ଖୋଲିବ କିଡନୀ ରାକେଟର ନେକ୍ସସ, ସ୍କାନରରେ ଡକ୍ଟର ଓ ବଡ଼ବଡ଼ ହସ୍ପିଟାଲ

ଭୁବନେଶ୍ବର: ରିମାଣ୍ଡରେ ଆସିବ କିଡନୀ ଠକ ହିମାଂଶୁ ଭୂଷଣ ନନ୍ଦ। ଏନେଇ ରିମାଣ୍ଡରେ ନେବାକୁ କୋର୍ଟରେ ଆବେଦନ କରିଛି କମିସନରେଟ ପୋଲିସ। ରିମାଣ୍ଡରେ ନେଇ ଖୋଲିବ କିଡ଼ନୀ ଠକେଇ ପଛର ଗୁମର। କେତେ ଲୋକଙ୍କଠୁ ଠକିଛି ଏହି ଠକ ? ଏହା ପଛରେ କାହାର ସମ୍ପୃକ୍ତି ରହିଛି ? ବିଭିନ୍ନ ମାମଲାରେ ବିଭିନ୍ନ ଡ଼କ୍ଟର ହସପିଟାଲ ଲିଙ୍କ ସାମ୍ନାକୁ ଆସିଥିବା ବେଳେ ହିମାଂଶୁର କାହା ସହ ଥିଲା କନେକ୍ସନ ? କିଡନୀ ଆବଶ୍ୟକ ଥିବା ଲୋକଙ୍କ ପାଖରେ କିପରି ପହଞ୍ଚୁଥିଲା ? ଆଉ ଲୋକଙ୍କ ଡାଟା କେମିତି ମିଳୁଥିଲା ? ଏହା ପଛରେ କେଉଁ ଡକ୍ଟରଙ୍କ ଲିଙ୍କ ରହିଛି। କିଏ ଥିଲେ ହିମାଂଶୁ ସହ ଯୋଗାଯୋଗରେ ? ଏସମସ୍ତ ଦିଗକୁ ନେଇ କିଛି ଡକ୍ଟର ଓ ହସପିଟାଲର ଲିଙ୍କ ଖୋଜିବାକୁ ହିମାଂଶୁକୁ ରିମାଣ୍ଡରେ ନେଇ ପରଚାଉଚରା କରିବ ପୋଲିସ।