ଢେଙ୍କାନାଳ: ନବାଳିକାକୁ ଦୁଷ୍କର୍ମ ଉଦ୍ୟମ କରି ହତ୍ଯା କରିବା ଘଟଣାରେ ଦୋଷୀକୁ ଆଜୀବନ କାରାଦଣ୍ଡରେ ଦଣ୍ଡିତ କଲେ ଅତିରିକ୍ତ ଜିଲ୍ଲା ଦୌରାଜଜ୍ କୋର୍ଟ । ଜୀବନ ଥିବା ପର୍ଯ୍ୟନ୍ତ ଜେଲରେ ରହିବ ଦୋଷୀ । ଏହାସହ ଅଭିଯୁକ୍ତ ଜଗନକୁ ୩୦ ହଜାର ଟଙ୍କା ଜୋରିମାନା ମଧ୍ୟ ଦେବାକୁ ନିର୍ଦ୍ଦେଶ ଦିଆଯାଇଛି ।
ସୂଚନା ଅନୁସାରେ, ୨୦୨୦ମସିହା ଅକ୍ଟୋବର ୨୭ତାରିଖରେ ଢେଙ୍କାନାଳ ମୋଟଙ୍ଗା ଥାନା ଅଞ୍ଚଳରେ ଏକ ନାବାଳିକା ଏକାକୀ ଘରେ ଥିବା ବେଳେ ଦୁଷ୍କର୍ମ ଉଦ୍ୟମ କରିଥିଲା କୁରୁଣ୍ଟି ଗାଁର ଜଗନ ଜେନା । ତେବେ ଏଥିରେ ବିଫଳ ହେବାରୁ ନାବିଳିକାର ତଣ୍ଟି ଚିପି ହତ୍ୟା କରିଥିଲା ଜଗନ । ଏହି ଘଟଣାକୁ ଭିନ୍ନ ମୋଡ ଦେବା ପାଇଁ ଉକ୍ତ ନାବାଳିକାର ବେକରେ ଲୁଗା ଲଗାଇ ଘର କଡ଼ିରେ ଟାଙ୍ଗି ଦେଇ ଚାଲିଯାଇଥିଲା ଅଭିଯୁକ୍ତ ଜଗନ । ଏହି ଘଟଣାର ଆଜି(ସୋମବାର) ରାୟ ଶୁଣାଇଛନ୍ତି ଅତିରିକ୍ତ ଜିଲ୍ଲା ଦୌରାଜଜ୍ । ମୋଟଙ୍ଗା ଥାନା ଅନ୍ତର୍ଗତ କୁରୁଣ୍ଟି ଗ୍ରାମର ଅଭିଯୁକ୍ତ ଜଗନ ଜେନାକୁ ଆଜୀବନ କାରାଦଣ୍ଡ ସହ ୩୦ହଜାର ଟଙ୍କା ଜରିମାନା ଦେବାକୁ ନିର୍ଦ୍ଦେଶ ଦେଇଛନ୍ତି ଅତିରିକ୍ତ ଜିଲ୍ଲା ଦୌରାଜଜ୍ ।
ଇଟିଭି ଭାରତ, ଢେଙ୍କାନାଳ
