ବରଗଡ଼: ସରକାରଙ୍କ ସ୍କୁଲ ଉଚ୍ଛେଦର ପ୍ରଭାବ ପଞ୍ଚାୟତ ନିର୍ବାଚନରେ ଦେଖିବାକୁ ମିଳିଛି | 'ସ୍କୁଲ ନାହିଁ ତ ଭୋଟ ନାହିଁ' ଏପରି ନାରା ଲଗାଇ ଗ୍ରାମରେ ଅତାବିରା ବ୍ଲକ ଅନ୍ତର୍ଗତ କେନ୍ଦୁପାଲି ଗ୍ରାମବାସୀ ପ୍ରତିବାଦ କରିଛନ୍ତି |
ବରଗଡ଼ ଜିଲ୍ଲା କେନ୍ଦୁପାଲି ଗ୍ରାମରେ ଥିବା ବିଦ୍ୟାଳୟକୁ ଉଚ୍ଛେଦ ନକରିବାକୁ ପ୍ରଶାସନ ପାଖରେ ବାରମ୍ବାର ନିବେଦନ କରିଥିଲେ ଗ୍ରାମବାସୀ। ହେଲେ ସେମାନଙ୍କ କଥା କେହି ଶୁଣିନଥିଲେ । ଯାହାଫଳରେ ବର୍ତ୍ତମାନ ଏହାର ପ୍ରଭାବ ପଞ୍ଚାୟତ ନିର୍ବାଚନ ଉପରେ ପଡ଼ିଛି। ନିର୍ବାଚନ ସମୟରେ ଗ୍ରାମବାସୀ ଉଚିତ ଜବାବ ଦେବାକୁ ଅଣ୍ଟା ଭିଡିଛନ୍ତି |
ସୂଚନା ଅନୁଯାୟୀ ଅତାବିରା ବ୍ଲକ ଅନ୍ତର୍ଗତ କେନ୍ଦୁପାଲି ଗ୍ରାମରେ ଦୀର୍ଘ ବର୍ଷରୁ ବହୁ ପୁରୁଣା ୟୁପି ସ୍କୁଲ ରହିଥିଲା । ତେବେ ଗ୍ରାମ ନିକଟରେ ଅନ୍ୟ ସ୍କୁଲ ନଥାଇ ମଧ୍ୟ ସ୍କୁଲକୁ ବନ୍ଦ କରିଦିଆଯାଇଛି। ସରକାରଙ୍କ 5T ଯୋଜନା ଅନୁଯାୟୀ ଦୂରରେ ଥିବା ଏକ ସ୍କୁଲ ସହିତ ମିଶାଇ ଦିଆଯାଇଛି । ଯାହାକୁ ଗ୍ରାମବାସୀ ବିରୋଧ କରିଛନ୍ତି । ଏବଂ ସ୍କୁଲ ନାହିଁ ତ ଭୋଟ ବି ନାହିଁ ନାରା ଦେଇ ପ୍ରତିବାଦ ଜଣାଇଛନ୍ତି |
ବରଗଡ଼ରୁ ରାଜେଶ ସରାପ, ଇଟିଭି ଭାରତ
