ହାଇଦ୍ରାବାଦ: ଭାରତ ବିପକ୍ଷ ଦ୍ବିତୀୟ ଟେଷ୍ଟ ପାଇଁ ଇଂଲଣ୍ଡ ଦଳ ଘୋଷଣା । ଦଳକୁ ଫେରିଲେ ବେନ ଫୋକ୍ସ, ମୋଇନ ଅଲୀ, କ୍ରିସ ଓର୍କ୍ସ, ଷ୍ଟୁଆର୍ଟ ବ୍ରଡ ଓ ଓଲି ଷ୍ଟୋନ । ବ୍ୟାଟ୍ସମ୍ୟାନ ଭାବେ ଖେଳିବେ ଜନୀ ବେୟାରଷ୍ଟୋ । ବଟଲରଙ୍କ ସ୍ଥାନରେ ୱିକେଟକିପିଂ ସମ୍ଭାଳିବେ ଫୋକ୍ସ । ଶନିବାର ଠାରୁ ଏମଏ ଚିଦାମ୍ବରମ ଷ୍ଟାଡିୟମ ଚେନ୍ନାଇରେ ଦ୍ବିତୀୟ ଟେଷ୍ଟ ଆରମ୍ଭ ହେବ ।
ଜୋଫ୍ରା ଆର୍ଚର ଆହତ ଓ ଜସ ବଟଲର ରୋଟେସନ ପଲିସି ଅନୁଯାୟୀ ଇଂଲଣ୍ଡ ଅଭିମୁଖେ ଉଡାଣ ଭରିସାରିଛନ୍ତି । ଭ୍ରମଣକାରୀ ଦଳ ଭେଟରାନ ଦ୍ରୁତ ବୋଲର ଜେମ୍ସ ଆଣ୍ଡରସନ ଓ ଅଫ ସ୍ପିନର ଡମ ବେସଙ୍କୁ ସାମିଲ କରିନାହିଁ ।
ଦ୍ବିତୀୟ ଟେଷ୍ଟ ପାଇଁ ଦଳରେ 4ଟି ପରିବର୍ତ୍ତନ ହୋଇଛି, ବେନ ଫୋକ୍ସ, ମୋଇନ ଅଲୀ, କ୍ରିସ ଓର୍କ୍ସ, ଷ୍ଟୁଆର୍ଟ ବ୍ରଡ ଓ ଓଲି ଷ୍ଟୋନ ଦଳକୁ ଫେରିଛନ୍ତି । 12ଜଣ ଖେଳାଳିଙ୍କ ନାମ ଚୁଡାନ୍ତ ହୋଇଥିବା ଇଂଲଣ୍ଡ କ୍ୟାପଟେନ ଜୋ ରୁଟ୍ ଶୁକ୍ରବାର ଗଣମାଧ୍ୟମରେ ପ୍ରତିକ୍ରିୟା ରଖିଛନ୍ତି ।
ଇଂଲଣ୍ଡ 12 ଜଣିଆ ସ୍କାଡ: ଡମ ସିବଲେ, ରରି ବର୍ଣ୍ଣସ, ଡାନ ଲରେନ୍ସ, ଜୋ ରୁଟ(କ୍ୟାପଟେନ), ବେନ ଷ୍ଟୋକ୍, ଓଲି ପୋପ, ବେନ ଫୋକ୍ସ, ମୋଇନ ଅଲୀ, ଷ୍ଟୁଆର୍ଟ ବ୍ରଡ, କ୍ରିସ ୱର୍କ୍ସ, ଜାକ ଲିଚ, ଓଲି ଷ୍ଟୋନ ।
ବ୍ୟୁରୋ ରିପୋର୍ଟ, ଇଟିଭି ଭାରତ
