ਚ ਗਊ ਵੰਸਾਂ ਦੀ ਤਸਕਰੀ ! ਕੰਟੇਨਰ 'ਚ ਦਮ ਘੁੱਟਣ ਕਾਰਨ 16 ਬਲਦਾ ਦੀ ਮੌਤ

ਤੇਲੰਗਾਨਾ/ਸੂਰਿਆਪੇਟ: ਤੇਲੰਗਾਨਾ ਦੇ ਸੂਰਿਆਪੇਟ ਜ਼ਿਲ੍ਹੇ ਵਿੱਚ ਇੱਕ ਬਲਦ ਤਸਕਰੀ ਕਰਨ ਵਾਲੇ ਗਿਰੋਹ ਦਾ ਪਰਦਾਫਾਸ਼ ਕੀਤਾ ਗਿਆ ਹੈ। ਪੁਲਿਸ ਨੇ ਇਸ ਮਾਮਲੇ 'ਚ 4 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਇਹ ਚਾਰੇ ਮੁਲਜ਼ਮ ਤਾਮਿਲਨਾਡੂ ਦੇ ਰਹਿਣ ਵਾਲੇ ਹਨ। ਪਸ਼ੂ ਤਸਕਰੀ ਦਾ ਮਾਮਲਾ ਜ਼ਿਲ੍ਹੇ ਦੇ ਮਥਾਮਪੱਲੀ ਮੰਡਲ ਦਾ ਹੈ। ਇੱਥੇ ਮੱਤਾਪੱਲੀ ਚੈੱਕ ਪੋਸਟ ਤੋਂ ਕੰਟੇਨਰਾਂ ਵਿੱਚ ਗੈਰ-ਕਾਨੂੰਨੀ ਢੰਗ ਨਾਲ ਬਲਦਾਂ ਨੂੰ ਲੱਦ ਕੇ ਲਿਜਾ ਰਹੇ ਸਨ। ਇਸ ਦੇ ਨਾਲ ਹੀ ਕੰਟੇਨਰ ਵਿੱਚ ਦਮ ਘੁਟਣ ਕਾਰਨ 16 ਬਲਦਾਂ ਦੀ ਮੌਤ ਹੋ ਗਈ। ਜਾਣਕਾਰੀ ਮੁਤਾਬਿਕ ਬਲਦਾਂ ਨੂੰ ਸੂਰਯਾਪੇਟ ਤੋਂ ਆਂਧਰਾ ਪ੍ਰਦੇਸ਼ 'ਚ ਲੱਦ ਕੇ ਭੇਜਿਆ ਜਾ ਰਿਹਾ ਸੀ। ਪੁਲਿਸ ਜਾਂਚ ਕਰ ਰਹੀ ਹੈ।