ଭବାନୀପାଟଣା: ମାର୍ଚ୍ଚ ୨୪ରେ ହେବ ପୌର ନିର୍ବାଚନ । ଆଉ ଏହାକୁ ନେଇ କଳାହାଣ୍ଡି ଜିଲ୍ଲା ପ୍ରଶାସନ ପକ୍ଷରୁ ପ୍ରସ୍ତୁତି ଆରମ୍ଭ ହୋଇଯାଇଛି । ଜିଲ୍ଲାର ଗୋଟିଏ ପୌର ପରିଷଦ ଓ ୩ଟି ବିଜ୍ଞାପିତ ଅଞ୍ଚଳ ପରିଷଦ ପାଇଁ ହେବ ନିର୍ବାଚନ । ଭବାନୀପାଟଣା ପୌର ପରିଷଦ, ଧର୍ମଗଡ଼, ଜୁନାଗଡ଼, କେସିଙ୍ଗା ଏନଏସିରେ ହେବ ନିର୍ବାଚନ ।
୨୦ଟି ୱାର୍ଡକୁ ନେଇ ଗଠିତ ଭବାନୀପାଟଣା ପୌର ପରିଷଦରେ ୫୮ଟି ବୁଥ ମାଧ୍ୟମରେ ୫୭୭୧୧ ଜଣ ଭୋଟର ନିଜର ମତ ସାବ୍ୟସ୍ତ କରିବାକୁ ଥିବାବେଳେ ଧର୍ମଗଡ଼ ଏନଏସିର ୧୪ଟି ୱାର୍ଡରେ ୧୪ଟି ବୁଥ ମାଧ୍ୟମରେ ୧୨୫୫୧ ଜଣ ଭୋଟର ଦେବେ ଭୋଟ । ସେହିଭଳି ଜୁନାଗଡ଼ ଏନଏସିର ୧୨ଟି ୱାର୍ଡର ପାଇଁ ୧୮ ବୁଥରେ ୧୪୭୪3 ଜଣ ଭୋଟର ନିଜର ମତ ସାବ୍ୟସ୍ତ କରିବାକୁ ଥିବାବେଳେ କେସିଙ୍ଗା ଏନଏସିର ୧୨ଟି ୱାର୍ଡରେ ୧୭ଟି ବୁଥରେ ୧୪୨୦୫ ଜଣ ଭୋଟର ଦେବେ ଭୋଟ।
୨ ତାରିଖ ଠାରୁ ନାମାନଙ୍କ ପତ୍ର ଦାଖଲ ପ୍ରକ୍ରିୟା ଆରମ୍ଭ ହୋଇଥିବାବେଳେ ଏହା ଆସନ୍ତା ୭ ତାରିଖ ପର୍ଯ୍ୟନ୍ତ ଚାଲିବ । ଚଳିତ ନିର୍ବାଚନରେ ପ୍ରଥମ ଥର ପାଇଁ ପ୍ରତ୍ୟେକ୍ଷ ଅଧ୍ୟକ୍ଷ ନିର୍ବାଚନ ହେଉଥିବାବେଳେ ଏହାକୁ ଏଇ ରାଜନୈତିକ ମାହୋଲ ବେଶ ସରଗରମ ହେବାରେ ଲାଗିଛି । ପୌର ନିର୍ବାଚନରେ ଗଡ଼ ଜିତିବା ପାଇଁ ଆଶା ବାନ୍ଧିଛନ୍ତି ତିନି ପ୍ରମୁଖ ରାଜନୈତିକ ଦଳ ।
କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ
