କଟକ: ଆରମ୍ଭ ହେଲା ରାଜ୍ୟସ୍ତରୀୟ ରାଙ୍କିଙ୍ଗ ଟେବୁଲ ଟେନିସ ପ୍ରତିଯୋଗିତା । ଏହି ପ୍ରତିଯୋଗିତା ଜବାହାର ଲାଲ ଇଣ୍ଡୋର ଷ୍ଟାଡିୟମରେ ଆରମ୍ଭ ହୋଇଛି । ରାଜ୍ୟ ସ୍ତରୀୟ ଟେବୁଲ୍ ଟେନିସ ପ୍ରତିଯୋଗିତା ସହ ଆନ୍ତସ୍କୁଲ ପ୍ରତିଯୋଗିତା ଆରମ୍ଭ ହୋଇଛି । ଏହା ଆଜିଠୁ ଆରମ୍ଭ ହୋଇ 16 ତାରିଖ ପର୍ଯ୍ୟନ୍ତ ଖେଳାଯିବ । ଏହି ପ୍ରତିଯୋଗିତାରେ 250ରୁ ଊର୍ଦ୍ଧ୍ବ ଖେଳାଳି ଅଂଶ ଗ୍ରହଣ କରିଛନ୍ତି ।
ଆରମ୍ଭ ହେଲା ରାଜ୍ୟ ସ୍ତରୀୟ ଟେବୁଲ ଟେନିସ ପ୍ରତିଯୋଗୀତା
ଉଦଘାଟନୀ କାର୍ଯ୍ୟକ୍ରମରେ ସିଏମସି କମିଶନର ଓ ଓଡିଶା ଟେବୁଲ ଟେନିସ ସଂଘର ସଭାପତି ତଥା ଓଡିଶା ସରକାରଙ୍କ ଗ୍ରାମାଞ୍ଚଳ ଉନ୍ନୟନ ଏବଂ ସରକାରଙ୍କ ସୂଚନା ବିଭାଗର ସଚିବ ସଞ୍ଜୟ ସିଂ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ତେବେ ନିକଟରେ ଅନୁଷ୍ଠିତ ରାଜ୍ୟ ଗୋଷ୍ଠି କ୍ରୀଡାରେ ଭାରତର ସଫଳତା ପ୍ରତ୍ୟେକ ଖେଳାଳିମାନଙ୍କୁ ପ୍ରୋତ୍ସାହନ ଯୋଗାଇବ । ଏଥିସହ ପ୍ରତ୍ୟେକ ଖେଳାଳି କଠିନ ପରିଶ୍ରମ କରି ନିଜକୁ ଜାତୀୟ ଆନ୍ତର୍ଜାତୀୟ ସ୍ତରର ଖେଳାଳି ପାଇଁ ପ୍ରଚେଷ୍ଟା ଜାରି ରଖନ୍ତୁ ବୋଲି ସୂଚନା ବିଭାଗର ସଚିବ ସଞ୍ଜୟ ସିଂ କହିଛନ୍ତି ।
