ਇੰਡੀਅਨ ਆਇਲ ਕਾਰਪੋਰੇਸ਼ਨ ਵਿੱਚ ਨੌਕਰੀਆਂ, 1 ਫਰਵਰੀ ਤੱਕ ਕਰ ਸਕਦੇ ਹੋ ਅਪਲਾਈ

author img

By ETV Bharat Punjabi Team

Published : Jan 21, 2024, 6:03 PM IST

IOCL Apprentice recruitment 2024

IOCL Apprentice recruitment 2024: ਇੰਡੀਅਨ ਆਇਲ ਕਾਰਪੋਰੇਸ਼ਨ ਨੇ ਅਪ੍ਰੈਂਟਿਸ ਦੀਆਂ ਅਸਾਮੀਆਂ ਲਈ ਭਰਤੀਆਂ ਕੱਢੀਆਂ ਹਨ। 18 ਸਾਲ ਤੋਂ ਜਿਆਦਾ ਉਮਰ ਦੇ ਉਮੀਦਵਾਰ ਇਸ ਲਈ ਅਪਲਾਈ ਕਰ ਸਕਦੇ ਹਨ।

ਹੈਦਰਾਬਾਦ: ਨੌਕਰੀ ਲੱਭ ਰਹੇ ਉਮੀਦਵਾਰਾਂ ਲਈ ਇੱਕ ਵਧੀਆ ਖਬਰ ਆਈ ਹੈ। ਇੰਡੀਅਨ ਆਇਲ ਕਾਰਪੋਰੇਸ਼ਨ ਨੇ ਅਪ੍ਰੈਂਟਿਸ ਐਕਟ, 1961 ਦੇ ਤਹਿਤ ਵੱਡੀ ਗਿਣਤੀ ਵਿੱਚ ਭਰਤੀਆਂ ਕੱਢੀਆਂ ਹਨ। ਦਿਲਚਸਪੀ ਰੱਖਣ ਵਾਲੇ ਅਤੇ ਯੋਗ ਉਮੀਦਵਾਰ 1 ਫਰਵਰੀ 2024 ਤੱਕ ਅਧਿਕਾਰਤ ਵੈੱਬਸਾਈਟ iocl.com ਰਾਹੀਂ ਅਪਲਾਈ ਕਰ ਸਕਦੇ ਹਨ। ਕੁੱਲ ਅਸਾਮੀਆਂ ਦੀ ਗਿਣਤੀ 473 ਹੈ। ਇਹ ਭਰਤੀ ਅਪ੍ਰੈਂਟਿਸ ਦੀਆਂ ਖਾਲੀ ਅਸਾਮੀਆਂ ਨੂੰ ਭਰਨ ਲਈ ਕੀਤੀ ਜਾ ਰਹੀ ਹੈ। ਇਹ ਅਸਾਮੀਆਂ ਮਕੈਨੀਕਲ, ਇਲੈਕਟ੍ਰੀਕਲ, ਟੀ ਐਂਡ ਆਈ, ਹਿਊਮਨ ਰਿਸੋਰਸ, ਅਕਾਊਂਟਸ/ਫਾਈਨਾਂਸ ਅਤੇ ਡਾਟਾ ਐਂਟਰੀ ਆਪਰੇਟਰ ਵਰਗੇ ਵੱਖ-ਵੱਖ ਟਰੇਡਾਂ ਲਈ ਹੈ। ਜਾਣਕਾਰੀ ਲਈ ਤੁਹਾਨੂੰ ਦੱਸ ਦਈਏ ਕਿ ਚੋਣ ਲਈ ਲਿਖਤੀ ਪ੍ਰੀਖਿਆ ਹੋਵੇਗੀ। ਪ੍ਰੀਖਿਆ ਵਿੱਚ MCQ ਵਾਲੇ ਪ੍ਰਸ਼ਨ ਹੋਣਗੇ। ਪੇਪਰ 100 ਅੰਕਾਂ ਦਾ ਹੋਵੇਗਾ, ਜਿਸ ਵਿੱਚ ਹਰੇਕ ਪ੍ਰਸ਼ਨ ਲਈ ਇੱਕ ਅੰਕ ਦਿੱਤਾ ਜਾਵੇਗਾ। ਕੋਈ ਵੀ ਨੈਗੇਟਿਵ ਮਾਰਕਿੰਗ ਨਹੀਂ ਹੋਵੇਗੀ। ਤਨਖਾਹ ਨਿਯਮਾਂ ਅਨੁਸਾਰ ਦਿੱਤੀ ਜਾਵੇਗੀ ਅਤੇ ਇਹ ਅਸਾਮੀਆਂ 12 ਮਹੀਨਿਆਂ ਲਈ ਹਨ।

ਅਪਲਾਈ ਕਰਨ ਲਈ ਉਮੀਦਵਾਰਾਂ ਦੀ ਉਮਰ: ਅਪਲਾਈ ਕਰਨ ਵਾਲੇ ਉਮੀਦਵਾਰਾਂ ਦੀ ਉਮਰ 18 ਤੋਂ 24 ਸਾਲ ਦੇ ਵਿਚਕਾਰ ਹੋਣੀ ਚਾਹੀਦੀ ਹੈ। ਉਮਰ ਦੀ ਗਣਨਾ 12 ਜਨਵਰੀ, 2024 ਨੂੰ ਆਧਾਰ ਮੰਨ ਕੇ ਕੀਤੀ ਜਾਵੇਗੀ। ਇਸਦੇ ਨਾਲ ਹੀ, ਰਾਖਵੀਂ ਸ਼੍ਰੇਣੀ ਦੇ ਉਮੀਦਵਾਰਾਂ ਨੂੰ ਉਪਰਲੀ ਉਮਰ ਸੀਮਾ ਵਿੱਚ ਛੋਟ ਦਿੱਤੀ ਜਾਵੇਗੀ। ਵਧੇਰੇ ਜਾਣਕਾਰੀ ਲਈ ਉਮੀਦਵਾਰ ਅਧਿਕਾਰਤ ਵੈੱਬਸਾਈਟ ਤੋਂ ਨੋਟੀਫਿਕੇਸ਼ਨ ਚੈੱਕ ਕਰ ਸਕਦੇ ਹਨ।

ਖਾਲੀ ਅਸਾਮੀਆਂ ਦਾ ਵੇਰਵਾ:

  1. ਪੂਰਬੀ ਖੇਤਰ ਪਾਈਪਲਾਈਨ (ERPL): 126 ਅਸਾਮੀਆਂ
  2. ਉੱਤਰੀ ਖੇਤਰ ਪਾਈਪਲਾਈਨ (NRPL) : 117 ਅਸਾਮੀਆਂ
  3. ਦੱਖਣੀ ਪੂਰਬੀ ਖੇਤਰ ਪਾਈਪਲਾਈਨ (SERPL): 60 ਅਸਾਮੀਆਂ
  4. ਦੱਖਣੀ ਖੇਤਰ ਪਾਈਪਲਾਈਨ (SRPL) : 39 ਅਸਾਮੀਆਂ
  5. ਪੱਛਮੀ ਖੇਤਰ ਪਾਈਪਲਾਈਨ (WRPL): 131 ਅਸਾਮੀਆਂ

ਇਸ ਤਰ੍ਹਾਂ ਕਰੋ ਅਪਲਾਈ: ਅਪਲਾਈ ਕਰਨ ਲਈ ਸਭ ਤੋਂ ਪਹਿਲਾ ਇੰਡੀਅਨ ਆਇਲ ਕਾਰਪੋਰੇਸ਼ਨ ਦੀ ਅਧਿਕਾਰਿਤ ਵੈੱਬਸਾਈਟ iocl.com 'ਤੇ ਜਾਓ। ਫਿਰ ਹੋਮ ਪੇਜ਼ 'ਤੇ ਕਰੀਅਰ ਸੈਕਸ਼ਨ 'ਚ ਜਾਓ। ਖੁਦ ਨੂੰ ਰਜਿਸਟਰ ਕਰੋ। ਲੌਗਇਨ ਕਰੋ ਅਤੇ ਅਪਲਾਈ ਕਰਨ ਦੀ ਪ੍ਰਕਿਰੀਆ ਨੂੰ ਅੱਗੇ ਵਧਾਓ। ਉਸ ਤੋਂ ਬਾਅਦ ਫੌਰਮ ਭਰੋ ਅਤੇ ਦਸਤਾਵੇਜ਼ ਅਪਲੋਡ ਕਰੋ। ਯਾਦ ਨਾਲ ਇਸਦਾ ਪ੍ਰਿੰਟਆਊਟ ਜ਼ਰੂਰ ਲੈ ਲਓ, ਕਿਉਕਿ ਜ਼ਰੂਰਤ ਪੈਣ 'ਤੇ ਇਹ ਪ੍ਰਿੰਟਆਊਟ ਤੁਹਾਡੇ ਕੰਮ ਆ ਸਕਦਾ ਹੈ।

ਅਗਲੇ ਮਹੀਨੇ ਹੋਵੇਗਾ ਪੇਪਰ: ਆਈ.ਓ.ਸੀ.ਐਲ 'ਚ ਭਰਤੀ ਲਈ ਪ੍ਰੀਖਿਆ ਦਾ ਆਯੋਜਨ ਐਤਵਾਰ, 18 ਫਰਵਰੀ ਨੂੰ ਕੀਤਾ ਜਾਵੇਗਾ। ਇਸ ਲਈ ਦਾਖਲਾ ਕਾਰਡ 9 ਫਰਵਰੀ 2024 ਨੂੰ ਜਾਰੀ ਕੀਤਾ ਜਾਵੇਗਾ।

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.