ପୁରୀ: ବିଶ୍ବ ମହାମାରୀ କୋରୋନା ସଂକ୍ରମଣରୁ ରକ୍ଷା ପାଇବା ପାଇଁ ସରକାର ମାସ୍କ ପିନ୍ଧିଵା ଵାଧ୍ୟତାମୂଳକ କରିଛନ୍ତି । ମାତ୍ର କେତେକ ଅମାନିଆଙ୍କୁ ପ୍ରଶାସନ ଯେତେ ସଚେତନ କଲେ ମଧ୍ୟ ସେମାନେ ନଶୁଣିବାରୁ ପ୍ରଶାସନ କଠୋର ହୋଇଛି ।
ମାସ୍କ ବ୍ୟବହାର କରୁନଥିବା ଵ୍ୟକ୍ତିଙ୍କୁ ଜୋରିମାନା
ଗୋପ ଓ କୋଣାର୍କ ଅଞ୍ଚଳରେ ମାସ୍କ ବ୍ୟଵହାର କରୁନଥିଵା ଅମାନିଆଙ୍କ ଠାରୁ ଜୋରିମାନା ଆଦାୟ କରାଯାଉଛି । ଲୋକମାନଙ୍କୁ ସଚେତନ କରିବା ଏଵଂ ଅମାନିଆକୁ ସାଵାଡ କରିଵା ପାଇଁ ଅଣ୍ଟା ଭିଡିଛନ୍ତି ଗୋପ ତହସିଲଦାର ପୃଥିରାଜ ମଣ୍ଡଳ ।
ମାସ୍କ ନପିନ୍ଧି ବାହାରେ ବୁଲୁଥିବା ୧୦ଜଣ ଅମାନିଆଙ୍କ ଠାରୁ ୨00 ଟଙ୍କା ଲେଖାଁଏ ମୋଟ ୨ହଜାର ଟଙ୍କା ଜୋରିମାନା ଆଦାୟ କରିଥିବା ବେଳେ କେତେକଙ୍କୁ ମାସ୍କ ଓ ସଚେତନ କରାଇଛନ୍ତି। ସେହିପରି କୋଣାର୍କ ଠାରେ ମଧ୍ୟ ତହସିଲଦାର ମଣ୍ଡଳ ମାସ୍କ ଵାନ୍ଧି ନ ଥିଵା ଅମାନିଆଙ୍କ ଠାରୁ ଜୋରିମାନା ଆଦାୟ କରୁଥିବାବେଳେ ଲୋକମାନଙ୍କୁ ସଚେତନତା ଵାର୍ତ୍ତା ବାଣ୍ଟୁଥିବା ଦେଖିବାକୁ ମିଳିଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
