ਨਵੀਂ ਦਿੱਲੀ: ਚੇਨਈ ਸੁਪਰ ਕਿੰਗਜ਼ ਦੇ ਸਾਬਕਾ ਕਪਤਾਨ ਅਤੇ ਸਟਾਰ ਬੱਲੇਬਾਜ਼ ਐਮਐਸ ਧੋਨੀ ਦੇ ਆਈਪੀਐਲ ਤੋਂ ਸੰਨਿਆਸ ਲੈਣ ਨੂੰ ਲੈ ਕੇ ਕਈ ਤਰ੍ਹਾਂ ਦੀਆਂ ਖ਼ਬਰਾਂ ਸਾਹਮਣੇ ਆ ਰਹੀਆਂ ਹਨ। ਕਈ ਰਿਪੋਰਟਾਂ 'ਚ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਧੋਨੀ ਨੇ ਇੰਡੀਅਨ ਪ੍ਰੀਮੀਅਰ ਲੀਗ ਦੇ ਇਤਿਹਾਸ 'ਚ ਆਪਣਾ ਆਖਰੀ ਮੈਚ ਆਰਸੀਬੀ ਖਿਲਾਫ ਖੇਡਿਆ ਹੈ। ਪਰ ਇਸ ਮੈਚ ਤੋਂ ਬਾਅਦ ਧੋਨੀ ਨੇ ਸੰਨਿਆਸ ਦੀ ਗੱਲ ਨਹੀਂ ਕੀਤੀ ਅਤੇ ਉਹ ਆਈਪੀਐਲ 2024 ਦੀ ਆਪਣੀ ਮੁਹਿੰਮ ਨੂੰ ਖਤਮ ਕਰਨ ਤੋਂ ਅਗਲੇ ਦਿਨ ਰਾਂਚੀ ਪਹੁੰਚ ਗਏ। ਹੁਣ ਇਸ ਦੌਰਾਨ ਧੋਨੀ ਦੇ ਸੰਨਿਆਸ ਨੂੰ ਲੈ ਕੇ ਚੇਨਈ ਸੁਪਰ ਕਿੰਗਜ਼ ਦੇ ਅਧਿਕਾਰੀਆਂ ਨੇ ਵੱਡਾ ਅਪਡੇਟ ਦਿੱਤਾ ਗਿਆ ਹੈ।
ਕਾਸ਼ੀ ਵਿਸ਼ਵਨਾਥਨ ਨੇ ਧੋਨੀ ਦੇ ਸੰਨਿਆਸ ਨੂੰ ਲੈ ਕੇ ਦਿੱਤਾ ਵੱਡਾ ਅਪਡੇਟ: ਕ੍ਰਿਕਬਜ਼ ਦੀ ਰਿਪੋਰਟ ਦੀ ਮੰਨੀਏ ਤਾਂ ਚੇਨਈ ਸੁਪਰ ਕਿੰਗਜ਼ ਦੇ ਸੀਈਓ ਕਾਸ਼ੀ ਵਿਸ਼ਵਨਾਥਨ ਨੇ ਆਈਪੀਐਲ ਤੋਂ ਧੋਨੀ ਦੇ ਸੰਨਿਆਸ ਨੂੰ ਲੈ ਕੇ ਵੱਡਾ ਅਪਡੇਟ ਦਿੱਤਾ ਹੈ। ਕਾਸ਼ੀ ਵਿਸ਼ਵਨਾਥਨ ਨੇ ਕਿਹਾ, 'ਧੋਨੀ ਨੇ ਸਾਨੂੰ ਕੁਝ ਨਹੀਂ ਦੱਸਿਆ। ਇਸ ਸੀਜ਼ਨ 'ਚ ਉਸ ਨੇ ਜਿਸ ਤਰ੍ਹਾਂ ਨਾਲ ਬੱਲੇਬਾਜ਼ੀ ਕੀਤੀ ਹੈ, ਉਹ ਯਕੀਨੀ ਤੌਰ 'ਤੇ ਖੇਡਣਾ ਜਾਰੀ ਰੱਖ ਸਕਦਾ ਹੈ ਪਰ ਇਹ ਸਭ ਉਸ 'ਤੇ ਨਿਰਭਰ ਕਰੇਗਾ। ਧੋਨੀ ਸਾਨੂੰ ਕਦੇ ਵੀ ਅਜਿਹੀਆਂ ਗੱਲਾਂ ਨਹੀਂ ਦੱਸਦੇ, ਧੋਨੀ ਸਿਰਫ ਫੈਸਲਾ ਲੈਂਦੇ ਹਨ।
-
Blade Check 🦁✅
— Chennai Super Kings (@ChennaiIPL) May 18, 2024
Thala Ready! 🦁🔥#RCBvCSK #WhistlePodu 🦁💛 @msdhoni pic.twitter.com/xFLjQgMWTm
- ਲਿਟਲ ਮਾਸਟਰ, ਸਚਿਨ, ਰਹਾਣੇ ਸਮੇਤ ਇਨ੍ਹਾਂ ਖਿਡਾਰੀਆਂ ਨੇ ਕੀਤਾ ਆਪਣੀ ਵੋਟ ਦਾ ਇਸਤੇਮਾਲ - lok sabha election 2024
- ਮੀਂਹ ਨੇ ਪਾਈ ਰਾਜਸਥਾਨ ਰਾਇਲਜ਼ ਨੂੰ ਮਾਰ, KKR ਅਤੇ SRH ਵਿਚਕਾਰ ਖੇਡਿਆ ਜਾਵੇਗਾ ਕੁਆਲੀਫਾਇਰ-1 - IPL 2024 Qualifier
- SRH Vs PBKS: ਸਨਰਾਈਜ਼ਰਜ਼ ਹੈਦਰਾਬਾਦ ਨੇ ਪੰਜਾਬ ਕਿੰਗਸ ਨੂੰ ਰੋਮਾਂਚਿਕ ਮੁਕਾਬਲੇ 'ਚ 4 ਵਿਕੇਟ ਦੀ ਮਾਤ, ਅਭਿਸ਼ੇਕ ਨੇ ਖੇਡਿਆ ਤੂਫਾਨੀ ਅਰਧ ਸੈਂਕੜਾ - IPL 2024
ਧੋਨੀ ਕਿਸੇ ਵੀ ਸਮੇਂ ਲੈ ਸਕਦੇ ਹਨ ਕੋਈ ਵੀ ਫੈਸਲਾ: ਦੱਸ ਦੇਈਏ ਕਿ ਮਹਿੰਦਰ ਸਿੰਘ ਧੋਨੀ ਨੇ ਵੀ ਅਚਾਨਕ ਅੰਤਰਰਾਸ਼ਟਰੀ ਕ੍ਰਿਕਟ ਤੋਂ ਸੰਨਿਆਸ ਲੈ ਲਿਆ ਸੀ। ਉਸ ਸਮੇਂ ਵੀ ਧੋਨੀ ਨੇ ਆਪਣੇ ਸੰਨਿਆਸ ਬਾਰੇ ਕਰੀਬੀ ਲੋਕਾਂ ਨੂੰ ਛੱਡ ਕੇ ਕਿਸੇ ਨੂੰ ਨਹੀਂ ਦੱਸਿਆ ਸੀ। ਹੁਣ ਇਕ ਵਾਰ ਫਿਰ ਧੋਨੀ ਦੇ ਸੰਨਿਆਸ ਨੂੰ ਇਸ ਤਰ੍ਹਾਂ ਦੇਖਿਆ ਜਾ ਰਿਹਾ ਹੈ। ਪਰ ਸਵਾਲ ਇਹ ਵੀ ਉੱਠਦਾ ਹੈ ਕਿ ਜੇਕਰ ਧੋਨੀ ਨੇ ਇਸ ਸਾਲ ਆਈਪੀਐਲ ਤੋਂ ਸੰਨਿਆਸ ਲੈਣਾ ਹੁੰਦਾ ਤਾਂ ਉਹ ਆਪਣੇ ਆਖਰੀ ਲੀਗ ਮੈਚ ਤੋਂ ਬਾਅਦ ਇਸ ਦਾ ਐਲਾਨ ਕਰ ਸਕਦਾ ਸੀ ਪਰ ਧੋਨੀ ਨੇ ਅਜਿਹਾ ਨਹੀਂ ਕੀਤਾ। ਅਜਿਹੇ 'ਚ ਸੰਭਵ ਹੈ ਕਿ ਧੋਨੀ IPL 2025 'ਚ ਵੀ ਮੈਦਾਨ 'ਤੇ ਪ੍ਰਸ਼ੰਸਕਾਂ ਨੂੰ ਆਪਣਾ ਜਾਦੂ ਦਿਖਾਉਂਦੇ ਨਜ਼ਰ ਆ ਸਕਦੇ ਹਨ। ਧੋਨੀ ਨੇ IPL 2024 'ਚ 14 ਮੈਚਾਂ 'ਚ 161 ਦੌੜਾਂ ਬਣਾਈਆਂ, ਜਿਸ ਦੌਰਾਨ ਉਸ ਨੇ 14 ਚੌਕੇ ਅਤੇ 13 ਛੱਕੇ ਵੀ ਲਗਾਏ।
