ବରଗଡ: ଟାଉନ ଥାନା ହାଜତ ମୃତ୍ୟୁ ଘଟଣା । ପୁଣି ଅଶାନ୍ତ ହେଲା ବରଗଡ଼ ସହର । ଗୋବିନ୍ଦ ମୃତ୍ୟୁ ଘଟଣାକୁ ମାସେ ବିତି ଯାଇଥିଲେ ସୁଦ୍ଧା ପୋଲିସ ହତ୍ୟାକାରୀମାନଙ୍କ ବିରୋଧରେ କୌଣସି FIR ରୁଜୁ କରିନାହିଁ । ଯାହାକୁ ନେଇ ବରଗଡ଼ ସହରରେ ତୀବ୍ର ଅସନ୍ତୋଷ ଦେଖା ଦେଇଛି ।
ଟାଉନଥାନା ହାଜତ ମୃତ୍ୟୁ ଘଟଣାକୁ ମାସେ, ଏବେବି ପୋଲିସ ହାତ ଖାଲି
ସୂଚନାମୁତାବକ, ବରଗଡ଼ ଟାଉନ ଥାନା ଅନ୍ତର୍ଗତ ତୋରା ଗ୍ରାମର ଗୋବିନ୍ଦ କୁମ୍ଭାରଙ୍କୁ ବିଳମ୍ବିତ ରାତ୍ରିରେ ପୋଲିସ ଘରୁ ଉଠାଇ ଆଣିଥିବା ବେଳେ ସକାଳେ ହାଜତରେ ତାଙ୍କର ମୃତ୍ୟୁ ହୋଇଥିଲା । ତେବେ ଏନେଇ ବାରମ୍ବାର ଆନ୍ଦୋଳନ ସତ୍ତ୍ବେ ଅପରାଧୀଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉନାହିଁ । ଯାହାକୁ ନେଇ ଜନସାଧାରଣଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖାଦେଇଛି ଏବଂ କୋଶଲ ସେନା ପକ୍ଷରୁ ଆମରଣ ଅନଶନ ଜାରିରହିଛି ।
ଅନ୍ୟପଟେ ଜିଲ୍ଲା କଂଗ୍ରେସ ମଧ୍ୟ ରାସ୍ତାରେ ନିଆଁ ଜାଳି ରାସ୍ତା ଅବରୋଧ କରିଛି । ଯଦ୍ବାରା ଗାଡ଼ି ଚଳାଚଳ, ଯାତାୟତ ସମ୍ପୁର୍ଣ୍ଣ ଠପ୍ ହୋଇଯାଇଛି ।
ବରଗଡ଼ରୁ ରାଜେଶ ସରାପ, ଇଟିଭି ଭାରତ
