ଖୋର୍ଦ୍ଧା: ଏଟିଏମ ଲୁଟେରା ଗ୍ୟାଙ୍ଗର ପର୍ଦ୍ଦାଫାସ । ଲୁଟେରା ଗ୍ୟାଙ୍ଗର 8 ଜଣଙ୍କୁ ଗିରଫ କରିବାରେ ସଫଳ ହୋଇଛି ଖୋର୍ଦ୍ଧା ଟାଉନ ଥାନା ପୋଲିସ । ସେମାନଙ୍କ ଠାରୁ ଗ୍ୟାସ ସିଲିଣ୍ଡର, କଟର ଓ ଠେଙ୍ଗା ବାଡି ଜବତ କରିଛି ।
ସୂଚନା ଅନୁଯାୟୀ, ଏଟିଏମରୁ ଟଙ୍କା ଲୁଟ କରିବାକୁ ଲୁଟେରାମାନେ ଯୋଜନା କରୁଥିଲେ । ପୋଲିସ ବିଶ୍ୱସ୍ତ ସୂତ୍ରରୁ ଖବର ପାଇ ଅଚାନକ ତରତୁଆ ଖେଳ ପଡିଆ ନିକଟରେ ଚଢାଉ କରିଥିଲା । ସେଠାରେ ଆଠ ଜଣକୁ ଗିରଫ କରି ସେମାନଙ୍କ ଠାରୁ ଲୁଟରେ ବ୍ୟବହୃତ ସାମଗ୍ରୀ ଜବତ କରିଛି । ଗିରଫ ଅଭିଯୁକ୍ତମାନେ ଗୁରୁଜଙ୍ଗ ଗ୍ରାମର ସୌମ୍ୟ ରଞ୍ଜନ ପଟ୍ଟନାୟକ, ପ୍ରଭଞ୍ଜନ ଭୋଇ, ଜଗନ୍ନାଥ ନାୟକ, ବାସେଳି ସାହିର ରାକେଶ ଭୁଜବଲ, ଠେଙ୍ଗାହାଟର ଲୋକନାଥ ମହାରଣା, ହଳଦିଆ ରାମଚନ୍ଦ୍ରପୁର ଗ୍ରାମର ଅଜୁନ ମାଝି, ରାଜୁ ବେହେରା ଓ ଭାଲିଆବାଡ଼ିର ଗଗନ ନାୟକ ହୋଇଥିବା ଜଣାପଡ଼ିଛି । ସେମାନଙ୍କ ନାମରେ ପୋଲିସ ନିଜ ତରଫରୁ ୫୪୮/୨୨ ଏକ ମାମଲା ରୁଜୁ କରିବା ପରେ ଡକାୟତି ଉଦ୍ୟମ ଅଭିଯୋଗରେ ଗିରଫ କରି କୋର୍ଟ ଚାଲାଣ କରିଛି ।
ଇଟିଭି ଭାରତ, ଖୋର୍ଦ୍ଧା
