ହାଇଦ୍ରାବାଦ: ଅଗଷ୍ଟ 1ରୁ ଆରମ୍ଭ ହୋଇଛି ଆଇସିସି ବିଶ୍ବ ଟେଷ୍ଟ ଚମ୍ପିଆନସିପ । ଏଥିରେ ଟେଷ୍ଟ ଜର୍ସିରେ ନୂଆକରି ନମ୍ବର ସହିତ ଖେଳାଳିଙ୍କ ନାମ ସ୍ଥାନ ପାଇଥିଲା । ଐତିହାସିକ ଆସେସ ଟେଷ୍ଟରେ ଇଂଲଣ୍ଡ ଏ ଅଷ୍ଟ୍ରେଲିଆ ଦଳ ଏହି ନୂଆ ଜର୍ସିରେ ନଜର ଆସିଥିଲେ । ପରେ ଶ୍ରୀଲଙ୍କା ଓ ନ୍ୟୁଜିଲାଣ୍ଡ ମଧ୍ୟରେ ଖେଳାଯାଉଥିବା ଟେଷ୍ଟ ସିରିଜରେ ମଧ୍ୟ ଏହି ନମ୍ବର ସହିତ ଜର୍ସିରେ ନାମ ରହିଥିଲା ।
ତେବେ ଭାରତ-ୱେଷ୍ଟଇଣ୍ଡିଜ ଟେଷ୍ଟ ସିରିଜ ପୂର୍ବରୁ ଭାରତୀୟ ଖେଳାଳି ଏଭଳି ଜର୍ସିରେ ପ୍ରଥମ କରି ନଜର ଆସିଛନ୍ତି । ୱେଷ୍ଟଇଣ୍ଡିଜ-ଏ ଓ ଭାରତ ମଧ୍ୟରେ ଖେଳାଯାଉଥିବା ଅଭ୍ୟାସ ମ୍ୟାଚରେ ଭାରତୀୟ ଖେଳାଳିଙ୍କୁ ଏହି ଜର୍ସିରେ ଦେଖିବାକୁ ମିଳିଛି ।
