କେନ୍ଦୁଝର: ପ୍ରଥମ ଓ ଦ୍ବିତୀୟ ପର୍ଯ୍ୟାୟ ନିର୍ବାଚନ ବେଳେ ଦେଖାଦେଇଥିବା ହିଂସାକୁ ନେଇ ୪୯ଟି ବୁଥରେ ବାତିଲ କରାଯାଇଥିଲା ମତଦାନ । ତେବେ ଆଜି ସେହି ସ୍ଥାନ ଗୁଡ଼ିକରେ ସାନି ନିର୍ବାଚନ ଚାଲୁଛି । ଏହି ପରିପ୍ରେକ୍ଷୀରେ କେନ୍ଦୁଝର ଜିଲ୍ଲାରେ ଚାଲିଛି ସାନି ମତଦାନ ।
Repolling: ବିଞ୍ଝବାହାଳ ପଞ୍ଚାୟତରେ ପୁନଃ ନିର୍ବାଚନ, ଶାନ୍ତି ଶୃଙ୍ଖଳାରେ ଚାଲିଛି ମତଦାନ
ଦ୍ବିତୀୟ ପର୍ଯ୍ୟାୟରେ ଭୋଟ୍ ସମୟରେ ସରପଞ୍ଚ ଭୋଟରେ ଅନିୟମିତତା ଅଭିଯୋଗକୁ ନେଇ ବିଞ୍ଝବାହାଳ ପଞ୍ଚାୟତର ସରପଞ୍ଚ ପଦବୀ ପାଇଁ ପୁନଃ ଭୋଟ ଗ୍ରହଣ କରାଯାଉଛି । କେନ୍ଦୁଝର ଜିଲ୍ଲା ତେଲକୋଇ ବ୍ଲକର କଣ୍ଟାବାହାଳ ୧ ନମ୍ବର ବୁଥରେ ସାନି ମତଦାନ ଚାଲିଛି ।
୧୦ ଜଣ ସରପଞ୍ଚ ପ୍ରାର୍ଥୀ ଏଠାରେ ପ୍ରତିଦ୍ଵନ୍ଦିତା କରୁଥିବା ବେଳେ ଏଠାରେ ୨୭୭ ଜଣ ଭୋଟର ପୁନଃ ମତଦାନ କରୁଛନ୍ତି । ପୋଲିସ ତଥା ପ୍ରଶାସନ ପକ୍ଷରୁ ଏଠାରେ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି। ବର୍ତ୍ତମାନ ସୁଦ୍ଧା ଶାନ୍ତି ଶୃଙ୍ଖଳାର ସହ ମତଦାନ ପ୍ରକ୍ରିୟା ଜାରି ରହିଛି।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
