ମାଲକାନଗିରି: ଜିଲ୍ଲାରେ କାଳବୈଶାଖୀ ପ୍ରଭାବରେ ପ୍ରବଳ ବର୍ଷା ହେବାରୁ ବିଭିନ୍ନ ପ୍ରକାର ଚାଷ ନଷ୍ଟ ହୋଇଥିବା ଅଭିଯୋଗ ହୋଇଛି । ଖଇରପୁଟ ବ୍ଲକ ଅନ୍ତର୍ଗତ ସାନଡୁରାଲ ଗ୍ରାମରେ ଚାଷୀ ଖରାଟିଆ ଧାନ ଚାଷ କରିଥିବାବେଳେ ଧାନ କାଟି ନିଜ ବିଲରେ ରଖିଥିଲେ ।
ଅଦିନିଆ ବର୍ଷା ଉଜାଡିଲା ଧାନ ଫସଲ
ଆଉ କିଛି ଦିନ ମଧ୍ୟରେ ଚାଷୀ ନିଜ ଖଳାକୁ ଧାନ ନେଇଥାନ୍ତେ କିନ୍ତୁ ଅଦିନିଆ ବର୍ଷା ଯୋଗୁଁ ଲକ୍ଷାଧିକ ଟଙ୍କାର ଧାନ ନଷ୍ଟ ହୋଇଯାଇଥିବା ଜଣାପଡ଼ିଛି । ବର୍ଷା ଛାଡ଼ିବା ପରେ ଆଜି ଚାଷୀ ବିଲରୁ ଧାନ ଗୋଟାଇବାକୁ ଉଦ୍ୟମ କରିଥିଲେ । କିନ୍ତୁ ବର୍ଷାରେ ସମସ୍ତ ଧାନ ଭିଜି ଯାଇ ନଷ୍ଟ ହୋଇଯାଇଥିବା ଦେଖିବାକୁ ମିଳିଥିଲା । ସବୁଧାନ ନଷ୍ଟ ହୋଇ ଗଜା ହୋଇଥିବା କୁହାଯାଇଛି । ପ୍ରଶାସନ ତରଫରୁ ଶୀଘ୍ର କ୍ଷୟକ୍ଷତିର ଆକଳନ କରାଯାଇ କ୍ଷତିଗ୍ରସ୍ତ ଚାଷୀଙ୍କୁ କ୍ଷତିପୂରଣ ପ୍ରଦାନ କରିବାକୁ ଦାବି ହୋଇଛି ।
ମାଲକାନଗିରିରୁ ଦେବଦତ୍ତ ବେହେରା, ଇଟିଭି ଭାରତ
