ଭଦ୍ରକ: ରାଜ୍ୟବ୍ୟାପୀ ଲାଗି ରହିଛି ଚାଷୀଙ୍କ ଧାନ କ୍ରୟ ସମସ୍ୟା । ସେହିପରି ଭଦ୍ରକ ଭଣ୍ଡାରିପୋଖରୀ ବ୍ଲକରେ ସମାନ ସ୍ଥିତି ସୃଷ୍ଟି ହୋଇଛି । ସେବା ସମବାୟ ସମିତିରେ ଧାନ ବିକ୍ରି କରିପାରୁନାହାନ୍ତି ଚାଷୀ । ଏଣୁ ଶେଷରେ ବାଧ୍ୟ ହୋଇ ଚାଷୀମାନେ ଧାନ ବୋଝେଇ ଗାଡି ରଖି ରାଜପଥ ଅବରୋଧ କରିଛନ୍ତି ।
ଧାନ ବିକ୍ରି ସମସ୍ୟା, ଧାନ ବସ୍ତା ସହ ରାଜରାସ୍ତାରେ ଚାଷୀ
ଭଣ୍ଡାରିପୋଖରୀ ବ୍ଲକରେ ବିଭିନ୍ନ ସେବା ସମବାୟ ସମିତି ଓ ସ୍ବୟଂ ସହାୟକ ଗୋଷ୍ଠୀ ପକ୍ଷରୁ ଚାଷୀଙ୍କ ନିକଟରୁ ଧାନ କିଣା ଚାଲିଛି । କିନ୍ତୁ ଟୋକନ ଧାର୍ଯ୍ୟ ସମୟ ଗଡି ଯାଇଥିଲେ ମଧ୍ୟ, ଚାଷୀମାନେ ଧାନ ବିକ୍ରୟ କରିପାରୁନଥିବା ଅଭିଯୋଗ ହୋଇଛି । ଫଳରେ ବିଭିନ୍ନ ପଞ୍ଚାୟତର ଚାଷୀମାନେ ଭଣ୍ଡାରିପୋଖରୀ ଛକ ନିକଟରେ ଧାନ ବସ୍ତା ରଖି ରାସ୍ତା ଅବରୋଧ କରିଛନ୍ତି । ଖବର ପାଇ ଘଟଣାସ୍ଥଳରେ ଭଣ୍ଡାରିପୋଖରୀ ପୋଲିସ ପହଞ୍ଚି ଚାଷୀଙ୍କୁ ବୁଝାସୁଝା କରୁଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
