ଦୁବାଇ: ଅନ୍ତର୍ଜାତୀୟ କ୍ରିକେଟ ପରିଷଦର ତାଜା ଟେଷ୍ଟ ମାନ୍ୟତା ଅନୁସାରେ ଅଧିନାୟକ ବିରାଟ କୋହଲିଙ୍କ ସ୍ଥାନ 2ୟ ସ୍ଥାନରେ ଅପରିବର୍ତ୍ତିତ ରହିଛି । କିନ୍ତୁ ଭାରତୀୟ ବୋଲର ଜୟପ୍ରୀତ ବୁମରା ଗୋଟିଏ ସ୍ଥାନ ତଳକୁ ଖସି 9ମ ସ୍ଥାନରେ ରହିଛନ୍ତି ।
କୋହଲି 886 ଅଙ୍କ ସହ 2ୟ ସ୍ଥାନରେ ଥିବାବେଳେ ଚେତେଶ୍ବର ପୂଜାରା (766) ଓ ରାହାଣେ(726) ବ୍ୟାଟ୍ସମ୍ୟାନ ସୂଚୀରେ କ୍ରମଶଃ 8ମ ଓ 10ମ ସ୍ଥାନରେ ରହିଛନ୍ତି । ଅଷ୍ଟ୍ରେଲିଆ ଖେଳାଳି ଷ୍ଟିଭ ସ୍ମିଥ ପ୍ରଥମ ସ୍ଥାନରେ ରହିଛନ୍ତି ।
ସେହିପରି ବୋଲରଙ୍କ ସୂଚୀରେ 9ମ ସ୍ଥାନରେ ବୁମରା ଥିବାବେଳେ ଜଡେଜା ଅଲରାଉଣ୍ଡରଙ୍କ ସୂଚୀରେ 3ୟ ସ୍ଥାନରେ ଅପରିବର୍ତ୍ତିତ ରହିଛନ୍ତି ।
ତେବେ ଆଇସିସି ବିଶ୍ବ ଟେଷ୍ଟ ଚମ୍ପିଆନସିପ ତାଲିକାରେ ଭାରତ 360 ଅଙ୍କ ସହ ଶୀର୍ଷରେ ରହିଛି । ଭାରତ ତଳକୁ ଅଷ୍ଟ୍ରେଲିଆ (296) ରହିଥିବାବେଳେ 3ୟ ସ୍ଥାନରେ ଇଂଲଣ୍ଡ ରହିଛି ।
