କଟକ: ରାଜନୀତି ପରେ କ୍ରୀଡାରେ ବବିଙ୍କ ପ୍ରବେଶ । ଓସିଆ ନିର୍ବାଚନରେ ଭୋଟ ଦେବେ ଯାଜପୁର ବିଧାୟକ ପ୍ରଣବ ପ୍ରକାଶ ଦାସ । ଏନେଇ ଓସିଏ ନିର୍ବାଚନ ଭୋଟର ଲିଷ୍ଟରେ ତାଙ୍କର ନାମ ପ୍ରକାଶ ପାଇଛି । ତେବେ ରାଜନୀତି ପରେ କ୍ରୀଡାରେ ବବିଙ୍କ ସକ୍ରିୟତାକୁ ନେଇ ଆରମ୍ଭ ହୋଇଯାଇଛି ଆଲୋଚନା ଓ ପର୍ଯ୍ୟାଲୋଚନା ।
ରାଜନୀତି ପରେ ଏବେ କ୍ରୀଡା ଦୁନିଆରେ ନିଜର ଦବଦବା ଜାହିର କରିବାକୁ ଚେଷ୍ଟା ଚଳାଇଛନ୍ତି ପ୍ରଣବ ପ୍ରକାଶ ଦାସ ଓରଫ ଯାଜପୁର ବିଧାୟକ ବବି ଦାସ । ଆଗକୁ ଆସୁଛି ଓସିଏ ନିର୍ବାଚନ । ଏନେଇ ପ୍ରକାଶ ପାଇଛି ଭୋଟର ତାଲିକା । ତେବେ ଏହି ଭୋଟର ତାଲିକାରେ ବିଧାୟକ ପ୍ରଣବ ପ୍ରକାଶଙ୍କ ନାମ ରହିଛି ବୋଲି ସୂଚନା ରହିଛି । ସେ ଯାଜପୁର ଜିଲ୍ଲା ପ୍ରତିନିଧି ହିସାବରେ ଓସିଏ ନିର୍ବାଚନରେ ଭୋଟ ଦେବେ । ତେବେ ବବି ଦାସଙ୍କ ଓଡିଶା କ୍ରିକେଟ ଆସୋସିଏସନରେ ଏଣ୍ଟ୍ରିକୁ ନେଇ ବୁଦ୍ଧିଜୀବୀ ମହଲରେ ଆରମ୍ଭ ହୋଇଯାଇଛି ଆଲୋଚନା ଓ ପର୍ଯ୍ୟାଲୋଚନା ।
ଶାସକ ଦଳର ଜଣେ ଟାଣୁଆ ନେତା ଓସିଏରେ ପ୍ରବେଶ କରିବା ନେଇ କ୍ରୀଡା ମହଲରେ ହଇଚଇ ସୃଷ୍ଟି କରିଛି । ଓସିଏରେ ବବିଙ୍କ ପ୍ରବେଶ ନିଶ୍ଚୟ କିଛି ପରିବର୍ତ୍ତନର ଆଭାସ ମିଳୁଛି ବୋଲି କହିଛନ୍ତି ବୁଦ୍ଧିଜୀବୀ । ତେବେ ଏହି ପ୍ରସଙ୍ଗରେ ପ୍ରତିକ୍ରିୟା ରଖିଛନ୍ତି ପୂର୍ବତନ ଓସିଏ ସଦସ୍ୟ ବ୍ରଜ ନନ୍ଦ । ବବିଙ୍କ ଏଣ୍ଟ୍ରି ଓସିଏର ବିକାଶ ପାଇଁ ଏକ ଗ୍ରୀନ ସିଗ୍ନାଲ ଦେଉଥିଲା ବେଳେ ଅନ୍ୟପଟେ ଏହା କ୍ରୀଡା ମଧ୍ୟରେ ରାଜନୀତିକୁ ପ୍ରବେଶ ବୋଲି କହିଛନ୍ତି ପୂର୍ବତନ ଓସିଏ ସଦସ୍ୟ ।
ଇଟିଭି ଭାରତ, କଟକ
