ਮਹਾਰਾਸ਼ਟਰ/ਠਾਣੇ— ਬੰਗਲਾਦੇਸ਼ ਦੀ ਰਾਜਧਾਨੀ ਢਾਕਾ 'ਚ ਇਕ ਕੱਪੜਾ ਫੈਕਟਰੀ 'ਚ ਬਤੌਰ ਮੈਨੇਜਰ ਕੰਮ ਕਰਨ ਵਾਲਾ ਇਕ ਵਿਅਕਤੀ ਜਦੋਂ ਛੁੱਟੀਆਂ ਮਨਾਉਣ ਲਈ ਮਹਾਰਾਸ਼ਟਰ ਦੇ ਠਾਣੇ ਜ਼ਿਲੇ 'ਚ ਸਥਿਤ ਆਪਣੇ ਜੱਦੀ ਘਰ ਆਇਆ ਤਾਂ ਉਸ ਨੂੰ ਹਿੱਸੇ 'ਚ ਮੁਨਾਫੇ ਦਾ ਲਾਲਚ ਦੇ ਕੇ 28 ਲੱਖ ਰੁਪਏ ਦੀ ਠੱਗੀ ਮਾਰੀ ਗਈ। ਪੁਲਸ ਨੇ ਐਤਵਾਰ ਨੂੰ ਇਸ ਘਟਨਾ ਦੀ ਜਾਣਕਾਰੀ ਦਿੱਤੀ।
ਇਹ ਵਿਅਕਤੀ ਅਕਤੂਬਰ 2023 'ਚ ਛੁੱਟੀਆਂ 'ਤੇ ਇੱਥੇ ਆਇਆ ਸੀ ਅਤੇ ਫੇਸਬੁੱਕ 'ਤੇ ਸ਼ੇਅਰ ਟ੍ਰੇਡਿੰਗ 'ਚ ਚੰਗਾ ਮੁਨਾਫਾ ਕਮਾਉਣ ਦੀ ਜਾਣਕਾਰੀ ਮਿਲੀ, ਜਿਸ ਤੋਂ ਬਾਅਦ ਉਹ ਸ਼ੇਅਰ ਟ੍ਰੇਡਿੰਗ ਕਰਨ ਵਾਲੇ ਕਈ ਗਰੁੱਪਾਂ 'ਚ ਸ਼ਾਮਲ ਹੋ ਗਿਆ ਸੀ।
ਬਦਲਾਪੁਰ ਵੈਸਟ ਥਾਣੇ ਦੇ ਇੱਕ ਅਧਿਕਾਰੀ ਨੇ ਦੱਸਿਆ ਕਿ ਉਸਨੇ ਮੋਬਾਈਲ ਫੋਨ 'ਤੇ ਸਾਂਝੇ ਕੀਤੇ ਵੱਖ-ਵੱਖ ਲਿੰਕਾਂ ਰਾਹੀਂ ਮੁਲਜ਼ਮਾਂ ਦੀਆਂ ਹਦਾਇਤਾਂ ਅਨੁਸਾਰ ਦਸੰਬਰ 2023 ਵਿੱਚ ਕਥਿਤ ਤੌਰ 'ਤੇ 28,22,300 ਰੁਪਏ ਦਾ ਭੁਗਤਾਨ ਕੀਤਾ। ਅਧਿਕਾਰੀ ਨੇ ਦੱਸਿਆ ਕਿ ਨਿਵੇਸ਼ ਕਰਨ ਦੇ ਬਾਵਜੂਦ ਉਸ ਨੂੰ ਕੋਈ ਮੁਨਾਫਾ ਨਹੀਂ ਹੋਇਆ, ਜਿਸ 'ਤੇ ਉਸ ਨੇ ਮੁਲਜ਼ਮ ਤੋਂ ਉਸ ਦੇ ਪੈਸੇ ਮੰਗੇ ਪਰ ਮੁਲਜ਼ਮਾਂ ਨੇ ਉਸ ਨੂੰ ਕੋਈ ਜਵਾਬ ਨਹੀਂ ਦਿੱਤਾ।
- ਓਡੀਸ਼ਾ 'ਚ 351 ਕੱਛੂਆਂ ਦੀ ਤਸਕਰੀ ਤੋਂ ਬਚਾਇਆ ਗਿਆ, ਤਿੰਨ ਵਿਅਕਤੀ ਗ੍ਰਿਫਤਾਰ
- ਓਡੀਸ਼ਾ: ਕੇਂਦਰਪਾੜਾ 'ਚ ਇੱਕੋ ਪਰਿਵਾਰ ਦੇ ਤਿੰਨ ਮੈਂਬਰਾਂ ਦੀਆਂ ਮਿਲੀਆਂ ਲਾਸ਼ਾਂ, ਜਾਂਚ 'ਚ ਜੁਟੀ ਪੁਲਿਸ
- ਮਹਾਰਾਸ਼ਟਰ: ਫੜਨਵੀਸ ਨੂੰ ਧਮਕੀ ਦੇਣ ਵਾਲਾ ਮੁੱਖ ਮੁਲਜ਼ਮ ਗ੍ਰਿਫਤਾਰ
- ਲਖਨਊ 'ਚ ਪਿਛਲੇ ਦੋ ਮਹੀਨਿਆਂ 'ਚ ਮਿਲੇ ਸਵਾਈਨ ਫਲੂ ਦੇ 25 ਮਰੀਜ਼, ਪੀਜੀਆਈ ਦੇ ਸਿਹਤ ਕਰਮਚਾਰੀਆਂ ਦੇ ਪਰਿਵਾਰ ਵੀ ਲਪੇਟ 'ਚ
ਉਨ੍ਹਾਂ ਦੱਸਿਆ ਕਿ ਪੀੜਤਾ ਦੀ ਸ਼ਿਕਾਇਤ ਦੇ ਆਧਾਰ 'ਤੇ ਬਦਲਾਪੁਰ ਵੈਸਟ ਪੁਲਿਸ ਨੇ ਸ਼ੁੱਕਰਵਾਰ ਨੂੰ ਸਬੰਧਿਤ ਧਾਰਾਵਾਂ ਤਹਿਤ ਚਾਰ ਲੋਕਾਂ ਦੇ ਖ਼ਿਲਾਫ਼ ਐਫਆਈਆਰ ਦਰਜ ਕੀਤੀ ਹੈ ਅਤੇ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਪੁਲਿਸ ਨੇ ਲੋਕਾਂ ਨੂੰ ਔਨਲਾਈਨ ਗਤੀਵਿਧੀਆਂ ਵਿੱਚ ਸ਼ਾਮਲ ਹੋਣ ਸਮੇਂ ਸਾਵਧਾਨੀ ਵਰਤਣ ਅਤੇ ਚੌਕਸ ਰਹਿਣ ਦੀ ਅਪੀਲ ਕੀਤੀ ਹੈ।
