ଦୁବାଇ: ଅନ୍ତର୍ଜାତୀୟ କ୍ରିକେଟ ପରିଷଦର ବଡ ଘୋଷଣା । ଆସନ୍ତା ମାସରେ ଇଂଲଣ୍ଡରେ ଖେଳାଯିବାକୁ ଥିବା ଆଇସିସି ବିଶ୍ବ ଟେଷ୍ଟ ଚମ୍ପିଆନସିପ ଫାଇନାଲ ମ୍ୟାଚ ଯଦି ବିନା ଫଳାଫଳ କିମ୍ବା ଅମୀଂମାସିତ ଭାବେ ଶେଷ ହୁଏ, ତେବେ ଉଭୟ ଟିମକୁ ଯୁଗ୍ମ ବିଜେତା ଘୋଷିତ କରାଯିବ । ଅର୍ଥାତ ଭାରତ ଓ ନ୍ୟୁଜିଲାଣ୍ଡ ଉଭୟ ବିଜେତା ହେବେ । ଏନେଇ ଶୁକ୍ରବାର ଆଇସିସି ଘୋଷଣା କରିଛି ।
ଜୁନ 18ରୁ 22 ସାଉଥମ୍ପଟନର ହାମ୍ପସାୟର ବାୱଲରେ WTC ଫାଇନାଲ ମୁକାବିଲା ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ଖେଳାଯିବ । ଜୁନ 23କୁ ରିଜର୍ଭ ଦିନ ରଖାଯାଇଛି ।
ପାଞ୍ଚ ଦିନ ସଂପୂର୍ଣ୍ଣ ଖେଳକୁ ସୁନିଶ୍ଚିନ୍ତ କରିବାକୁ ରିଜର୍ଭ ଦିନ ରହିଛି । ତେବେ 5 ଦିନର ସଂପୂର୍ଣ୍ଣ ଖେଳ ପରେ ମ୍ୟାଚର ଫଳାଫଳ ନିର୍ଣ୍ଣୟ ନହେଲେ ଅତିରିକ୍ତ ଦିନ ଖେଳ ହେବ ନାହିଁ ବରଂ ମ୍ୟାଚକୁ ଡ୍ର ବୋଲି ଘୋଷଣା କରାଯିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
