ਮੁੰਬਈ: ਦਿਲਜੀਤ ਦੁਸਾਂਝ ਅਤੇ ਪਰਿਣੀਤੀ ਚੋਪੜਾ ਸਟਾਰਰ ਆਉਣ ਵਾਲੀ ਫਿਲਮ 'ਅਮਰ ਸਿੰਘ ਚਮਕੀਲਾ' ਦੇ ਨਿਰਮਾਤਾ ਨੇ ਫਿਲਮ ਦੇ ਪਹਿਲੇ ਟਰੈਕ ਨੂੰ ਰਿਲੀਜ਼ ਕਰ ਦਿੱਤਾ ਹੈ, ਜਿਸ ਦਾ ਨਾਂਅ ਹੈ 'ਇਸ਼ਕ ਮਿਟਾਏ'।
'ਇਸ਼ਕ ਮਿਟਾਏ' ਸਿਰਲੇਖ ਵਾਲਾ ਇਹ ਗੀਤ ਅੱਜ 29 ਫਰਵਰੀ ਨੂੰ ਰਿਲੀਜ਼ ਕੀਤਾ ਗਿਆ ਹੈ। ਇੰਸਟਾਗ੍ਰਾਮ 'ਤੇ ਸਾਰੇਗਾਮਾ ਇੰਡੀਆ ਨੇ ਫਿਲਮ ਦੇ ਪਹਿਲੇ ਟ੍ਰੈਕ ਨੂੰ ਸਾਂਝਾ ਕੀਤਾ, ਜਿਸ ਵਿੱਚ ਉਨ੍ਹਾਂ ਨੇ ਕੈਪਸ਼ਨ ਦਿੱਤਾ, 'ਮੇਰੇ ਅੱਗੇ ਦੁਨੀਆ ਕਾ ਰੰਗ ਸਾਰਾ ਫਿੱਕਾ, ਆਪਨੇ ਲਹੂ ਸੇ ਹੀ ਲਗਾਇਆ ਮੈਂ ਟਿੱਕਾ...ਮੈਂ ਹੂੰ ਪੰਜਾਬ...'ਇਸ਼ਕ ਮਿਟਾਏ'...ਸਾਰੇਗਾਮਾ ਸੰਗੀਤ ਯੂਟਿਊਬ ਚੈਨਲ 'ਤੇ ਰਿਲੀਜ਼।' ਹਾਲ ਹੀ ਵਿੱਚ ਫਿਲਮ ਦੇ ਨਿਰਮਾਤਾਵਾਂ ਨੇ ਫਿਲਮ ਦੀ ਅਧਿਕਾਰਤ ਰਿਲੀਜ਼ ਡੇਟ ਦਾ ਵੀ ਐਲਾਨ ਕੀਤਾ ਹੈ। ਹੁਣ ਇਸ ਗੀਤ ਨੂੰ ਲੋਕ ਕਾਫੀ ਪਸੰਦ ਕਰ ਰਹੇ ਹਨ ਅਤੇ ਤਰ੍ਹਾਂ-ਤਰ੍ਹਾਂ ਦੇ ਕਮੈਂਟ ਵੀ ਕਰ ਰਹੇ ਹਨ।
ਉਲੇਖਯੋਗ ਹੈ ਕਿ 'ਅਮਰ ਸਿੰਘ ਚਮਕੀਲਾ' ਪੰਜਾਬ ਦੇ ਲੋਕਾਂ ਦੇ ਅਸਲੀ ਰੌਕਸਟਾਰ ਅਮਰ ਸਿੰਘ ਚਮਕੀਲਾ ਦੀ ਅਣਕਹੀ ਸੱਚੀ ਕਹਾਣੀ ਪੇਸ਼ ਕਰਦਾ ਹੈ, ਜੋ ਗਰੀਬੀ ਦੇ ਪਰਛਾਵੇਂ ਵਿੱਚੋਂ ਉੱਭਰ ਕੇ 80 ਦੇ ਦਹਾਕੇ ਵਿੱਚ ਆਪਣੇ ਸੰਗੀਤ ਦੀ ਅਥਾਹ ਸ਼ਕਤੀ ਕਾਰਨ ਪ੍ਰਸਿੱਧੀ ਦੀਆਂ ਬੁਲੰਦੀਆਂ 'ਤੇ ਪਹੁੰਚ ਗਿਆ ਸੀ, ਅੰਤ ਵਿੱਚ 27 ਸਾਲ ਦੀ ਛੋਟੀ ਉਮਰ ਵਿੱਚ ਉਸਦੀ ਹੱਤਿਆ ਹੋ ਗਈ ਸੀ। ਆਪਣੇ ਸਮੇਂ ਦੇ ਸਭ ਤੋਂ ਵੱਧ ਵਿਕਣ ਵਾਲੇ ਕਲਾਕਾਰ, ਚਮਕੀਲਾ ਨੂੰ ਅਜੇ ਵੀ ਪੰਜਾਬ ਦੇ ਸਭ ਤੋਂ ਵਧੀਆ ਲਾਈਵ-ਸਟੇਜ ਕਲਾਕਾਰਾਂ ਵਿੱਚੋਂ ਇੱਕ ਮੰਨਿਆ ਜਾਂਦਾ ਹੈ।
- " class="align-text-top noRightClick twitterSection" data="">
ਇਸ ਤੋਂ ਪਹਿਲਾਂ ਫਿਲਮ ਬਾਰੇ ਗੱਲ ਕਰਦੇ ਹੋਏ ਨਿਰਦੇਸ਼ਕ ਇਮਤਿਆਜ਼ ਅਲੀ ਨੇ ਕਿਹਾ ਸੀ, 'ਲੋਕਾਂ ਦੇ ਪ੍ਰਸਿੱਧ ਸੰਗੀਤ ਸਟਾਰ ਦੇ ਜੀਵਨ 'ਤੇ 'ਅਮਰ ਸਿੰਘ ਚਮਕੀਲਾ' ਬਣਾਉਣਾ ਮੇਰੇ ਲਈ ਇਕ ਵਿਲੱਖਣ ਸਫ਼ਰ ਰਿਹਾ ਹੈ। ਦਿਲਜੀਤ ਦੁਸਾਂਝ ਅਤੇ ਪਰਿਣੀਤੀ ਚੋਪੜਾ ਇਸ ਫਿਲਮ ਵਿੱਚ ਭੂਮਿਕਾ ਨਿਭਾਉਣਗੇ, ਖਾਸ ਤੌਰ 'ਤੇ ਕਿਉਂਕਿ ਇਸ ਵਿੱਚ ਕੁਝ ਲਾਈਵ ਗਾਣੇ ਸ਼ਾਮਲ ਹਨ।"
- OTT 'ਤੇ ਹਲਚਲ ਮਚਾਉਣ ਲਈ ਤਿਆਰ ਹੈ ਦਿਲਜੀਤ-ਪਰਿਣੀਤੀ ਦੀ ਜੋੜੀ, ਇਸ ਦਿਨ ਰਿਲੀਜ਼ ਹੋਵੇਗੀ 'ਚਮਕੀਲਾ'
- Parineeti Gain 15 Kg Weight For Chamkila: ਫਿਲਮ 'ਚਮਕੀਲਾ' ਲਈ ਪਰਿਣੀਤੀ ਨੇ ਵਧਾਇਆ ਸੀ 15 ਕਿਲੋ ਭਾਰ, ਹੁਣ ਇਸ ਤਰ੍ਹਾਂ ਕਰ ਰਹੀ ਹੈ ਘੱਟ
- Chamkila Teaser OUT: ਫਿਲਮ 'ਚਮਕੀਲਾ' 'ਚ ਕਿਰਦਾਰ ਨਿਭਾ ਕੇ ਕਿਵੇਂ ਦਾ ਮਹਿਸੂਸ ਕਰ ਰਹੇ ਨੇ ਦਿਲਜੀਤ-ਪਰਿਣੀਤੀ, ਇਥੇ ਜਾਣੋ
- Amar Singh Chamkila Teaser: ਫਿਲਮ 'ਚਮਕੀਲਾ' ਦਾ ਰਿਲੀਜ਼ ਹੋਇਆ ਟੀਜ਼ਰ, ਦਿਲਚਸਪ ਲੁੱਕ 'ਚ ਨਜ਼ਰ ਆਇਆ ਦਿਲਜੀਤ
ਦਿਲਜੀਤ ਦੁਸਾਂਝ ਨੇ ਕਿਹਾ ਸੀ, "ਅਮਰ ਸਿੰਘ ਚਮਕੀਲਾ ਦੀ ਭੂਮਿਕਾ ਨਿਭਾਉਣਾ ਮੇਰੇ ਜੀਵਨ ਦਾ ਸਭ ਤੋਂ ਚੁਣੌਤੀਪੂਰਨ ਅਨੁਭਵ ਰਿਹਾ ਹੈ ਅਤੇ ਮੈਂ ਇੱਕ ਹੋਰ ਦਿਲਚਸਪ ਕਹਾਣੀ ਦੇ ਨਾਲ ਨੈੱਟਫਲਿਕਸ 'ਤੇ ਵਾਪਸੀ ਕਰਕੇ ਬਹੁਤ ਖੁਸ਼ ਹਾਂ। ਪਰਿਣੀਤੀ ਅਤੇ ਪੂਰੀ ਟੀਮ ਨਾਲ ਕੰਮ ਕਰਕੇ ਮੈਨੂੰ ਬਹੁਤ ਖੁਸ਼ੀ ਹੋਈ ਹੈ। ਇਸ ਖ਼ੂਬਸੂਰਤ ਕਹਾਣੀ ਨੂੰ ਜੀਵਨ ਵਿੱਚ ਲਿਆਉਣ ਲਈ ਸਖ਼ਤ ਮਿਹਨਤ ਕੀਤੀ ਹੈ। ਰਹਿਮਾਨ ਸਰ ਦੇ ਮਿਸਾਲੀ ਸੰਗੀਤ ਨੂੰ ਗਾਉਣ ਦੇ ਯੋਗ ਹੋਣਾ ਇੱਕ ਬਹੁਤ ਹੀ ਖੂਬਸੂਰਤ ਅਨੁਭਵ ਸੀ ਅਤੇ ਮੈਨੂੰ ਉਮੀਦ ਹੈ ਕਿ ਮੈਂ ਉਨ੍ਹਾਂ ਦੇ ਦ੍ਰਿਸ਼ਟੀਕੋਣ ਨਾਲ ਇਨਸਾਫ਼ ਕਰ ਸਕਿਆ ਹਾਂ। ਧੰਨਵਾਦ, ਇਮਤਿਆਜ਼ ਭਾਜੀ, ਮੇਰੇ ਉਤੇ ਵਿਸ਼ਵਾਸ ਕਰਨ ਲਈ। ਇਸ ਭੂਮਿਕਾ ਲਈ।"
ਪਰਿਣੀਤੀ ਨੇ ਕਿਹਾ ਸੀ, "ਇਸ ਸ਼ਾਨਦਾਰ ਫਿਲਮ ਵਿੱਚ ਅਮਰਜੋਤ, ਚਮਕੀਲਾ ਦੀ ਗਾਇਕਾ ਸਾਥੀ ਅਤੇ ਪਤਨੀ ਦਾ ਕਿਰਦਾਰ ਨਿਭਾਉਣਾ ਇੱਕ ਸਨਮਾਨ ਦੀ ਗੱਲ ਹੈ ਅਤੇ ਮੈਂ ਇਸ ਮੌਕੇ ਲਈ ਇਮਤਿਆਜ਼ ਸਰ ਦੀ ਸੱਚਮੁੱਚ ਧੰਨਵਾਦੀ ਹਾਂ। ਦਿਲਜੀਤ ਨਾਲ ਸਕਰੀਨ ਸਾਂਝਾ ਕਰਨਾ ਇੱਕ ਬਹੁਤ ਹੀ ਖੁਸ਼ਹਾਲ ਅਨੁਭਵ ਰਿਹਾ ਹੈ। ਮੇਰੇ ਲਈ ਗਾਉਣਾ ਇੱਕ ਜਨੂੰਨ ਹੈ ਅਤੇ ਮਹਾਨ ਏ.ਆਰ. ਰਹਿਮਾਨ ਨਾਲ ਕੰਮ ਕਰਨਾ ਇੱਕ ਲੰਬੇ ਸਮੇਂ ਤੋਂ ਸੁਪਨਾ ਰਿਹਾ ਹੈ। Netflix ਦੇ ਗਲੋਬਲ ਪਲੇਟਫਾਰਮ ਦੇ ਨਾਲ ਮੈਨੂੰ ਵਿਸ਼ਵਾਸ ਹੈ ਕਿ ਸਾਡੀ ਫਿਲਮ ਦੂਰ-ਦੂਰ ਤੱਕ ਦਿਲਾਂ ਨੂੰ ਛੂਹੇਗੀ, ਜਿਸ ਨਾਲ ਚਮਕੀਲਾ ਦੀ ਪ੍ਰੇਰਨਾਦਾਇਕ ਕਹਾਣੀ ਦੁਨੀਆ ਭਰ ਦੇ ਪ੍ਰਸ਼ੰਸਕਾਂ ਵਿੱਚ ਗੂੰਜ ਸਕੇਗੀ।" 'ਅਮਰ ਸਿੰਘ ਚਮਕੀਲਾ' 12 ਅਪ੍ਰੈਲ ਤੋਂ OTT ਪਲੇਟਫਾਰਮ Netflix 'ਤੇ ਸਟ੍ਰੀਮ ਕਰਨ ਲਈ ਪੂਰੀ ਤਰ੍ਹਾਂ ਤਿਆਰ ਹੈ।
