ନୟାଗଡ଼: ନୟାଗଡ଼ ଶରଣକୁଳ ଥାନା ସୁଆରସାହିରେ ଘଟିଛି ଅଭାବନୀୟ ଘଟଣା । ନୟାଗଡ଼ରୁ ଓଡ଼ଗାଁ ଯାଉଥିବା ଡମ୍ଫର ଘଟାଇଛି ଦୁର୍ଘଟଣା । ଡ୍ରାଇଭର ଜଣଙ୍କର ସାମାନ୍ୟ ଅସାବଧାନତା ଯୋଗୁଁ ଏତେ ବଡ଼ ଦୁର୍ଘଟଣା ଘଟିଛି l ଯେଉଁଥିରେ ଗୋଟିଏ ଗାଁର ୬ ଜଣଙ୍କର ମୃତ୍ୟୁ ଘଟିଛି ।
ମିଳିଥିବା ସୂଚନା ମୁତାବକ, ନୟାଗଡ଼ରୁ ଓଡ଼ଗାଁ ଯାଉଥିବା ଡମ୍ପରଟିର ବ୍ରେକ ଫେଲ ହେବାରୁ ଏହି ଦୁର୍ଘଟଣା ଘଟିଛି । ଡମ୍ଫରଟି ଦୁଇଟି ସ୍ଥାନରେ ଦୁର୍ଘଟଣା କରିଥିଲା ଯେଉଁଥିରେ 6 ଜଣଙ୍କର ମୃତ୍ୟୁ ହୋଇଛି । ମୃତକ ମାନେ ହେଲେ ଶରଣକୁଳର ରାଜେଶ ମହାପାତ୍ର (୧୭) ସୁବାସିନୀ ସାହୁ (୪୨),ସରୋଜିନୀ ସାହୁ (୩୫), ନୀଳକଣ୍ଠ ମହାରଣା (୮୦), କାଜଲ ମହାରାଣା(୧୫), ପଦ୍ମଲୋଚନ ସାହୁ (୩୦) । ମୃତକଙ୍କ ମଧ୍ୟରେ ୩ ଜଣ ପୁରୁଷ ଏବଂ ୩ ଜଣ ମହିଳା ଅଛନ୍ତି l
ତେବେ ଏହି ଘଟଣା ପରେ ଗାଁରେ ଶୋକାକୁଳ ପରିବେଶ ସୃଷ୍ଟି ହୋଇଛି l ଶରଣକୁଳ ଥାନା ପୋଲିସ ଘଟଣାସ୍ଥଳରେ ପହଂଛି ଡମ୍ଫରକୁ ଜବତ କରିଛି l ଗ୍ରାମରେ ଚାପା ଉତ୍ତେଜନା ଲାଗି ରହିଛି l ଲୋକେ ରାସ୍ତାକୁ ଓହ୍ଲାଇ କ୍ଷତିପୁରଣ ଦାବି କରିଛନ୍ତି l
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
