ମୟୂରଭଞ୍ଜ: ଜିଲ୍ଲାର ଝାରପୋଖରିଆ ଥାନା ବେଢାପାଳ ଗ୍ରାମରେ ବଜ୍ରାଘାତରେ ଜଣେ ନାବାଳକ ମୃତ ।
ସୋମବାର ଝାରପୋଖରିଆ ଅଞ୍ଚଳରେ ପ୍ରବଳ ବର୍ଷା ସାଙ୍ଗକୁ ଘଡଘଡି ହୋଇଥିଲା । ଏହି ସମୟରେ ମାଛ ଧରିବାକୁ ଯାଇଥିଲେ ମୁଚିରାମ ସାହୁଙ୍କ ପୁଅ ସତ୍ୟରଞ୍ଜନ ସାହୁଙ୍କ(15) ମୃତ୍ୟୁ ହୋଇଥିଲା ।
ତେବେ ବଜ୍ରାଘାତ ପରେ ସତ୍ୟରଞ୍ଜନକୁ ସଙ୍ଗେ ସଙ୍ଗେ ଶୀର୍ଷା ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା । ମାତ୍ର ସେଠାରେ ଡାକ୍ତର ତାଙ୍କୁ ମୃତ ବୋଲି ଘୋଷଣା କରିଥିଲେ ।
ଭିଡିଓ ସୌଜନ୍ୟ: ସମ୍ବାଦଦାତା, ମୟୂରଭଞ୍ଜ
ଏନେଇ ଝରପୋଖରିଆ ପୋଲିସ ଏକ ଅପମୃତ୍ୟୁ ମାମଲା ରୁଜୁ କରିବା ସହ ଶବ ବ୍ୟବଚ୍ଛେଦ ପାଇଁ ବାରିପଦା ପଣ୍ଡିତ ରଘୁନାଥ ମୁର୍ମୁ ମେଡିକାଲ କଲେଜକୁ ପଠାଇଛି ।
ମୟୂରଭଞ୍ଜରୁ ମୃତ୍ୟଞ୍ଜୟ ସେନାପତି, ଇଟିଭି ଭାରତ
