ਬਾਸੇਲ: ਚੋਟੀ ਦੇ ਭਾਰਤੀ ਸ਼ਟਲਰ ਕਿਦਾਂਬੀ ਸ਼੍ਰੀਕਾਂਤ ਅਤੇ ਨੌਜਵਾਨ ਖਿਡਾਰੀ ਪ੍ਰਿਯਾਂਸ਼ੂ ਰਾਜਾਵਤ ਬੀਡਬਲਿਊਐਫ ਸਵਿਸ ਓਪਨ, ਸੁਪਰ 300 ਬੈਡਮਿੰਟਨ ਟੂਰਨਾਮੈਂਟ ਦੇ ਕੁਆਰਟਰ ਫਾਈਨਲ ਵਿੱਚ ਪਹੁੰਚ ਗਏ ਹਨ। ਵਿਸ਼ਵ ਦੇ 27ਵੇਂ ਨੰਬਰ ਦੇ ਖਿਡਾਰੀ ਸ਼੍ਰੀਕਾਂਤ ਨੇ 10ਵੇਂ ਨੰਬਰ ਦੇ ਮਲੇਸ਼ੀਆ ਦੇ ਲੀ ਜੀ ਜਿਆ ਨੂੰ ਸਿਰਫ਼ 36 ਮਿੰਟਾਂ ਵਿੱਚ ਸਿੱਧੇ ਸੈੱਟਾਂ ਵਿੱਚ 21-16, 21-15 ਨਾਲ ਹਰਾਇਆ।
ਦੂਜੇ ਪਾਸੇ ਰਾਜਾਵਤ ਨੇ ਵਿਸ਼ਵ ਦੇ 33ਵੇਂ ਨੰਬਰ ਦੇ ਖਿਡਾਰੀ ਚੀਨ ਦੇ ਲੇਈ ਲੈਂਕਸੀ ਨੂੰ ਸਿੱਧੇ ਗੇਮਾਂ ਵਿੱਚ 21-14, 21-13 ਨਾਲ ਹਰਾਇਆ। 22 ਸਾਲਾ ਰਾਜਾਵਤ ਦਾ ਸਾਹਮਣਾ ਪਹਿਲੇ ਦੌਰ 'ਚ ਦੁਨੀਆ ਦੇ 14ਵੇਂ ਨੰਬਰ ਦੇ ਖਿਡਾਰੀ ਹਾਂਗਕਾਂਗ ਦੇ ਲੀ ਚੈਉਕ ਯੀਊ ਨਾਲ ਹੋਇਆ ਸੀ। ਲੀ ਸਾਲ ਦੀ ਸ਼ੁਰੂਆਤ ਵਿੱਚ ਇੰਡੀਆ ਓਪਨ ਵਿੱਚ ਫਾਈਨਲਿਸਟ ਸੀ। ਸ੍ਰੀਕਾਂਤ ਦਾ ਅਗਲਾ ਮੁਕਾਬਲਾ ਚੀਨੀ ਤਾਈਪੇ ਦੇ ਚਿਆ ਹਾਓ ਲੀ ਨਾਲ ਹੋਵੇਗਾ, ਜਿਸ ਨੇ ਲਕਸ਼ਯ ਸੇਨ ਨੂੰ ਸਿੱਧੇ ਗੇਮਾਂ ਵਿੱਚ 21-17, 21-15 ਨਾਲ ਹਰਾ ਕੇ ਬਾਹਰ ਕੀਤਾ। ਰਾਜਾਵਤ ਦਾ ਸਾਹਮਣਾ ਤਾਈਪੇ ਦੇ ਇੱਕ ਹੋਰ ਸ਼ਟਲਰ ਚੋਊ ਤਿਏਨ ਚੇਨ ਨਾਲ ਹੋਵੇਗਾ।
ਪੁਰਸ਼ ਸਿੰਗਲਜ਼ ਦੇ ਇੱਕ ਹੋਰ ਸ਼ਟਲਰ ਕਿਰਨ ਜਾਰਜ ਨੇ ਅਲੈਕਸ ਲੈਨੀਅਰ ਨੂੰ ਸਖ਼ਤ ਸੰਘਰਸ਼ 18-21, 22-20, 21-18 ਨਾਲ ਹਰਾ ਕੇ ਕੁਆਰਟਰ ਫਾਈਨਲ ਵਿੱਚ ਥਾਂ ਬਣਾਈ। ਸੈਮੀਫਾਈਨਲ 'ਚ ਜਗ੍ਹਾ ਬਣਾਉਣ ਲਈ ਉਸਦਾ ਅਗਲਾ ਮੁਕਾਬਲਾ ਡੈਨਮਾਰਕ ਦੇ ਰਾਸਮੁਸ ਗੇਮਕੇ ਨਾਲ ਹੋਵੇਗਾ। ਇਸ ਦੌਰਾਨ ਦੋ ਵਾਰ ਦੀ ਓਲੰਪਿਕ ਤਮਗਾ ਜੇਤੂ ਪੀਵੀ ਸਿੰਧੂ ਦੀ ਮੁਹਿੰਮ ਇੱਥੇ ਪ੍ਰੀ-ਕੁਆਰਟਰ ਫਾਈਨਲ ਵਿੱਚ ਜਾਪਾਨ ਦੀ ਟੋਕੋਮਾ ਮਿਆਜ਼ਾਕੀ ਤੋਂ ਹਾਰ ਕੇ ਖ਼ਤਮ ਹੋ ਗਈ।
- ਤੇਜ਼ ਰਫਤਾਰ ਕ੍ਰਿਕਟ ਦੇ ਸਭ ਤੋਂ ਵੱਡੇ ਟੂਰਨਾਮੈਂਟ - IPL 2024 'ਚ ਭਾਰਤੀ ਸਿਤਾਰਿਆਂ 'ਤੇ ਰਹਿਣਗੀਆਂ ਨਜ਼ਰਾਂ - INDIAN STAR PLAYER
- ਦ ਹੰਡ੍ਰੇਡ: ਭਾਰਤੀਆਂ 'ਚ ਸਿਰਫ ਮੰਧਾਨਾ ਅਤੇ ਰਿਚਾ ਦੇ ਹੀ ਨਾਂ ਸ਼ਾਮਲ ਹਨ - SMRITI MANDHANA
- IPL ਤੋਂ ਪਹਿਲਾਂ ਕੇਸ਼ਵ ਮਹਾਰਾਜ ਅਤੇ ਰਵੀ ਬਿਸ਼ਨੋਈ ਨੇ ਅਯੁੱਧਿਆ ਵਿੱਚ ਰਾਮ ਮੰਦਰ ਦੇ ਕੀਤੇ ਦਰਸ਼ਨ - KESHAV MAHARAJ VISIT RAM TAMPLE
ਸਿੰਧੂ ਨੂੰ ਇਕ ਘੰਟਾ 19 ਮਿੰਟ ਤੱਕ ਚੱਲੇ ਮੈਚ 'ਚ ਦੁਨੀਆ ਦੀ 27ਵੇਂ ਨੰਬਰ ਦੀ ਜਾਪਾਨੀ ਸ਼ਟਲਰ ਤੋਂ 21-16, 19-21, 16-21 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। 16ਵੇਂ ਦੌਰ ਵਿੱਚ ਇਹ ਉਸਦੀ ਲਗਾਤਾਰ ਦੂਜੀ ਹਾਰ ਸੀ। ਪਿਛਲੇ ਹਫ਼ਤੇ ਭਾਰਤੀ ਖਿਡਾਰੀ ਨੂੰ ਆਲ ਇੰਗਲੈਂਡ ਓਪਨ ਵਿੱਚ ਦੂਜੇ ਦੌਰ ਵਿੱਚ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ।
