ଭବାନୀପାଟଣା: କଳାହାଣ୍ଡି ଜିଲ୍ଲା ଧର୍ମଗଡ ପୂର୍ତ୍ତ ବିଭାଗ ଅଧୀନରେ ସାନ ପୋଡ଼ାଗୁଡାଠାରୁ ଗୋତମୁଣ୍ଡାକୁ ରାସ୍ତା ଦୋହରିକରଣ କାମ ଚାଲିଛି । ଏନେଇ ରାସ୍ତାର ଦୁଇ ପାର୍ଶ୍ବରେ 3 ଫୁଟର କଂକ୍ରିଟ କାମ ଚାଲିଛି । ବିନା ସୂଚନା ଫଳକ ଓ ବିଭାଗୀୟ ଯନ୍ତ୍ରୀଙ୍କ ଅନୁପସ୍ଥିତିରେ ଠିକା ସଂସ୍ଥା ନିଜ ମନ ମୁତାବକ ନିମ୍ନମାନର ବାଳି ମେଟାଲ ପକାଇ କାମ କରୁଥିବା ଅଭିଯୋଗ କରିଛନ୍ତି ଗ୍ରାମବାସୀ ।
ଗ୍ରାମବାସୀଙ୍କ କହିବା ମୁତାବକ ସେମାନଙ୍କ ମନା କରିବା ସତ୍ତ୍ବେ ମଧ୍ୟ ଜୋର ଜବରଦସ୍ତ କାମ କରାଯାଉଥିବା ବେଳେ ଏହାକୁ ଗୋତମୁଣ୍ଡା ଗ୍ରାମବାସୀ ବିରୋଧ କରିବା ସହ କାମକୁ ବନ୍ଦ ରଖିଛନ୍ତି । ଏହି ରାସ୍ତା ଦେଇ ପ୍ରତିଦିନ ଅନେକ ଯାନବାହନ ଚଳାଚଳ କରୁଥିବା ବେଳେ ନିମ୍ନମାନର କାମ ଯୋଗୁଁ ଅଳ୍ପଦିନ ମଧ୍ୟରେ ରାସ୍ତା ନଷ୍ଟ ହେବା ଆଶଙ୍କା ଦେଖାଦେଇଛି । ଏନେଇ ବିଭାଗୀୟ ଅଧିକାରୀ ତୁରନ୍ତ ଏହି ସମସ୍ୟାର ସମାଧାନ ପାଇଁ ଅଞ୍ଚଳବାସୀ ଦାବି କରିବା ସହ ଦାବି ପୂରଣ ନହେଲେ ରାଜରାସ୍ତାକୁ ଓହ୍ଲାଇବାର ଚେତାବନୀ ଦେଇଛନ୍ତି ଗ୍ରାମବାସୀ ।
କଳାହାଣ୍ଡିରୁ ଅଜିତ୍ ସିଂ, ଇଟିଭି ଭାରତ
