ହାଇଦ୍ରାବାଦ: କ୍ରିକେଟ ମହାକୁମ୍ଭ ବିଶ୍ବକପ 2023ର ଆଜି ଫାଇନାଲ ମୁକାବିଲା ଖେଳାଯିବ । ସୁପର ସଣ୍ଡେରେ ହେବ ସୁପର ଫାଇଟ । ଆଉ କିଛି ଘଣ୍ଟାର ଅପେକ୍ଷା । ଅହମ୍ମଦାବାଦରେ ନରେନ୍ଦ୍ର ମୋଦି ଷ୍ଟାଡିୟମରେ ଭାରତ ଓ ଅଷ୍ଟ୍ରେଲିଆ ମଧ୍ୟରେ ଫାଇନାଲ ମ୍ୟାଚ୍‌ ଖେଳାଯିବ । ବିଶ୍ବକପ 2023 ଫାଇନାଲ ପୂର୍ବରୁ ଇଟିଭି ଭାରତକୁ ସାକ୍ଷାତକାର ଦେଇଛନ୍ତି ପୂର୍ବତନ କ୍ରିକେଟର ୟଜୁରବିନ୍ଦ୍ର ସିଂହ । ବୋଲରଙ୍କ ଆହତ ସମସ୍ୟା ଉପରେ ଆଲୋକପାତ କରିଛନ୍ତି ପୂର୍ବତନ କ୍ରିକେଟର । ସେ ସହିଛନ୍ତି ଯଦି ଫ୍ରଣ୍ଟ ଲାଇନ ପେସ୍ ବୋଲର ଆହତ ହୁଅନ୍ତି ତେବେ ଭାରତକୁ ସଂଘର୍ଷ କରିବାକୁ ପଡ଼ିବ । ଭାରତର 6 ନମ୍ବର ବୋଲିଂ ବିକଳ୍ପର ଅଭାବ ଫାଇନାଲରେ କ୍ଷତି ପହଞ୍ଚାଇପାରେ ।

ଇଟିଭି ଭାରତକୁ ସାକ୍ଷାତକାର ଦେଇ ସେ କହିଛନ୍ତି, "ଚଳିତ ସଂସ୍କରଣରେ ଭାରତର ଦମଦାର ପ୍ରଦର୍ଶନ ଦେଖିବାକୁ ମିଳିଛି । ଅଧିନାୟକ ରୋହିତ ଶର୍ମାଙ୍କ ନେତୃତ୍ବାଧୀନ ଟିମ୍ ଇଣ୍ଡିଆ ଅପରାଜେୟ ରହି ଫାଇନାଲରେ ପ୍ରବେଶ କରିଛି । ସମସ୍ତ ମ୍ୟାଚରେ ରୋହିତଙ୍କର ଭଲ ଅଧିୟନାକତ୍ବ ଦେଖିବାକୁ ମିଳିଥିଲା । ମ୍ଯାନ ଇନ ବ୍ଲ୍ୟୁ ଲିଗ ପର୍ଯ୍ୟାୟଠୁ ନେଇ ସେମିଫାଇନାଲ ସମସ୍ତ ମ୍ୟାଚରେ ବିଜୟୀ ହୋଇଛି । ବିଶ୍ବକପ ପାଇଁ ଆଉ ଗୋଟିଏ ପାଦ ବାକି ରହିଛି । ଫାଇନାଲ ମ୍ୟାଚ୍‌ରେ ଯଦି ଭାରତର ଫ୍ରଣ୍ଟ ଲାଇନ ବୋଲର ଅର୍ଥାତ ପେସ୍‌ ବୋଲର ଆହତ ହୁଅନ୍ତି ତେବେ ଭାରତ ପାଇଁ ସମସ୍ୟା ସୃଷ୍ଟି ହୋଇପାରେ । 6 ନମ୍ବର ବୋଲିଂ ବିକଳ୍ପର ଅଭାବରୁ ଭାରତକୁ ଟ୍ରଫି ଟକ୍କରରେ ଅସୁବିଧା ହୋଇପାରେ ।"

ଏହା ବି ପଢନ୍ତୁ...ବିଶ୍ବକପ୍‌ ୨୦୨୩: ଚମ୍ପିଆନ୍‌ ଦଳର ସବୁ ଖେଳାଳି ହେବେ କୋଟିପତି, ହାରିଥିବା ଦଳ ଉପରେ ବି ହେବ ଟଙ୍କା ବର୍ଷା

ସେ ଆହୁରି କହିଛନ୍ତି,"ବିଶ୍ବକପ ଟୁର୍ଣ୍ଣାମେଣ୍ଟରେ ଭାରତର ପ୍ରଦର୍ଶନକୁ ବିଚାରକୁ ନେଲେ ମ୍ୟାଚ୍‌ ଜିତିବାକୁ ଦଳକୁ ଷଷ୍ଠ ବୋଲିଂ ବିକଳ୍ପର ଆବଶ୍ୟକତା ନାହିଁ । କିନ୍ତୁ ଦଳର ପାଞ୍ଚ ଜଣ ବୋଲରଙ୍କ ମଧ୍ଯରୁ ଜଣେ ବି ଆହତ ହେଲେ ଫାଇନାଲରେ ଭାରତ ପାଇଁ ସମସ୍ୟା ସୃଷ୍ଟି ହୋଇପାରେ । ଆଶା କରୁଛୁ କେହି ଆହତ ନହୁଅନ୍ତୁ । ଆହତ ସମସ୍ୟା ହେଲେ ଷଷ୍ଠ ବୋଲିଂ ବିକଳ୍ପର ଅଭାବ ମ୍ୟାଚ ଫଳାଫଳକୁ ପ୍ରଭାବିତ କରିପାରେ ।"

ଅଧିନାୟକ ରୋହିତ ଶର୍ମାଙ୍କ ପ୍ରଦର୍ଶନକୁ ନେଇ ସେ କହିଛନ୍ତି, ଆରମ୍ଭରୁ ରୋହିତ ଶର୍ମା ଦଳକୁ ଏକ ଭଲ ଷ୍ଟାର୍ଟ ଦେଉଛନ୍ତି । ସ୍କୋର୍‌ ବୋର୍ଡରେ ଦଳୀୟ ସ୍କୋରକୁ ଏକ ମଜଭୁତ ସ୍ତରରେ ପହଞ୍ଚାଇବାରେ ତାଙ୍କ ରଣନୀତି ଏକ ପ୍ରମୁଖ ଭୂମିକା ଗ୍ରହଣ କରିଛି । ଅନ୍ୟ ବ୍ୟାଟ୍ସମ୍ୟାନଙ୍କୁ ସ୍ବାଧୀନତାର ସହ ଖେଳିବାକୁ ସେ ପ୍ରେରଣା ଦେଇଛନ୍ତି । ଭାରତୀୟ ଦଳ ପାଇଁ ରୋହିତଙ୍କ ପ୍ଲାନ ବହତୁ ଭଲ କାମ କରୁଛି । ମଧ୍ୟଭାଗରେ ରୋହିତଙ୍କ ନିଷ୍ପତ୍ତି ଫଳପ୍ରଦ ହେବ । 1996 ବିଶ୍ବକପରେ ଶ୍ରୀଲଙ୍କା ସମାନ ରଣନୀତି କରିଥିଲା । ଯଦି ରୋହତି ଶର୍ମା ଏହିପରି ପ୍ରଦର୍ଶନ କରନ୍ତି ତେବେ ମ୍ୟାଚ ଭାରତ ପକେଟକୁ ଆସିପାରେ ।"

ଏହା ବି ପଢନ୍ତୁ...ବିଜେପି ନେତାଙ୍କ ବଡ ଘୋଷଣା, ଭାରତ ବିଶ୍ବକପ ଜିତିଲେ ପ୍ରତି କ୍ରିକେଟରଙ୍କୁ ପ୍ରଦାନ କରିବେ ପ୍ଲଟ୍‌

ଷ୍ଟାର୍‌ ବ୍ୟାଟର ବିରାଟ କୋହଲି ଏହି ଟୁର୍ଣ୍ଣାମେଣ୍ଟରେ ଟପ ରନର୍‌ ରହିଛନ୍ତି । ସର୍ବାଧିକ ଦିନିକିଆ ଶତକ କରି ସଚିନ ତେନ୍ଦୁଲକରଙ୍କ ରେକର୍ଡ ଭାଙ୍ଗିଛନ୍ତି । ଫାଇନାଲ ମ୍ୟାଚରେ ତାଙ୍କ ପ୍ରଦର୍ଶନ ଉପରେ ନଜର ରହିବ ବୋଲି କହିଛନ୍ତି ୟଜୁରବିନ୍ଦ୍ର ସିଂହ ।

ୟଜୁରବିନ୍ଦ୍ର ସିଂହ ଭାରତୀୟ ଦଳ ପାଇଁ 4ଟି ଟେଷ୍ଟ ମ୍ୟାଚ ଖେଳିଛନ୍ତି । ଏହା ସହିତ ଘରୋଇ କ୍ରିକେଟରେ ସୌରାଷ୍ଟ୍ର ଟ୍ରଫି ମ୍ୟାଚ ଖେଳିଛନ୍ତି ।