ਨਵੀਂ ਦਿੱਲੀ: ਅਫਰੀਕਾ 'ਚ ਚੱਲ ਰਹੇ ਅੰਡਰ-19 ਵਿਸ਼ਵ ਕੱਪ 'ਚ ਭਾਰਤੀ ਟੀਮ ਅੱਜ ਅਫਰੀਕਾ ਨਾਲ ਸੈਮੀਫਾਈਨਲ ਮੈਚ ਖੇਡੇਗੀ। ਭਾਰਤੀ ਟੀਮ ਦਾ ਇਰਾਦਾ ਇਹ ਮੈਚ ਜਿੱਤ ਕੇ ਫਾਈਨਲ 'ਚ ਪ੍ਰਵੇਸ਼ ਕਰਨ ਦਾ ਹੋਵੇਗਾ। ਭਾਰਤੀ ਟੀਮ ਵਿਸ਼ਵ ਕੱਪ ਵਿੱਚ ਹੁਣ ਤੱਕ ਇੱਕ ਵੀ ਮੈਚ ਨਹੀਂ ਹਾਰੀ ਹੈ। ਇਹ ਆਪਣੀ ਲੀਗ ਅਤੇ ਸੁਪਰ ਸਿਕਸ ਦੇ ਸਾਰੇ ਮੈਚ ਜਿੱਤ ਕੇ ਇੱਥੇ ਪਹੁੰਚੀ ਹੈ।
ਭਾਰਤੀ ਟੀਮ ਦੇ ਲਗਭਗ ਸਾਰੇ ਖਿਡਾਰੀ ਫਾਰਮ 'ਚ ਹਨ। ਪਿਛਲੇ ਮੈਚ ਵਿੱਚ ਸਚਿਨ ਦਾਸ ਅਤੇ ਕਪਤਾਨ ਉਦੈ ਸਹਾਰਨ ਨੇ ਸੈਂਕੜੇ ਵਾਲੀ ਪਾਰੀ ਖੇਡੀ ਸੀ। ਸਚਿਨ ਦਾਸ ਪਿਛਲੇ ਕੁਝ ਮੈਚਾਂ ਤੋਂ ਫਾਰਮ ਵਿੱਚ ਨਹੀਂ ਸਨ ਅਤੇ ਦੌੜਾਂ ਨਹੀਂ ਬਣਾ ਸਕੇ ਸਨ। ਇਸ ਦੇ ਨਾਲ ਹੀ ਅਰਸ਼ੀਨ ਕੁਲਕਰਨੀ ਅਤੇ ਮੁਸ਼ੀਰ ਖਾਨ ਨੇ ਵੀ ਸ਼ਾਨਦਾਰ ਸੈਂਕੜੇ ਲਗਾਏ ਹਨ। ਮੁਸ਼ੀਰ ਖਾਨ ਨੇ ਦੋ-ਦੋ ਸੈਂਕੜੇ ਵਾਲੀ ਪਾਰੀ ਖੇਡੀ ਹੈ।
ਅਫਰੀਕਾ ਦੀ ਤਾਕਤ: ਅਫਰੀਕੀ ਟੀਮ ਵੀ ਆਪਣੇ ਗਰੁੱਪ ਦੀਆਂ ਟੀਮਾਂ ਨੂੰ ਹਰਾ ਕੇ ਇੱਥੇ ਪਹੁੰਚੀ ਹੈ ਅਤੇ ਉਸ ਨੂੰ ਘਰੇਲੂ ਮੈਦਾਨ ਦਾ ਵੀ ਫਾਇਦਾ ਹੋਵੇਗਾ। ਇਸ ਲਈ ਭਾਰਤੀ ਟੀਮ ਨੂੰ ਸਖ਼ਤ ਚੁਣੌਤੀ ਦਾ ਸਾਹਮਣਾ ਕਰਨਾ ਪਵੇਗਾ। ਦੱਖਣੀ ਅਫਰੀਕਾ ਦੀ ਗੇਂਦਬਾਜ਼ ਕਵੇਨਾ ਮਾਫਾਕਾ ਉਹ ਗੇਂਦਬਾਜ਼ ਹੈ ਜਿਸ ਨੇ ਟੂਰਨਾਮੈਂਟ ਵਿੱਚ ਤਿੰਨ ਵਾਰ ਪੰਜ ਵਿਕਟਾਂ ਝਟਕਾਈਆਂ ਹਨ। ਉਸ ਨੇ ਵਿਰੋਧੀ ਟੀਮ ਦੀ ਬੱਲੇਬਾਜ਼ੀ ਲਾਈਨਅੱਪ ਨੂੰ ਤਬਾਹ ਕਰ ਦਿੱਤਾ ਹੈ। ਸਿਰਫ ਮਾਫਾਕਾ ਹੀ ਨਹੀਂ, ਅਫਰੀਕਾ ਦੇ ਸਟੀਵ ਸਟੋਕਸ ਅਤੇ ਲੁਆਨ-ਡ੍ਰੇ ਪ੍ਰੀਟੋਰੀਅਸ ਨੇ ਵੀ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ। ਦੋਵਾਂ ਦੀ ਧਮਾਕੇਦਾਰ ਬੱਲੇਬਾਜ਼ੀ ਦੀ ਬਦੌਲਤ ਟੀਮ ਸਕਾਟਲੈਂਡ ਖਿਲਾਫ ਜਿੱਤ ਲਈ ਦਿੱਤੇ 273 ਦੌੜਾਂ ਦੇ ਟੀਚੇ ਨੂੰ ਸਿਰਫ 27 ਓਵਰਾਂ 'ਚ ਹੀ ਹਾਸਲ ਕਰਕੇ ਗਰੁੱਪ ਗੇੜ 'ਚ ਸਿਖਰਲਾ ਸਥਾਨ ਹਾਸਲ ਕਰਨ 'ਚ ਸਫਲ ਰਹੀ।
ਹੈੱਡ ਟੂ ਹੈੱਡ ਅਤੇ ਪਿੱਚ ਰਿਪੋਰਟ: ਭਾਰਤ ਅਤੇ ਦੱਖਣੀ ਅਫਰੀਕਾ ਅੰਡਰ-19 ਪੱਧਰ 'ਤੇ 25 ਮੈਚਾਂ ਵਿੱਚ ਇੱਕ ਦੂਜੇ ਦਾ ਸਾਹਮਣਾ ਕਰ ਚੁੱਕੇ ਹਨ। ਭਾਰਤ ਨੇ ਇਨ੍ਹਾਂ ਵਿੱਚੋਂ 19 ਮੈਚ ਜਿੱਤੇ ਹਨ ਅਤੇ ਅਫਰੀਕਾ ਨੇ ਸਿਰਫ਼ ਛੇ ਮੈਚ ਜਿੱਤੇ ਹਨ। ਸਹਾਰਾ ਪਿੱਚ ਦੀ ਗੱਲ ਕਰੀਏ ਤਾਂ ਇਸ ਪਿੱਚ ਦਾ ਔਸਤ ਸਕੋਰ 250 ਤੋਂ 270 ਹੈ ਅਤੇ ਇੱਥੇ 399 ਦੌੜਾਂ ਵੀ ਬਣੀਆਂ ਹਨ। ਇਸ ਮੈਦਾਨ 'ਤੇ ਪਹਿਲਾਂ ਬੱਲੇਬਾਜ਼ੀ ਕਰਨ ਵਾਲੀ ਟੀਮ ਨੇ ਜ਼ਿਆਦਾ ਮੈਚ ਜਿੱਤੇ ਹਨ।
ਭਾਰਤ ਪੰਜ ਵਾਰ ਅੰਡਰ-19 ਵਿਸ਼ਵ ਕੱਪ ਦਾ ਜੇਤੂ ਰਿਹਾ ਹੈ।ਭਾਰਤੀ ਟੀਮ ਨੇ ਪਹਿਲਾਂ 2000 ਵਿੱਚ ਵਿਸ਼ਵ ਕੱਪ ਜਿੱਤਿਆ ਅਤੇ ਫਿਰ 2008, 2012, 2018 ਅਤੇ 2022 ਵਿੱਚ ਅੰਡਰ-19 ਵਿਸ਼ਵ ਕੱਪ ਦੀ ਟਰਾਫੀ ਜਿੱਤੀ। ਜਦਕਿ ਦੱਖਣੀ ਅਫਰੀਕਾ ਨੇ ਇਹ ਟਰਾਫੀ ਸਿਰਫ ਇਕ ਵਾਰ ਜਿੱਤੀ ਹੈ। ਅਫਰੀਕਾ ਨੇ ਪਾਕਿਸਤਾਨ ਨੂੰ 20-14 ਨਾਲ ਹਰਾ ਕੇ ਇਹ ਟਰਾਫੀ ਜਿੱਤੀ।
- ਚੀਨ ਤੋਂ ਮਿਲੀ ਹਾਰ ਤੋਂ ਬਾਅਦ ਨੀਦਰਲੈਂਡ ਨੂੰ ਹਰਾਉਣ ਦੇ ਇਰਾਦੇ ਨਾਲ ਮੈਦਾਨ 'ਤੇ ਉਤਰੀ ਭਾਰਤੀ ਮਹਿਲਾ ਟੀਮ
- 25 ਸਾਲ ਦੇ ਹੋਏ ਅਰਸ਼ਦੀਪ ਸਿੰਘ, ਜਨਮਦਿਨ 'ਤੇ ਜਾਣੋ ਉਸ ਨਾਲ ਜੁੜੀਆਂ ਕੁਝ ਅਹਿਮ ਗੱਲਾਂ ਅਤੇ ਹੈਰਾਨੀਜਨਕ ਅੰਕੜੇ
- ਭਾਰਤ ਨੇ ਦੂਜੇ ਟੈਸਟ ਵਿੱਚ ਇੰਗਲੈਂਡ ਨੂੰ 106 ਦੌੜਾਂ ਨਾਲ ਦਰੜਿਆ, ਬੁਮਰਾਹ ਰਹੇ ਜਿੱਤ ਦੇ ਹੀਰੋ
ਦੋਵੇਂ ਟੀਮਾਂ ਦੀ ਪਲੇਇੰਗ 11
ਭਾਰਤ - ਅਰਸ਼ੀਨ ਕੁਲਕਰਨੀ, ਆਦਰਸ਼ ਸਿੰਘ, ਰੁਦਰ ਮਯੂਰ ਪਟੇਲ, ਸਚਿਨ ਧਾਸ, ਪ੍ਰਿਯਾਂਸ਼ੂ ਮੋਲੀਆ, ਮੁਸ਼ੀਰ ਖਾਨ, ਉਦੈ ਸਹਾਰਨ (ਕਪਤਾਨ), ਅਰਾਵਲੀ ਅਵਨੀਸ਼ ਰਾਓ, ਸੌਮਿਆ ਕੁਮਾਰ ਪਾਂਡੇ (ਉਪ-ਕਪਤਾਨ) ਮੁਰੂਗਨ ਅਭਿਸ਼ੇਕ, ਇਨੇਸ਼ ਮਹਾਜਨ, ਧਨੁਸ਼ ਗੌੜਾ, ਆਰਾਧਿਆ ਸ਼ੁਕਲਾ ਰਾਜ ਲਿੰਬਾਨੀ ਅਤੇ ਨਮਨ ਤਿਵਾਰੀ।
ਦੱਖਣੀ ਅਫ਼ਰੀਕਾ - ਲੁਆਨ-ਡ੍ਰੇ ਪ੍ਰੀਟੋਰੀਅਸ (ਵਿਕਟ ਕੀਪਰ), ਸਟੀਵ ਸਟੋਕ, ਡੇਵਿਡ ਟੇਗਰ, ਰਿਚਰਡ ਸਲੇਟਸੇਨ, ਦੀਵਾਨ ਮਰੇਸ, ਰੋਮਸ਼ਾਨ ਪਿੱਲੇ, ਜੁਆਨ ਜੇਮਜ਼ (ਸੀ), ਰਿਲੇ ਨੌਰਟਨ, ਟ੍ਰਿਸਟਨ ਲੁਅਸ, ਨਕੋਬਾਨੀ ਮੋਕੋਏਨਾ, ਕਵੇਨਾ ਮਫਾਕਾ।
