ଜଗତସିଂହପୁର: ତିର୍ତ୍ତୋଲ ଉପନିର୍ବାଚନ ପାଇଁ ଆସନ୍ତାକାଲି(ମଙ୍ଗଳବାର) ଏସଭିଏମ କଲେଜ ପରିସରରେ ଭୋଟ ଗଣତି ଅନୁଷ୍ଠିତ ହେବ । ଯାହାକୁ ନେଇ ଆଜି(ସୋମବାର) ପୋଲିସ ପ୍ରଶାସନ ପକ୍ଷରୁ ପ୍ରସ୍ତୁତି ଚୂଡାନ୍ତ ପର୍ଯ୍ୟାୟରେ ପହଞ୍ଚିଛି । ଆସନ୍ତାକାଲି ସକାଳ 8ଟା ଠାରୁ ଭୋଟ ଗଣତି ଆରମ୍ଭ ହେବ ।
ଜିଲ୍ଲା ନିର୍ବାଚନ ଅଧିକାରୀ ସରୋଜ କୁମାର ମିଶ୍ରଙ୍କ ତତ୍ତ୍ବାବଧାନରେ ଭୋଟ ଗଣତି ପାଇଁ 2ଟି ହଲର ବ୍ୟବସ୍ଥା କରାଯାଇଥିବା ବେଳେ ପୋଷ୍ଟାଲ ବାଲଟ ଗଣତି ନିମନ୍ତେ ଗୋଟିଏ ହଲର ବ୍ୟବସ୍ଥା କରାଯାଇଛି । ଇଭିଏମ ଭୋଟ ଗଣତି ପାଇଁ 14ଟି ଟେବୁଲର ବ୍ୟବସ୍ଥା କରାଯାଇଥିବା ବେଳେ ପ୍ରତ୍ୟେକ ରାଉଣ୍ଡ ଗଣତି ପରେ ରିଟର୍ଣ୍ଣିଂ ଅଧିକାରୀ ଫଳାଫଳ ଘୋଷଣା କରିବେ । ତିର୍ତ୍ତୋଲ ବିଧାନସଭା ଉପନିର୍ବାଚନ ପାଇଁ 22 କାଉଣ୍ଟିଂ ସୁପରଭାଇଜାର ନିୟୋଜିତ ହୋଇଥିବାବେଳେ 22 ଜଣ କାଉଣ୍ଟିଂ ଆସିଷ୍ଟାଣ୍ଟ ଓ 24 ଜଣ ମାଇକ୍ରୋ ଅବଜରଭର ନିୟୋଜିତ କରାଯାଇଛି ।
ପୋଲିସ ବିଭାଗ ପକ୍ଷରୁ ତ୍ରୀସ୍ତରୀୟ ସୁରକ୍ଷା ବ୍ୟବସ୍ଥା ଗ୍ରହଣ କରାଯିବା ସହ 6 ପ୍ଲାଟୁନ ପୋଲିସ ଫୋର୍ସ ମୁତୟନ ହେବେ ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
