ਮੁੰਬਈ : ਕਾਰੋਬਾਰੀ ਹਫਤੇ ਦੇ ਦੂਜੇ ਦਿਨ ਸ਼ੇਅਰ ਬਾਜ਼ਾਰ ਗ੍ਰੀਨ ਜ਼ੋਨ 'ਚ ਖੁੱਲ੍ਹਿਆ ਹੈ। ਬੀਐੱਸਈ 'ਤੇ ਸੈਂਸੈਕਸ 120 ਅੰਕਾਂ ਦੀ ਛਾਲ ਨਾਲ 74,792.15 'ਤੇ ਖੁੱਲ੍ਹਿਆ। NSE 'ਤੇ ਨਿਫਟੀ 0.17 ਫੀਸਦੀ ਦੇ ਵਾਧੇ ਨਾਲ 22,682.00 'ਤੇ ਖੁੱਲ੍ਹਿਆ। ਭਾਰਤੀ ਬੈਂਚਮਾਰਕ ਸੂਚਕਾਂਕ ਮੰਗਲਵਾਰ ਨੂੰ ਗਲੋਬਲ ਮੁਕਾਬਲੇਬਾਜ਼ਾਂ ਤੋਂ ਮਿਲੇ ਲਾਭ ਦੇ ਬਾਅਦ ਤੇਜ਼ੀ ਨਾਲ ਖੁੱਲ੍ਹਿਆ। ਤੁਹਾਨੂੰ ਦੱਸ ਦੇਈਏ ਕਿ ਅੱਜ ਦੇ ਵਪਾਰ ਦੌਰਾਨ, ਅਲਟਰਾਟੈਕ ਸੀਮੈਂਟ, ਟਾਟਾ ਕੈਮੀਕਲਜ਼, ਲਿੰਡੇ ਇੰਡੀਆ, ਟ੍ਰੈਂਟ, ਆਈਓਸੀ, ਬੀਐਸਈ ਕੁਝ ਸਟਾਕ ਹਨ ਜਿਨ੍ਹਾਂ ਦੇ 30 ਅਪ੍ਰੈਲ ਮੰਗਲਵਾਰ ਨੂੰ ਫੋਕਸ ਹੋਣ ਦੀ ਸੰਭਾਵਨਾ ਹੈ। ਇਸ ਦੇ ਨਾਲ ਹੀ ਸ਼ੁਰੂਆਤੀ ਕਾਰੋਬਾਰ 'ਚ ਅਮਰੀਕੀ ਡਾਲਰ ਦੇ ਮੁਕਾਬਲੇ ਰੁਪਿਆ 4 ਪੈਸੇ ਡਿੱਗ ਕੇ 83.49 'ਤੇ ਆ ਗਿਆ।
ਸੋਮਵਾਰ ਦੀ ਮਾਰਕੀਟ: ਕਾਰੋਬਾਰੀ ਹਫਤੇ ਦੇ ਪਹਿਲੇ ਦਿਨ ਸ਼ੇਅਰ ਬਾਜ਼ਾਰ 'ਚ ਸ਼ਾਨਦਾਰ ਵਾਧਾ ਦੇਖਣ ਨੂੰ ਮਿਲਿਆ। ਬੀਐੱਸਈ 'ਤੇ ਸੈਂਸੈਕਸ 941 ਅੰਕਾਂ ਦੀ ਛਾਲ ਨਾਲ 74,671.28 'ਤੇ ਬੰਦ ਹੋਇਆ। ਇਸ ਦੇ ਨਾਲ ਹੀ NSE 'ਤੇ ਨਿਫਟੀ 1.00 ਫੀਸਦੀ ਦੇ ਵਾਧੇ ਨਾਲ 22,643.40 'ਤੇ ਬੰਦ ਹੋਇਆ। ਵਪਾਰ ਦੌਰਾਨ, ਆਈਸੀਆਈਸੀਆਈ ਬੈਂਕ, ਐਸਬੀਆਈ, ਅਲਟਰਾਟੈਕ ਸੀਮੈਂਟ, ਇੰਡਸਇੰਡ ਬੈਂਕ ਚੋਟੀ ਦੇ ਲਾਭ ਲੈਣ ਵਾਲਿਆਂ ਦੀ ਸੂਚੀ ਵਿੱਚ ਸ਼ਾਮਲ ਸਨ। ਜਦੋਂ ਕਿ ਐਚਸੀਐਲ ਟੈਕ, ਅਪੋਲੋ ਹਸਪਤਾਲ, ਬਜਾਜ ਆਟੋ, ਐਚਡੀਐਫਸੀ ਬੈਂਕ ਵਿੱਚ ਗਿਰਾਵਟ ਦੇ ਨਾਲ ਕਾਰੋਬਾਰ ਹੋਇਆ।
ਹਰੇ ਰੰਗ ਵਿੱਚ ਕਾਰੋਬਾਰ ਸ਼ੁਰੂ : ਰਿਐਲਟੀ, ਐਫਐਮਸੀਜੀ, ਧਾਤੂ ਨੂੰ ਛੱਡ ਕੇ ਬਾਕੀ ਸਾਰੇ ਸੈਕਟਰਲ ਸੂਚਕਾਂਕ, ਪਾਵਰ, ਬੈਂਕ ਅਤੇ ਆਇਲ ਐਂਡ ਗੈਸ 0.5 ਤੋਂ 2 ਪ੍ਰਤੀਸ਼ਤ ਦੇ ਵਾਧੇ ਨਾਲ ਹਰੇ ਰੰਗ ਵਿੱਚ ਕਾਰੋਬਾਰ ਕਰ ਰਹੇ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਅੱਜ ਦੇ ਕਾਰੋਬਾਰ ਦੌਰਾਨ ਲਾਰਜ ਕੈਪ ਬੈਂਕ ICICI ਬੈਂਕ, Axis Bank, IndusInd, SBI ਅਤੇ ਨਿਫਟੀ ਬੈਂਕ ਰਿਕਾਰਡ ਉਚਾਈ 'ਤੇ ਪਹੁੰਚ ਗਏ। ਬੀਐਸਈ ਦਾ ਮਿਡਕੈਪ ਇੰਡੈਕਸ 0.8 ਫੀਸਦੀ ਵਧਿਆ ਅਤੇ ਸਮਾਲਕੈਪ ਇੰਡੈਕਸ ਫਲੈਟ ਬੰਦ ਹੋਇਆ।
IREDA ਦੇ ਸ਼ੇਅਰ 8% ਤੋਂ ਵੱਧ ਵਧੇ
ਦਸੱਣਯੋਗ ਹੈ ਕਿ ਇੰਡੀਅਨ ਰੀਨਿਊਏਬਲ ਐਨਰਜੀ ਡਿਵੈਲਪਮੈਂਟ ਏਜੰਸੀ (IREDA) ਨੂੰ ਨਵਰਤਨ ਦਾ ਦਰਜਾ ਮਿਲਣ ਤੋਂ ਬਾਅਦ, ਇਸ ਦੇ ਸ਼ੇਅਰਾਂ ਵਿੱਚ ਬਿਤੇ ਦਿਨ 8% ਤੋਂ ਵੱਧ ਦਾ ਵਾਧਾ ਦੇਖਣ ਨੂੰ ਮਿਲਿਆ। ਇਸ ਦਾ ਸ਼ੇਅਰ 13.70 ਰੁਪਏ (8.03%) ਦੇ ਵਾਧੇ ਨਾਲ 184.35 ਰੁਪਏ 'ਤੇ ਵਪਾਰ ਕਰ ਰਿਹਾ ਹੈ।
