ସମ୍ବଲପୁର: ପୁଣି ଏକ ଦନ୍ତାହାତୀର ମୃତଦେହ ଉଦ୍ଧାର । ରେଢାଖୋଲ ଉପଖଣ୍ଡ ନାକଟିଦେଉଳର ରାଇଲ ଗାଁ ନିକଟରୁ ହାତୀଟିର ମୃତଦେହ ଉଦ୍ଧାର କରାଯାଇଛି ।
ନାକଟିଦେଉଳରୁ ଦନ୍ତାହାତୀର ମୃତଦେହ ଉଦ୍ଧାର
ହାତୀଟିକୁ ପାଖାପାଖି 8 ବର୍ଷ ହେବ ବୋଲି କହିଛନ୍ତି ବନ ବିଭାଗ ଅଧିକାରୀ । ଦୀର୍ଘ ଦିନରୁ ହାତୀର କାନ ପାଖରେ ଘା’ ହୋଇଥିଲା । ତେଣୁ ଅସୁସ୍ଥ ହୋଇ ସ୍ଥାନୀୟ ଅଞ୍ଚଳରେ ଦନ୍ତା ବୁଲାବୁଲି କରୁଥିଲା । ଘା’ ସଂକ୍ରମଣ କାରଣରୁ ହାତୀର ମୃତ୍ୟୁ ହୋଇଥିବା ବନବିଭାଗ ଅନୁମାନ କରୁଛି । ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ହାତୀ ମୃତ୍ୟୁ କାରଣ ଜଣାପଡିବ ବୋଲି ବନ ବିଭାଗ ଅଧିକାରୀ କହିଛନ୍ତି ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
