ସମ୍ବଲପୁରରେ ଜେନେରିକ ମେଡିସିନ ସେବାର ହେଉନି ସଫଳ ରୂପାୟନ, ଆବଶ୍ୟକ ରହିଛି ଜନସଚେତନତା

ସମ୍ବଲପୁର: ରୋଗର ନିରାକରଣ ପାଇଁ ଔଷଧ କିଣାରେ ଆମେ ଖର୍ଚ୍ଚ କରୁଛୁ ହଜାର ହଜାର ଟଙ୍କା । ହେଲେ ଜେନେରିକ ମେ୍ଡିସିନ ସେବନ କରି ଆପଣ ମେଡିସିନ ଖର୍ଚ୍ଚରେ ସଞ୍ଚୟ କରିପାରିବେ 80ରୁ 90 ପ୍ରତିଶତ ଟଙ୍କା । ତେବେ କଣ ଏହି ଜନେରିକ ମେଡିସନି? ଜେନେରିକ ମେଡିସିନର ଅର୍ଥ ହେଉଛି କମ ଦାମରେ ଉନ୍ନତମାନର ଔଷଧ । ଅନ୍ୟ କମ୍ପାନୀର ବ୍ରାଣ୍ଡେଡ୍‌ ଔଷଧ ଠାରୁ 90 ପ୍ରତିଶତ କମ ଦାମରେ ମିଳେ ଜେନେରିକ ମେଡିସିନ । ମୁଖ୍ୟତଃ ଗରିବ ଲୋକଙ୍କକୁ ସ୍ବାସ୍ଥ୍ୟଗତ ଅଧିକାର ଯୋଗାଇବା ତଥା ଚିକିତ୍ସା ଜନିତ ଖର୍ଚ୍ଚ ଯୋଗାଇବା ପାଇଁ କେନ୍ଦ୍ର ସରକାର ଆରମ୍ଭ କରିଥିଲେ ଜେନେରିକ ମେଡିସିନ ସେବା ତଥା ଜନ ଔଷଧି କେନ୍ଦ୍ର । ତେବେ ଏଯାଏଁ ରାଜ୍ୟର ଅନେକ ଅଞ୍ଚଳରେ ଏହାର ହୋଇପାରିନାହିଁ ସଫଳ ରୂପାୟନ ।