ਸਿਹਤ ਲਈ ਖਤਰਨਾਕ ਹੈ ਬਚੀ ਹੋਈ ਚਾਹ ਨੂੰ ਦੁਬਾਰਾ ਗਰਮ ਕਰਕੇ ਪੀਣਾ, ਇਥੇ ਕਾਰਨ ਜਾਣੋ

author img

By ETV Bharat Health Team

Published : Feb 13, 2024, 1:39 PM IST

reheating tea dangerous for the body

Reheated Tea Side Effects: ਸਾਡੇ ਵਿੱਚੋਂ ਬਹੁਤ ਸਾਰੇ ਲੋਕ ਇੱਕ ਵਾਰ ਤਿਆਰ ਕੀਤੀ ਚਾਹ ਨੂੰ ਵਾਰ-ਵਾਰ ਗਰਮ ਕਰਕੇ ਪੀਂਦੇ ਹਨ। ਕੀ ਤੁਸੀਂ ਇਸ ਤਰ੍ਹਾਂ ਪੀ ਸਕਦੇ ਹੋ? ਕੀ ਕੋਈ ਸਿਹਤ ਸਮੱਸਿਆਵਾਂ ਪੈਦਾ ਹੋਣ ਦੀ ਸੰਭਾਵਨਾ ਹੈ? ਕੀ ਕਹਿ ਰਹੇ ਹਨ ਮਾਹਿਰ?

ਹੈਦਰਾਬਾਦ: ਸਾਡੇ ਦੇਸ਼ ਵਿੱਚ ਲੋਕਾਂ ਲਈ ਚਾਹ ਪੀਣਾ ਆਮ ਹੈ। ਬਹੁਤ ਸਾਰੇ ਲੋਕ ਸਵੇਰੇ ਉੱਠਣ ਤੋਂ ਲੈ ਕੇ ਰਾਤ ਨੂੰ ਸੌਣ ਤੱਕ ਘੱਟੋ-ਘੱਟ ਦੋ ਜਾਂ ਤਿੰਨ ਵਾਰ ਚਾਹ ਪੀਂਦੇ ਹਨ। ਕੁਝ ਲੋਕ ਚਾਹ ਤੋਂ ਬਿਨਾਂ ਦਿਨ ਨਹੀਂ ਲੰਘਾ ਸਕਦੇ, ਉਹ ਕੋਈ ਕੰਮ ਵੀ ਠੀਕ ਤਰ੍ਹਾਂ ਨਹੀਂ ਕਰ ਸਕਦੇ। ਸਾਡੇ ਦਾਦੇ ਦਾਦੀਆਂ ਨੂੰ ਇਸ ਦੀ ਆਦਤ ਹੈ। ਪਰ ਜਿਹੜੀ ਚਾਹ ਅਸੀਂ ਦੁਕਾਨਾਂ ਅਤੇ ਘਰ ਵਿੱਚ ਇੰਨੀ ਜ਼ਿਆਦਾ ਪੀਂਦੇ ਹਾਂ, ਉਹ ਕਈ ਵਾਰ ਸਾਡੀ ਸਿਹਤ ਲਈ ਖਤਰਾ ਬਣ ਸਕਦੀ ਹੈ?

ਆਮ ਤੌਰ 'ਤੇ ਕਈ ਤਰ੍ਹਾਂ ਦੇ ਲੋਕ ਹਨ, ਜਿਹਨਾਂ ਵਿੱਚੋਂ ਕੁਝ ਲੋਕ ਚਾਹ ਬਣਾ ਲੈਂਦੇ ਹਨ, ਜਦੋਂ ਉਹ ਇਸ ਨੂੰ ਪੀਣਾ ਚਾਹੁੰਦੇ ਹਨ। ਦੂਜੇ ਪਾਸੇ ਕੁੱਝ ਲੋਕ ਅਜਿਹੇ ਹਨ ਜੋ ਇੱਕ ਵਾਰ ਵਿੱਚ ਕਾਫੀ ਸਾਰੀ ਚਾਹ ਬਣਾਉਂਦੇ ਹਨ ਅਤੇ ਇਸਨੂੰ ਸਟੋਰ ਕਰਕੇ ਰੱਖਦੇ ਹਨ ਅਤੇ ਵਾਰ ਵਾਰ ਉਬਾਲ ਕੇ ਪੀਂਦੇ ਹਨ। ਮਾਹਿਰਾਂ ਦਾ ਕਹਿਣਾ ਹੈ ਕਿ ਅਜਿਹਾ ਕਰਨਾ ਸਿਹਤ ਲਈ ਖ਼ਤਰਾ ਹੈ। ਆਓ ਕਾਰਨ ਵੀ ਜਾਣੀਏ...।

ਬੈਕਟੀਰੀਆ: ਜੇਕਰ ਚਾਹ ਨੂੰ ਜ਼ਿਆਦਾ ਦੇਰ ਤੱਕ ਇਸ ਤਰ੍ਹਾਂ ਛੱਡ ਦਿੱਤਾ ਜਾਵੇ ਤਾਂ ਇਸ ਵਿੱਚ ਬੈਕਟੀਰੀਆ ਅਤੇ ਫੰਗਸ ਦੇ ਵਧਣ ਦੀ ਸੰਭਾਵਨਾ ਹੁੰਦੀ ਹੈ। ਇਸ ਲਈ ਚਾਹ ਨੂੰ ਵਾਰ-ਵਾਰ ਗਰਮ ਨਹੀਂ ਕਰਨਾ ਚਾਹੀਦਾ।

ਫੂਡ ਪੁਆਇਜ਼ਨਿੰਗ: ਜੇਕਰ ਚਾਹ ਨੂੰ ਵਾਰ-ਵਾਰ ਉਬਾਲਿਆ ਜਾਵੇ ਤਾਂ ਇਸ ਵਿੱਚ ਫੈਲਣ ਵਾਲੇ ਬੈਕਟੀਰੀਆ ਵੀ ਵੱਧ ਸਕਦੇ ਹਨ। ਚਾਹ ਵੀ ਆਪਣਾ ਸਵਾਦ ਗੁਆ ਬੈਠਦੀ ਹੈ। ਫੂਡ ਪੋਇਜ਼ਨਿੰਗ ਹੋਣ ਦੀ ਸੰਭਾਵਨਾ ਹੈ।

ਪੌਸ਼ਟਿਕ ਤੱਤਾਂ ਦੀ ਬਰਬਾਦੀ: ਜੇਕਰ ਹਰਬਲ ਟੀ ਨੂੰ ਵਾਰ-ਵਾਰ ਗਰਮ ਕੀਤਾ ਜਾਵੇ ਤਾਂ ਇਸ ਵਿਚਲੇ ਪੋਸ਼ਕ ਤੱਤ ਖਤਮ ਹੋ ਜਾਂਦੇ ਹਨ। ਇਸ ਤੋਂ ਇਲਾਵਾ ਚਾਹ ਹਾਨੀਕਾਰਕ ਹੋ ਜਾਂਦੀ ਹੈ।

ਹੋਰ ਵੀ ਸਿਹਤ ਸਮੱਸਿਆਵਾਂ: ਮਾਹਿਰਾਂ ਦਾ ਕਹਿਣਾ ਹੈ ਕਿ ਚਾਹ ਨੂੰ ਵਾਰ ਵਾਰ ਗਰਮ ਕਰਕੇ ਪੀਣ ਨਾਲ ਕਈ ਸਿਹਤ ਸਮੱਸਿਆਵਾਂ ਹੋ ਸਕਦੀਆਂ ਹਨ। ਇਹ ਤੁਹਾਡੇ ਲਈ ਪੇਟ ਦਰਦ, ਦਸਤ, ਕੜਵੱਲ, ਦਮਾ ਹੋਰ ਪਾਚਨ ਸਮੱਸਿਆਵਾਂ ਦਾ ਕਾਰਨ ਬਣ ਸਕਦੀ ਹੈ। ਇਹ ਸਮਝਾਇਆ ਜਾਂਦਾ ਹੈ ਕਿ ਜੇਕਰ ਚਾਹ ਨੂੰ ਲੰਬੇ ਸਮੇਂ ਤੱਕ ਸਟੋਰ ਕੀਤਾ ਜਾਵੇ ਤਾਂ ਟੈਨਿਨ ਜ਼ਿਆਦਾ ਨਿਕਲਦਾ ਹੈ ਅਤੇ ਇਹ ਕੌੜੀ ਬਣ ਜਾਂਦੀ ਹੈ, ਜੋ ਸਿਹਤ ਲਈ ਠੀਕ ਨਹੀਂ ਹੈ।

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.