ਨਵੀਂ ਦਿੱਲੀ: ਮੰਗਲਵਾਰ ਸਵੇਰੇ ਰਾਜਧਾਨੀ ਦਿੱਲੀ ਦੇ ਆਈਜੀਆਈ ਏਅਰਪੋਰਟ 'ਤੇ ਦਿੱਲੀ ਤੋਂ ਕੋਲਕਾਤਾ ਜਾ ਰਹੀ ਫਲਾਈਟ 'ਚ ਬੰਬ ਹੋਣ ਦੀ ਸੂਚਨਾ ਮਿਲੀ। ਜੋ ਕਿ ਆਈਜੀਆਈ ਏਅਰਪੋਰਟ ਤੋਂ ਰਵਾਨਾ ਹੋਣ ਵਾਲਾ ਸੀ। ਸੂਚਨਾ ਮਿਲਦੇ ਹੀ ਪੁਲਿਸ ਅਤੇ ਹੋਰ ਸੁਰੱਖਿਆ ਏਜੰਸੀਆਂ ਨੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਜਾਂਚ ਦੌਰਾਨ ਕਾਲ ਫਰਜ਼ੀ ਪਾਈ ਗਈ। ਆਈਜੀਆਈ ਏਅਰਪੋਰਟ ਥਾਣਾ ਪੁਲਿਸ ਨੇ ਮਾਮਲਾ ਦਰਜ ਕਰ ਲਿਆ ਹੈ ਅਤੇ ਫਰਜ਼ੀ ਕਾਲ ਕਰਨ ਵਾਲੇ ਵਿਅਕਤੀ ਦੀ ਪਛਾਣ ਕਰਨ 'ਚ ਜੁਟੀ ਹੈ। ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਯਾਤਰੀਆਂ ਦੀ ਸੁਰੱਖਿਆ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਜ਼ਰੂਰੀ ਸੁਰੱਖਿਆ ਪ੍ਰੋਟੋਕੋਲ ਦੀ ਪਾਲਣਾ ਕੀਤੀ ਗਈ ਹੈ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਦਿੱਲੀ ਤੋਂ ਕੋਲਕਾਤਾ ਲਈ ਉਡਾਣ ਭਰਨ ਵਾਲੀ ਫਲਾਈਟ ਵਿੱਚ ਸਵੇਰੇ 5:15 ਵਜੇ ਬੰਬ ਦੀ ਕਾਲ ਹੋਈ। ਫਿਲਹਾਲ ਸੁਰੱਖਿਆ ਏਜੰਸੀਆਂ ਇਸ ਗੱਲ ਦੀ ਜਾਂਚ ਕਰ ਰਹੀਆਂ ਹਨ ਕਿ ਇਹ ਕਾਲ ਕਿੱਥੋਂ ਅਤੇ ਕਿਸ ਨੇ ਕੀਤੀ ਸੀ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਸਾਲ ਇਹ ਤੀਜੀ ਘਟਨਾ ਹੈ ਜਦੋਂ ਕਿਸੇ ਫਲਾਈਟ ਵਿੱਚ ਬੰਬ ਹੋਣ ਦੀ ਕਾਲ ਹੋਈ ਹੈ। ਇਸ ਤੋਂ ਪਹਿਲਾਂ ਜਨਵਰੀ ਮਹੀਨੇ ਵਿੱਚ ਦਰਭੰਗਾ ਤੋਂ ਦਿੱਲੀ ਆ ਰਹੀ ਫਲਾਈਟ ਵਿੱਚ ਬੰਬ ਹੋਣ ਦੀ ਸੂਚਨਾ ਮਿਲੀ ਸੀ। ਫੋਨ ਕਰਨ ਵਾਲੇ ਨੇ ਇਹ ਨਹੀਂ ਦੱਸਿਆ ਕਿ ਫਲਾਈਟ ਨੂੰ ਬੰਬ ਨਾਲ ਉਡਾਇਆ ਜਾਵੇਗਾ। ਹਾਲਾਂਕਿ ਜਿਵੇਂ ਹੀ ਦਰਭੰਗਾ ਤੋਂ ਫਲਾਈਟ ਦਿੱਲੀ ਪਹੁੰਚੀ ਤਾਂ ਜਾਂਚ ਏਜੰਸੀਆਂ ਨੇ ਜਾਂਚ ਕੀਤੀ। ਜਿਸ ਤੋਂ ਬਾਅਦ ਇਹ ਝੂਠੀ ਕਾਲ ਨਿਕਲੀ।
ਯਾਤਰੀਆਂ ਲਈ ਰਿਫਰੈਸ਼ਮੈਂਟ ਦਾ ਪ੍ਰਬੰਧ ਕੀਤਾ ਗਿਆ: ਇੱਕ ਪਾਸੇ ਜਿਥੇ ਪੁਲਿਸ ਜਾਂਚ ਵਿੱਚ ਜੁਟੀ ਰਹੀ ਤਾਂ ਉਥੇ ਹੀ ਤੰਗ ਪਰੇਸ਼ਾਨ ਯਤਾਰੀਆਂ ਦੀ ਸੁੱਰਖਿਆ ਨੂੰ ਯਕੀਨੀ ਬਣਾਉਣ ਲਈ ਏਅਰਲਾਈਨਜ਼ ਦੀ ਤਰਫੋਂ ਕਿਹਾ ਗਿਆ ਕਿ ਸੁਰੱਖਿਆ ਏਜੰਸੀਆਂ ਨਾਲ ਸਹਿਯੋਗ ਕੀਤਾ ਅਤੇ ਯਾਤਰੀਆਂ ਨੂੰ ਰਿਫਰੈਸ਼ਮੈਂਟ ਅਤੇ ਹੋਰ ਲੋੜੀਂਦੀਆਂ ਸਹੂਲਤਾਂ ਮੁਹੱਈਆ ਕਰਵਾਈਆਂ। ਵਿਸਤਾਰਾ ਦੇ ਬੁਲਾਰੇ ਨੇ ਕਿਹਾ ਕਿ ਏਅਰਲਾਈਨ ਲਈ ਯਾਤਰੀਆਂ ਦੀ ਸਹੂਲਤ ਅਤੇ ਸੁਰੱਖਿਆ ਸਭ ਤੋਂ ਮਹੱਤਵਪੂਰਨ ਹੈ।
- ਨਾਇਰ, ਪ੍ਰਤਾਪ, ਕ੍ਰਿਸ਼ਨਨ ਅਤੇ ਚੌਹਾਨ ਦੀ ਗਗਨਯਾਨ ਮਿਸ਼ਨ ਲਈ ਹੋਈ ਚੋਣ, ਦੇਸ਼ ਵਾਸੀਆਂ ਨਾਲ ਪੀਐੱਮ ਮੋਦੀ ਜਾਣੂ ਕਰਵਾਉਣਗੇ ਇਨ੍ਹਾਂ ਰੀਅਲ ਹੀਰੋਆਂ ਨੂੰ
- ਬੈਂਗਲੁਰੂ ਮੈਟਰੋ ਵਿੱਚ ਕਿਸਾਨ ਦਾਖਲ ਨਹੀਂ ਹੋ ਸਕਿਆ, ਗੰਦੇ ਕੱਪੜਿਆਂ ਕਾਰਨ ਸੁਰੱਖਿਆ ਕਰਮਚਾਰੀਆਂ ਨੇ ਬਾਹਰ ਰੋਕਿਆ
- ਯੂਪੀ ਦੌਰੇ 'ਤੇ ਰਾਹੁਲ ਦੀ ਯਾਤਰਾ ਨੂੰ ਮਿਲੇ ਹੁੰਗਾਰੇ ਤੋਂ ਕਾਂਗਰਸ ਪ੍ਰਫੁੱਲਿਤ, ਕਿਹਾ- ਮਿਲੇਗਾ ਵੱਡਾ ਫਾਇਦਾ
ਪਹਿਲਾਂ ਵੀ ਫੈਲਾਈਆਂ ਸਨ ਝੁਠੀਆਂ ਅਫਵਾਹਾਂ: ਇਸ ਦੇ ਨਾਲ ਹੀ ਫਰਵਰੀ 'ਚ ਚੇਨਈ ਤੋਂ ਮੁੰਬਈ ਜਾਣ ਵਾਲੀ ਫਲਾਈਟ 'ਚ ਵੀ ਅਜਿਹੀ ਹੀ ਕਾਲ ਕੀਤੀ ਗਈ ਸੀ ਪਰ ਜਾਂਚ ਤੋਂ ਬਾਅਦ ਇਹ ਵੀ ਝੂਠੀ ਕਾਲ ਸੀ। ਹਾਲਾਂਕਿ ਚੇਨਈ ਤੋਂ ਮੁੰਬਈ ਜਾ ਰਹੀ ਇੰਡੀਗੋ ਦੀ ਫਲਾਈਟ 'ਚ ਟਿਸ਼ੂ ਪੇਪਰ 'ਤੇ ਲਿਖਿਆ ਹੋਇਆ ਸੀ ਕਿ ਮੇਰੇ ਬੈਗ 'ਚ ਬੰਬ ਸੀ ਅਤੇ ਇਹ ਬੈਗ ਫਲਾਈਟ 'ਚ ਰੱਖਿਆ ਗਿਆ ਸੀ। ਇਹ ਵੀ ਲਿਖਿਆ ਸੀ ਕਿ ਮੈਂ ਇੱਕ ਅੱਤਵਾਦੀ ਸੰਗਠਨ ਨਾਲ ਜੁੜਿਆ ਹੋਇਆ ਹਾਂ। ਜੇਕਰ ਇਹ ਫਲਾਈਟ ਲੈਂਡ ਕਰਦੀ ਹੈ ਤਾਂ ਹਰ ਕੋਈ ਮਰ ਜਾਵੇਗਾ। ਹਾਲਾਂਕਿ, ਜਦੋਂ ਫਲਾਈਟ ਮੁੰਬਈ ਵਿੱਚ ਉਤਰੀ ਤਾਂ ਸੁਰੱਖਿਆ ਏਜੰਸੀ, ਜੋ ਪਹਿਲਾਂ ਹੀ ਚੌਕਸ ਸੀ, ਨੇ ਜਾਂਚ ਕੀਤੀ ਅਤੇ ਇਸਨੂੰ ਅਫਵਾਹ ਮੰਨਿਆ।
