କଟକ: ଏକ ଅଟୋରେ ବିପୁଳ ପରିମାଣର ଗଞ୍ଜେଇ ଚାଲାଣ ବେଳେ ଧରିଲା ଚାଉଳିଆଗଞ୍ଜ ପୋଲିସ । କଟକ ଶିଖରପୁର ଅଞ୍ଚଳରୁ ନେହେରୁପଲି ଅଞ୍ଚଳକୁ ଏକ ଅଟୋରେ ବିପୁଳ ପରିମାଣର ଗଞ୍ଜେଇ ନେଉଥିଲା ବେଳେ ପୋଲିସ ହାତରେ ଧରାପଡିଛି ।
ଏହାସହ ଗଞ୍ଜେଇ ବେପାରୀ ପବନ ଡୋରାକୁ ଗିରଫ କରିଛି ପୋଲିସ । ସିଧାସଳଖ ଅଟୋକୁ ଅଟକାଇ ଡ଼ୋରାକୁ ଗିରଫ କରିବା ସହ 41 କେଜି ଗଞ୍ଜେଇ ଜବତ କରିଛି ପୋଲିସ। ଏହାସହ ଅଟୋ ବି ଜବତ କରିଛି ପୋଲିସ । ଅନ୍ୟପଟେ ଅଟୋରେ ଥିବା ଆଉ 2 ଜଣ ଦୁର୍ବୃତ୍ତ ଘଟଣାସ୍ଥଳରୁ ଚମ୍ପଟ ମାରିଥିବା ଜଣାପଡିଛି ।
ଉଭୟଙ୍କୁ ଧରିବାକୁ ପୋଲିସ ତଦନ୍ତ ଚଲାଇଛି । ତେବେ ପବନ ଡୋରାକୁ ପୋଲିସ ଗିରଫ କରିବା ପରେ ଆଜି(ମଙ୍ଗଳବାର) ଡୋରାକୁ କୋର୍ଟ ଚାଲାଣ କରିଛି ଚଉଳିଆଗଞ୍ଜ ଥାନା ପୋଲିସ ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
