ବଲାଙ୍ଗୀର: ଜିଲ୍ଲାର ଦେଓଗାଁ ଥାନା ଅନ୍ତର୍ଗତ ସିଲେଟ କାନି ଗ୍ରାମରେ ଗତ 12ମାସ ପୂର୍ବରୁ ଜଣେ ନାବାଳକକୁ ହତ୍ୟା ହୋଇଥିଲା । ଘଟଣାକୁ 12ମାସ ବିତି ଯାଇଥିଲେ ବି ପୋଲିସ ହାତ ଖାଲି । ଜିଲ୍ଲାପାଳଙ୍କୁ ଦ୍ବାରସ୍ତ ହୋଇଛନ୍ତି ପରବାର ଲୋକ ।
ସୂଚନାଅନୁସାରେ,ସିଲେଟ କାନି ଗ୍ରାମର ଉଗ୍ରେସନ ବଗର୍ତ୍ତିଙ୍କ 11 ବର୍ଷର ପୁଅ ବାବୁଲା ବଗର୍ତ୍ତି ଗତ ଜାନୁଆରୀ 22 ତାରିଖରେ ଶୌଚ ହେବାକୁ ଯାଇ ଆଉ ଘରକୁ ଫେରି ନଥିଲେ । ଘର ଲୋକ ବହୁତ ଖୋଜାଖୋଜି କରିଥିଲେ ହେଲେ ପାଇ ନଥିଲେ । ଘଟଣାର 14ଦିନ ପରେ ବାବୁଲା ବଗର୍ତ୍ତିର ମୃତଦେହ ନଦୀ ବାଲିରେ ପୋତା ହୋଇଥିବା ଆବସ୍ଥାରେ ଉଦ୍ଦାର ହୋଇଥିଲା । ଯାହାକୁ ନେଇ ପରିବାର ଲୋକେ ତାକୁ ଗୁପ୍ତ ଧନ ଆଶାରେ ବଳି ଦେଇ ହତ୍ୟା କରାଯାଇ ଥିବା ଅଭିଯୋଗ ଆଣିଥିଲେ।
ତେବେ ଘଟଣାକୁ 12ମାସ ପୂରିବାକୁ ବସିଲାଣି ହେଲେ ପୋଲିସ ପରିବାରଙ୍କ ଅଭିଯୋଗ ପୋଲିସ ଶୁଣି ନଥିବା ପରିବାର ଅଭିଯୋଗ ହୋଇଛି । ଅଭିଯୋଗ ପରେ ପୋଲିସ ତଦନ୍ତ ଆରମ୍ଭ କରିଥିଲେ ହେଁ ଘଟଣାର ଟେର ପାଉନାହିଁ । ଅନ୍ୟପଟେ ନ୍ୟାୟ ପାଇଁ ପରିବାର ଲୋକେ ଜିଲ୍ଲାପାଳଙ୍କ ଦ୍ବାରସ୍ଥ ହେବା ସହ ଦୋଷୀଙ୍କୁ ଗିରଫ କରିବାକୁ ଦାବି କରିଛନ୍ତି ।
ବଲାଙ୍ଗୀରରୁ ଶେଖ୍ ମହମ୍ମଦ ୱାହିଦ, ଇଟିିଭି ଭାରତ
