ETV Bharat / bharat

ਚਾਕਲੇਟ ਡੇਅ 'ਤੇ ਚਾਕਲੇਟ ਦੇ ਕੇ ਆਪਣੇ ਸਾਥੀ ਨੂੰ ਇੰਝ ਕਰੋ ਖੁਸ਼, ਦਿਨ ਇਸ ਤਰ੍ਹਾਂ ਬਣੇਗਾ ਸਪੈਸ਼ਲ

author img

By ETV Bharat Punjabi Team

Published : Feb 9, 2024, 5:09 AM IST

Happy Chocolate Day 2024: ਚਾਕਲੇਟ ਡੇਅ ਤੁਹਾਡੇ ਪਿਆਰ ਨੂੰ ਜ਼ਾਹਰ ਕਰਨ ਦਾ ਵਧੀਆ ਮੌਕਾ ਲੈ ਕੇ ਆਉਂਦਾ ਹੈ। ਆਪਣੇ ਅਜ਼ੀਜ਼ ਨੂੰ ਵਧੀਆ ਚਾਕਲੇਟਾਂ ਤੋਹਫ਼ੇ ਵਜੋਂ ਦੇਣ ਤੋਂ ਵਧੀਆ ਕੋਈ ਤਰੀਕਾ ਨਹੀਂ ਹੈ। ਚਾਕਲੇਟ ਡੇਅ ਉਤੇ ਆਓ ਚਾਕਲੇਟ ਦੇ ਫਾਇਦਿਆਂ ਉਤੇ ਸਰਸਰੀ ਨਜ਼ਰ ਮਾਰੀਏ।

Happy Chocolate Day 2024
Happy Chocolate Day 2024

ਚੰਡੀਗੜ੍ਹ: ਵੈਲੇਨਟਾਈਨ ਵੀਕ ਦਾ ਹਰ ਦਿਨ ਪ੍ਰੇਮੀਆਂ ਲਈ ਬਹੁਤ ਖਾਸ ਹੁੰਦਾ ਹੈ। ਵੈਲੇਨਟਾਈਨ ਹਫ਼ਤੇ ਦਾ ਤੀਜਾ ਦਿਨ ਚਾਕਲੇਟ ਡੇਅ ਵਜੋਂ ਮਨਾਇਆ ਜਾਂਦਾ ਹੈ। ਇਸ ਦਿਨ ਲੋਕ ਆਪਣੇ ਪਿਆਰੇ ਨੂੰ ਚਾਕਲੇਟ ਦਿੰਦੇ ਹਨ। ਚਾਕਲੇਟ ਰਿਸ਼ਤਿਆਂ ਵਿੱਚ ਮਿਠਾਸ ਪਾਉਣ ਦਾ ਕੰਮ ਕਰਦੀ ਹੈ। ਹਾਲਾਂਕਿ ਚਾਕਲੇਟ ਇੱਕ ਮਿੱਠੀ ਚੀਜ਼ ਵਜੋਂ ਮਸ਼ਹੂਰ ਹੈ, ਪਰ ਇਸਨੂੰ ਪਿਆਰ ਦੇ ਇਜ਼ਹਾਰ ਦਾ ਇੱਕ ਸਾਧਨ ਵੀ ਮੰਨਿਆ ਜਾਂਦਾ ਹੈ।

ਹਰ ਸਾਲ 9 ਫਰਵਰੀ ਨੂੰ ਚਾਕਲੇਟ ਡੇਅ ਵਜੋਂ ਮਨਾਇਆ ਜਾਂਦਾ ਹੈ, ਜੋ ਕਿ ਵੈਲੇਨਟਾਈਨ ਵੀਕ ਦਾ ਖਾਸ ਦਿਨ ਹੈ। ਇਸ ਦਿਨ ਪ੍ਰੇਮੀ ਇੱਕ ਦੂਜੇ ਨੂੰ ਚਾਕਲੇਟ ਗਿਫਟ ਦੇ ਕੇ ਆਪਣੀਆਂ ਦਿਲੀ ਭਾਵਨਾਵਾਂ ਦਾ ਪ੍ਰਗਟਾਵਾ ਕਰਦੇ ਹਨ। ਆਓ ਜਾਣਦੇ ਹਾਂ ਕਿ ਕਿਵੇਂ ਚਾਕਲੇਟ ਡੇਅ ਨੂੰ ਤੁਹਾਡੇ ਸਾਥੀ ਲਈ ਖਾਸ ਬਣਾਇਆ ਜਾ ਸਕਦਾ ਹੈ।

ਚਾਕਲੇਟ
ਚਾਕਲੇਟ

ਇਸ ਤਰ੍ਹਾਂ ਮਨਾਓ ਚਾਕਲੇਟ ਡੇਅ: ਫਰਵਰੀ ਦਾ ਇਹ ਪੂਰਾ ਹਫ਼ਤਾ ਰੁਮਾਂਸ ਨਾਲ ਭਰਪੂਰ ਹੈ, ਜਿਸ ਦੇ ਤੀਜੇ ਦਿਨ ਰਿਸ਼ਤੇ ਵਿੱਚ ਮਿਠਾਸ ਲਿਆਉਣ ਲਈ ਚਾਕਲੇਟ ਡੇ ਮਨਾਇਆ ਜਾਂਦਾ ਹੈ। ਚਾਕਲੇਟ ਦੀ ਮਿਠਾਸ ਪਾਉਣ ਦੇ ਪਿੱਛੇ ਵੀ ਇੱਕ ਮਜ਼ਬੂਤ ​​ਕਾਰਨ ਹੈ। ਕਈ ਖੋਜਾਂ ਤੋਂ ਪਤਾ ਲੱਗਦਾ ਹੈ ਕਿ ਚਾਕਲੇਟ ਖਾਣ ਨਾਲ ਸਾਡੀ ਲਵ ਲਾਈਫ ਸਿਹਤਮੰਦ ਰਹਿੰਦੀ ਹੈ।

ਚਾਕਲੇਟ ਖਾਣ ਦੇ ਲਾਭ: ਜ਼ਿਆਦਾਤਰ ਲੋਕ ਤਣਾਅ ਦਾ ਸਾਹਮਣਾ ਕਰ ਰਹੇ ਹਨ। ਲਗਾਤਾਰ ਤਣਾਅ ਵੀ ਡਿਪਰੈਸ਼ਨ ਦਾ ਕਾਰਨ ਬਣ ਸਕਦਾ ਹੈ। ਇਸ ਸਮੱਸਿਆ 'ਚ ਮੂਡ 'ਚ ਬਦਲਾਅ, ਉਦਾਸੀ, ਗੁੱਸਾ ਅਤੇ ਚਿੜਚਿੜੇਪਨ ਵਰਗੇ ਲੱਛਣ ਦਿਖਾਈ ਦਿੰਦੇ ਹਨ। ਅਜਿਹੇ 'ਚ ਇਸ ਸਮੱਸਿਆ ਤੋਂ ਬਚਣ ਜਾਂ ਮੂਡ ਨੂੰ ਬਿਹਤਰ ਬਣਾਉਣ ਲਈ ਚਾਕਲੇਟ ਫਾਇਦੇਮੰਦ ਹੋ ਸਕਦੀ ਹੈ।

  • ਚਾਕਲੇਟ ਫੇਸ਼ੀਅਲ, ਵੈਕਸਿੰਗ, ਫੇਸ ਪੈਕ ਅਤੇ ਚਾਕਲੇਟ ਬਾਥ ਆਦਿ ਝੁਰੜੀਆਂ ਨੂੰ ਘੱਟ ਕਰਕੇ ਚਮੜੀ ਨੂੰ ਨਿਖਾਰਨ ਵਿੱਚ ਮਦਦ ਕਰ ਸਕਦੇ ਹਨ।
  • ਬਦਲਦੇ ਮੌਸਮ ਨਾਲ ਛੋਟੀਆਂ-ਮੋਟੀਆਂ ਬਿਮਾਰੀਆਂ ਲੱਗ ਜਾਂਦੀਆਂ ਹਨ। ਜ਼ੁਕਾਮ ਅਤੇ ਖੰਘ ਵੀ ਇਨ੍ਹਾਂ ਬਿਮਾਰੀਆਂ ਵਿੱਚੋਂ ਇੱਕ ਹੈ। ਅਜਿਹੇ 'ਚ ਸਰਦੀ-ਖਾਂਸੀ ਤੋਂ ਬਚਣ ਲਈ ਡਾਰਕ ਚਾਕਲੇਟ ਦਾ ਸੇਵਨ ਕੀਤਾ ਜਾ ਸਕਦਾ ਹੈ। ਅਸਲ ਵਿੱਚ ਡਾਰਕ ਚਾਕਲੇਟ ਵਿੱਚ ਥੀਓਬਰੋਮਿਨ ਨਾਮਕ ਇੱਕ ਰਸਾਇਣਕ ਪਦਾਰਥ ਹੁੰਦਾ ਹੈ। ਇਹ ਪਦਾਰਥ ਸਾਹ ਪ੍ਰਣਾਲੀ ਨਾਲ ਜੁੜੀਆਂ ਸਮੱਸਿਆਵਾਂ ਤੋਂ ਛੁਟਕਾਰਾ ਦਿਵਾਉਣ ਵਿਚ ਮਦਦ ਕਰ ਸਕਦਾ ਹੈ। ਇਨ੍ਹਾਂ ਸਮੱਸਿਆਵਾਂ ਵਿੱਚ ਜ਼ੁਕਾਮ ਅਤੇ ਖੰਘ ਵੀ ਸ਼ਾਮਲ ਹੈ।
  • ਡਾਰਕ ਚਾਕਲੇਟ ਹਾਈ ਬਲੱਡ ਪ੍ਰੈਸ਼ਰ ਦੀ ਸਮੱਸਿਆ 'ਚ ਵੀ ਮਦਦਗਾਰ ਹੋ ਸਕਦੀ ਹੈ।
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.