ମାଲକାନଗିରି: ଜିଲ୍ଲା ଅବକାରୀ ବିଭାଗକୁ ସଫଳତା । ପନ୍ଦର ଲକ୍ଷ ଟଙ୍କାର ଗଞ୍ଜେଇ ଜବତ ସହ ଜଣେ ମହିଳାଙ୍କୁ ଗିରଫ କଲା ମାଲକାନଗିରି ଅବକାରୀ ବିଭାଗ । ଗିରଫ ମହିଳା ଜଣକ ଡଙ୍ଗାକୁଣ୍ଡ ଗ୍ରାମର ମଙ୍ଗୁଳୀ ଭୁମିଆ ହୋଇଥିବା ଜଣାପଡିଛି ।
୧୫ ଲକ୍ଷର ଗଞ୍ଜେଇ ଜବତ, ମହିଳା ଗିରଫ
ସୂଚନା ଅନୁଯାୟୀ, ବୁଧବାର ମାଲକାନଗିରି ଜିଲ୍ଲାପାଳ ଓ ଅବକାରୀ ଅଧ୍ୟକ୍ଷଙ୍କ ନିର୍ଦ୍ଦେଶରେ କୁଡୁମୁଲୁଗୁମ୍ମା ଅଞ୍ଚଳରେ ପାଟ୍ରୋଲିଂ କରୁଥିଲା ଅବକାରୀ ବିଭାଗ । ଏହି ସମୟରେ ଜଣେ ମହିଳା ଏକ ବସ୍ତା ଧରି ଯାଉଥିବା ସମୟରେ ଅବକାରୀ କର୍ମଚାରୀ ଅଟକାଇ ପଚରାଉଚରା କରିଥିଲେ । ଏହାପରେ ବସ୍ତାଟିରେ ଗଞ୍ଜେଇ ଥିବା ଜାଣିବାକୁ ପାଇବା ପରେ ଅଧିକ ତଦନ୍ତ ପାଇଁ ମହିଳାଙ୍କ ଘରେ ଚଢାଉ କରି ୩ଶହ କିଲୋ ଗଞ୍ଜେଇ ଜବତ କରାଯାଇଥିଲା ।
ମହିଳାଙ୍କୁ ଗିରଫ କରାଯାଇ କୋର୍ଟଚାଲାଣ କରାଯାଇଥିବା ମାଲକାନଗିରି ଅବକାରୀ ଇନ୍ସପେକ୍ଟର ସୂଚନା ଦେଇଛନ୍ତି । ଜବତ ଗଞ୍ଜେଇର ଆନୁମାନିକ ମୂଲ୍ୟ ପନ୍ଦର ଲକ୍ଷ ଟଙ୍କା ହେବ ।
