ରାଉରକେଲା: କେନ୍ଦ୍ର ସରକାର ବିରୋଧରେ ଏକାଠି ହେଲେ ହେଲେ ବିରୋଧୀ । ଏନେଇ ଗତକାଲି(ବୁଧବାର) ରାଉରକେଲା ଉଦିତନଗର ଠାରେ ଏକ ବିଶାଳ ବିକ୍ଷୋଭ ପ୍ରଦର୍ଶନ କରାଯାଇଥିଲା । ଯେଉଁଥିରେ ଜାତୀୟ କଂଗ୍ରେସ, ସି.ପି.ଆଇ (ଏମ୍), ଆମ ଆଦମୀ ପାର୍ଟି ଏବଂ ତୃଣମୂଳ କଂଗ୍ରେସ ମିଳିତ ଭାବେ ମୋଦି ସରକାର ବିରୋଧରେ ଲଢେଇ ପାଇଁ ନାରା ଦେଇଛନ୍ତି । କେନ୍ଦ୍ର ସରକାରଙ୍କ ବିରୋଧରେ ତୀଵ୍ର ବିରୋଧ ପ୍ରଦର୍ଶନ ମଧ୍ୟ କରିଛନ୍ତି ।
କଂଗ୍ରସ ଜିଲ୍ଲା ସଭାପତି କହିଛନ୍ତି, ‘‘ସ୍ବଚ୍ଛାଚାରିତା ଶାସନ କରିବାକୁ ଇଚ୍ଛା ରଖୁଛି ବିଜେପି । ଏକଛତ୍ରବାଦ ଶାସନ ଜାରି କରିବା ପାଇଁ ବିରୋଧୀଙ୍କ ଉପରେ ମିଥ୍ୟା ଆରୋକ ଲଗାଉଛି କେନ୍ଦ୍ର ସରକାର । ତେଣୁ ଦେଶରେ ବିରୋଧୀଙ୍କୁ ସୁଦୃଢ ହେବା ପାଇଁ ଆହ୍ବାନ ଦେଇଛନ୍ତି । କେନ୍ଦ୍ରରେ ବିଜେପି ସରକାର କ୍ଷମତାକୁ ଆସିବା ପରେ ଅର୍ଥନୀତି ଏବଂ ସାମାଜିକ ପରିସ୍ଥିତି ଅତ୍ୟନ୍ତ ସଂକଟଗ୍ରସ୍ତ ହୋଇଛି । କେନ୍ଦ୍ର ସରକାରଙ୍କ ନୀତି ଦେଶ ବିରୋଧ କରିବା ଅର୍ଥ ‘ଦେଶ ଦ୍ରୋହ’ର ଆଖ୍ୟା ମିଳୁଛି । ଇ.ଡି, ସି.ବି.ଆଇକୁ ଲଗାଇ ବିରୋଧି ମାନଙ୍କର କଣ୍ଠରୋଧ କରାଯାଉଛି । ରାଜ୍ୟରେ ସରକାରମାନଙ୍କୁ ଭାଙ୍ଗିବା ପାଇଁ କୋଟି କୋଟି ଟଙ୍କା ବିଜେପି ଖର୍ଚ୍ଚ କରୁଛି । ଏବେ ଅଦାଲତର ଦଣ୍ଡାଦେଶର ଆଳ ନେଇ ଗୋଟିଏ ଦିନ ମଧ୍ୟରେ ରାହୁଲ ଗାନ୍ଧୀଙ୍କ ଲୋକସଭା ସଦସ୍ୟ ପଦ ରଦ୍ଦ କରି ଦିଆଗଲା । ଚାର୍ଜସିଟ ପ୍ରସ୍ତୁତ ନକରି ମଧ୍ୟ ସି.ବି.ଆଇ ଦିଲ୍ଲୀ ଉପ ମୁଖ୍ୟମନ୍ତ୍ରୀଙ୍କୁ ଜେଲରେ ରଖୁଛନ୍ତି । ଏବେ ପୁଣି ଦିଲ୍ଲୀ ମୁଖ୍ୟମନ୍ତ୍ରୀଙ୍କୁ ସି.ବି.ଆଇ. ଜେରା କରୁଛି ।’’
ସେହିପରି କେନ୍ଦ୍ର ଉପରେ ବର୍ଷି ସି.ପି.ଆଇ ନେତା କହିଛନ୍ତି କି, ‘କେନ୍ଦ୍ର ସରକାରଙ୍କ ଦ୍ୱାରା ହେଉଥିବା ଜନ ବିରୋଧୀ କାର୍ଯ୍ୟ ହେଉଛି ଅତ୍ୟାବଶ୍ୟକ ସାମଗ୍ରୀ ଡାଲି, ଚାଉଳ, ଗ୍ୟାସ, ପେଟ୍ରୋଲିୟମ ତୈଳ, ଗ୍ୟାସ ଦର ବୃଦ୍ଧି । ରାଷ୍ଟ୍ରାୟତ ଉଦ୍ୟୋଗକୁ ଘରୋଇକରଣ କରିବା ପାଇଁ କେନ୍ଦ୍ର ସରକାରର ନିଷ୍ପତ୍ତି । ପୁଞ୍ଜିପତି ମାନଙ୍କୁ ସମର୍ଥନ କରିବା ନିୟମ ଆଦିକୁ ବିରୋଧରେ ଏହି ବିକ୍ଷୋଭ ପ୍ରଦର୍ଶନ କରାଯାଇଥିଲା ।
ଏହାସହ ବିରୋଧୀ ମେଣ୍ଟ ଅଭିଯୋଗ କରଛନ୍ତି, ଏହିପରି କେନ୍ଦ୍ର ସରକାର ଦେଶର ସମସ୍ତ ସମ୍ପଦକୁ ଦେଶୀୟ ଓ ବିଦେଶୀ କମ୍ପାନୀକୁ ବିକ୍ରି କରି ଚାଲିଛନ୍ତି । ଆଦାନୀ କମ୍ପାନୀ ଭଲି କେତେକ ଜାଲି କମ୍ପାନୀ ନାମରେ ୨୦ହଜାର କୋଟି ଟଙ୍କା ବିନିଯୋଗ କରୁଛି । ଆଦାନୀ କମ୍ପାନୀ ବିଶ୍ବର ସୁବୁଠାରୁ ବଡ ଠକ କମ୍ପାନୀ ବୋଲି ହିଣ୍ଡେନ ବର୍ଗ ରିପୋର୍ଟ ଦେଇଛି । ଏହା ବିରୁଦ୍ଧରେ ମିଳିତ ବିରୋଧ ଦଳଙ୍କ ମିଳିତ ପାର୍ଲିଆମେଣ୍ଟାରୀ କମିଟି (ଜେପିସି) ବସାଇବା ଦାବିକୁ କେନ୍ଦ୍ର ସରକାର ଖାତିର କରୁନାହାନ୍ତି । ଦେଶର ଲୋକ ଆଜି ଏହି ନୀତି ପାଇଁ ଦରବୃଦ୍ଧି ସହ ବେକାରୀକୁ ସାମ୍ନା କରୁଛନ୍ତି ।
ଇଟିଭି ଭାରତ, ରାଉରକେଲା