ਮੁੰਬਈ: ਬਾਲੀਵੁੱਡ ਦੇ 'ਭਾਈਜਾਨ' ਸਲਮਾਨ ਖਾਨ ਇਸ ਸਮੇਂ ਨਾਜ਼ੁਕ ਦੌਰ 'ਚੋਂ ਗੁਜ਼ਰ ਰਹੇ ਹਨ। ਹਾਲ ਹੀ 'ਚ ਦੋ ਸ਼ੂਟਰਾਂ ਨੇ ਅਦਾਕਾਰ ਦੇ ਘਰ 'ਤੇ ਫਾਈਰਿੰਗ ਕੀਤੀ ਅਤੇ ਫਿਰ ਆਪਣੀ ਬਾਈਕ ਛੱਡ ਕੇ ਗੁਜਰਾਤ ਦੇ ਕੱਛ 'ਚ ਲੁਕ ਗਏ। ਭੁਜ ਪੁਲਿਸ ਨੇ ਪੂਰੀ ਜਾਂਚ ਤੋਂ ਬਾਅਦ ਇਨ੍ਹਾਂ ਦੋਹਾਂ ਸ਼ੂਟਰਾਂ ਨੂੰ ਗ੍ਰਿਫਤਾਰ ਕਰ ਲਿਆ ਅਤੇ ਮੁੰਬਈ ਪੁਲਿਸ ਦੇ ਹਵਾਲੇ ਕਰ ਦਿੱਤਾ।
ਦੋਵੇਂ ਸ਼ੂਟਰ ਵਿੱਕੀ ਗੁਪਤਾ ਅਤੇ ਸਾਗਰ ਪਾਲ ਬਿਹਾਰ ਦੇ ਰਹਿਣ ਵਾਲੇ ਹਨ ਅਤੇ ਦੋਵੇਂ 25 ਅਪ੍ਰੈਲ ਤੱਕ ਮੁੰਬਈ ਪੁਲਿਸ ਦੀ ਹਿਰਾਸਤ ਵਿੱਚ ਰਹਿਣਗੇ। ਹੁਣ ਮੁੰਬਈ ਪੁਲਿਸ ਦੀ ਪੁੱਛਗਿੱਛ ਦੌਰਾਨ ਇਨ੍ਹਾਂ ਦੋਵਾਂ ਮੁਲਜ਼ਮਾਂ ਨੇ ਦੱਸਿਆ ਹੈ ਕਿ ਉਹ ਵਾਰਦਾਤ ਨੂੰ ਅੰਜ਼ਾਮ ਦੇਣ ਤੋਂ ਬਾਅਦ ਕਿਵੇਂ ਭੱਜੇ ਅਤੇ ਕਿੱਥੇ ਲੁਕੇ ਹੋਏ ਸਨ।
ਦੋਨਾਂ ਸ਼ੂਟਰਾਂ ਦੇ ਭੱਜਣ ਦੀ ਯੋਜਨਾ: ਮੁੰਬਈ ਪੁਲਿਸ ਦੀ ਹਿਰਾਸਤ 'ਚ ਆਏ ਸ਼ੂਟਰ ਵਿੱਕੀ ਗੁਪਤਾ ਅਤੇ ਸਾਗਰ ਪਾਲ ਨੇ ਪੁੱਛਗਿੱਛ ਦੌਰਾਨ ਦੱਸਿਆ ਹੈ ਕਿ ਹਮਲੇ ਤੋਂ ਬਾਅਦ ਉਨ੍ਹਾਂ ਨੇ ਮੁੰਬਈ ਤੋਂ ਕੱਛ (ਗੁਜਰਾਤ) ਭੱਜਣ ਲਈ ਕਈ ਵਾਹਨ ਬਦਲੇ। ਮੁਲਜ਼ਮ ਮੋਟਰਸਾਈਕਲ ਨੂੰ ਸਲਮਾਨ ਖਾਨ ਦੇ ਘਰ ਤੋਂ ਦੂਰ ਛੱਡ ਕੇ 8 ਮਿੰਟਾਂ ਵਿੱਚ ਆਟੋ ਰਾਹੀਂ ਬਾਂਦਰਾ ਰੇਲਵੇ ਸਟੇਸ਼ਨ ਪਹੁੰਚੇ। ਇਸ ਤੋਂ ਬਾਅਦ ਉਹ ਬੋਰੀਵਲੀ ਜਾਣ ਵਾਲੀ ਰੇਲਗੱਡੀ 'ਤੇ ਚੜ੍ਹੇ ਅਤੇ ਫਿਰ ਸਾਂਤਾ ਕਰੂਜ਼ ਰੇਲਵੇ ਸਟੇਸ਼ਨ 'ਤੇ ਉਤਰ ਗਏ।
- ਫਾਈਰਿੰਗ ਮਾਮਲੇ ਉਤੇ ਬੋਲੇ ਸਲਮਾਨ ਖਾਨ ਦੇ ਪਿਤਾ ਸਲੀਮ ਖਾਨ, ਕਿਹਾ-ਕੋਈ ਡਰ ਨਹੀਂ... - Salman Khan Firing Case
- ਮੁੰਬਈ ਲਿਆਂਦੇ ਗਏ ਸਲਮਾਨ ਖਾਨ ਦੇ ਘਰ ਦੇ ਬਾਹਰ ਫਾਈਰਿੰਗ ਕਰਨ ਵਾਲੇ ਵਿਅਕਤੀ, ਪੁਲਿਸ ਕਰੇਗੀ ਪੁੱਛਗਿੱਛ - Salman Khan Firing Case
- ਸਲਮਾਨ ਖਾਨ ਦੇ ਘਰ ਫਾਈਰਿੰਗ ਮਾਮਲੇ 'ਚ ਵੱਡੀ ਸਫਲਤਾ, ਮੁੰਬਈ ਕ੍ਰਾਈਮ ਬ੍ਰਾਂਚ ਨੇ ਗੁਜਰਾਤ ਤੋਂ 2 ਨੂੰ ਕੀਤਾ ਗ੍ਰਿਫਤਾਰ - Firing Outside Salman Khan House
ਇਸ ਤੋਂ ਬਾਅਦ ਉਹ ਵੈਸਟਰਨ ਐਕਸਪ੍ਰੈਸ ਹਾਈਵੇ 'ਤੇ ਗਏ, ਜਿੱਥੇ ਉਹਨਾਂ ਨੇ ਆਪਣੀ ਟੀ-ਸ਼ਰਟ ਬਦਲ ਲਈ। ਫਿਰ ਦੋਵਾਂ ਨੇ ਦਹਿਸਰ ਵੱਲ ਆਟੋਰਿਕਸ਼ਾ ਲਿਆ ਅਤੇ ਬਾਅਦ ਵਿਚ ਮੁੰਬਈ-ਗੁਜਰਾਤ ਹਾਈਵੇਅ 'ਤੇ ਇੱਕ ਪ੍ਰਾਈਵੇਟ ਕਾਰ ਵਿੱਚ ਸਵਾਰ ਹੋ ਕੇ ਸੂਰਤ ਲਈ ਰਵਾਨਾ ਹੋ ਗਏ।
ਇੱਥੇ ਮੁਲਜ਼ਮਾਂ ਨੇ ਕਥਿਤ ਤੌਰ ’ਤੇ ਆਪਣੀ ਪਿਸਤੌਲ ਨਹਿਰ ਵਿੱਚ ਸੁੱਟ ਦਿੱਤੀ। ਉਹ ਸੂਰਤ ਰੇਲਵੇ ਸਟੇਸ਼ਨ ਗਏ, ਪਰ ਭੁਜ ਲਈ ਕੋਈ ਟਰੇਨ ਨਹੀਂ ਮਿਲੀ। ਇਸ ਤੋਂ ਬਾਅਦ ਉਹ ਸੂਰਤ ਤੋਂ ਸਟੇਟ ਟਰਾਂਸਪੋਰਟ ਦੀ ਬੱਸ ਫੜ ਕੇ ਅਹਿਮਦਾਬਾਦ ਲਈ ਰਵਾਨਾ ਹੋ ਗਏ। ਉਥੋਂ ਉਹ ਕੱਛ ਜ਼ਿਲ੍ਹੇ ਵਿੱਚ ਪਹੁੰਚਣ ਲਈ ਇੱਕ ਹੋਰ ਸਰਕਾਰੀ ਟਰਾਂਸਪੋਰਟ ਦੀ ਬੱਸ ਲੈ ਕੇ ਗਏ, ਜਿੱਥੇ ਫੜੇ ਜਾਣ ਤੋਂ ਪਹਿਲਾਂ ਉਹ ਪ੍ਰਸਿੱਧ ਮਾਤਨੋਮਧ ਮੰਦਰ ਵਿੱਚ ਲੁਕ ਗਏ ਅਤੇ ਇਸ ਤਰ੍ਹਾਂ ਇਨ੍ਹਾਂ ਦੋਵਾਂ ਮੁਲਜ਼ਮਾਂ ਦੀ ਖੇਡ ਇੱਥੇ ਹੀ ਖ਼ਤਮ ਹੋ ਗਈ ਅਤੇ ਉਹ ਹੁਣ ਪੁਲਿਸ ਰਿਮਾਂਡ ਵਿੱਚ ਹਨ।
