ମୁମ୍ବାଇ: ଅଭିନେତା ସୁଶାନ୍ତ ସିଂ ରାଜପୁତଙ୍କ ପାଇଁ ନ୍ୟାୟ ଦାବି କରି ଅଭିନେତାଙ୍କ ତିନି ବନ୍ଧୁ ଇନ୍ଦିରା ଗାନ୍ଧୀ ଇଣ୍ଟରନ୍ୟାସନାଲ ବିମାନବନ୍ଦରରୁ ରାଜଘାଟ ଅଭିମୁଖେ ପର୍ଯ୍ୟନ୍ତ ପାଦରେ ଚାଲି ଚାଲି ଯାଇଥିଲେ ।
ସୁଶାନ୍ତଙ୍କ ତିନି ବନ୍ଧୁ ଅଙ୍କିତ, ବିଜୟ ଏବଂ ଗଣେଶଙ୍କ ମଧ୍ୟରୁ ଜଣଙ୍କୁ ପୋଲିସକୁ ଅଟକ ରଖିଥିବାବେଳେ ତାଙ୍କର ଦୁଇ ବନ୍ଧୁ ରାଜଘାଟ ଅଭିମୁଖେ ଯାଇଥିଲେ ।
ଟ୍ରାଫିକ ଜାମ୍ ଦର୍ଶାଇ ପୋଲିସ ଅଙ୍କିତଙ୍କୁ ଗିରଫ ରଖିଛି ।
ସୁଶାନ୍ତଙ୍କ ବନ୍ଧୁଙ୍କୁ ଗିରଫ କରିବାବେଳେ ପୋଲିସ ଟ୍ରାଫିକ ଜାମକୁ ଦର୍ଶାଇଥିଲା ଯେ, ଯଦି ସେ ଉକ୍ତ ରାସ୍ତାରେ ଚାଲିବା ଜାରି ରଖନ୍ତି ତେବେ ଖୁବ ଶୀଘ୍ର ଟ୍ରାଫିକ ଜାମ୍ ସମସ୍ୟା ଉପୁଜିବ ।
ଏଥିସହ ସୁଶାନ୍ତଙ୍କ ଅନ୍ୟ ଜଣେ ବନ୍ଧୁ ଗଣେଶ କହିଛନ୍ତି ଯେ, ସେ ତିନି ଜଣ ସାମାଜିକ ଦୂରତା ଅନୁସରଣ କରି ରାଜଘାଟ ଆଡକୁ ଯାଉଥିଲେ, ତଥାପି ପୋଲିସ ସେମାନଙ୍କ ମଧ୍ୟରୁ ଜଣକୁ ଗିରଫ କରିଛି ।
ପ୍ରକାଶ ଥାଉ ଯେ, ସୁଶାନ୍ତ 14 ଜୁନ୍ 2020ରେ ଆତ୍ମହତ୍ୟା କରିଥିଲେ, ଏହା ପରେ ସୁଶାନ୍ତଙ୍କ ପରିବାର ଏବଂ ପ୍ରିୟଜନମାନେ ଏହି ମାମଲାର ସିବିଆଇ ତଦନ୍ତ ଦାବି କରିଥିଲେ, କିନ୍ତୁ ଏପର୍ଯ୍ୟନ୍ତ ସିବିଆଇ ତଦନ୍ତରେ କିଛି ଜଣାପଡିନାହିଁ । ତେଣୁ ସୁଶାନ୍ତଙ୍କ ବନ୍ଧୁମାନେ ବିମାନବନ୍ଦରରୁ ପାଦରେ ରାଜଘାଟରେ ପହଞ୍ଚିବା ପରେ ଧାରଣାରେ ବସିବାକୁ ନିଷ୍ପତ୍ତି ନେଇଥିଲେ ।