ମୁମ୍ବାଇ: କେବେ ବାଦଶାହ ତ କେବେ କିଙ୍ଗ ଖାନ ସାଜି ଦର୍ଶକଙ୍କୁ ନିଜ ଅନ୍ଦାଜରେ ମୋହିତ କରିଥିଲେ ରୋମାନ୍ସ କିଙ୍ଗ ଶାହରୁଖ ଖାନ । ବର୍ତ୍ତମାନ ଫିଲ୍ମଠୁ ଦୂରେଇ ଥିବା ଶାହରୁଖଙ୍କୁ ସବୁବେଳେ ପରଦାରେ ଦେଖିବାକୁ ବ୍ୟାକୁଳ ଦର୍ଶକ। ଆଜି ବୟସର ଆଉ ଏକ ପାହଚରେ ପାଦ ଥାପିଛନ୍ତି ଏହି ସୁପରଷ୍ଟାର । 1965 ନଭେମ୍ବର 2ରେ ଦିଲ୍ଲୀରେ ଜନ୍ମିତ ଶାହରୁଖ 55 ବର୍ଷରେ ପଦାର୍ପଣ କରିଛନ୍ତି । ତେବେ ଏହି ଅବସରରେ ନଜର ପକାଇବା ତାଙ୍କର କିଛି ଖାସ୍ କଥା ଉପରେ...
ଦିଲ୍ଲୀରେ ଜନ୍ମିତ ଶାହରୁଖ ଜନ୍ମର 5 ବର୍ଷ ପର୍ଯ୍ୟନ୍ତ ସେ ଆଇଙ୍କ ଘରେ ମାଙ୍ଗାଲୋରରେ ରହୁଥିଲେ । ଏହାକୁ ନେଇ ସେ 2010ରେ ଏକ ବୟାନରେ କହିଥିଲେ, ‘ମୁଁ ଅଧା ହାଇଦ୍ରାବାଦୀ ଅଧା ପଠାନ୍।’
ପିଲାଦିନରୁ ଶାହାରୁଖଙ୍କର ଅଭିନୟ ପ୍ରତି ଦୁର୍ବଳତା ଥିଲା । ଅନେକ ମଞ୍ଚ ପ୍ରଦର୍ଶନରେ ସେ ସେହି ଯୁଗର ଅଭିନେତାମାନଙ୍କ ଶୈଳୀରେ ଅଭିନୟ କରୁଥିଲେ । ତାଙ୍କୁ ସର୍ବଦା ପ୍ରଶଂସା କରାଯାଇଛି । ଅଭିନୟରେ ନିଜ କ୍ୟାରିୟର ଗଢିବା ପାଇଁ ପରେ ଶାହରୁଖ ବ୍ୟାରି ଜନ୍ ଏକାଡେମୀରୁ ଅଭିନୟ ଅଧ୍ୟୟନ କରିଥିଲେ ।
ଦିଲ୍ଲୀର ହଂସରାଜ କଲେଜରୁ ସ୍ନାତକ ଡିଗ୍ରୀ ହାସଲ କରିବା ପରେ ଶାହରୁଖ ଜାମିଆ ମିଲିଆ ବିଶ୍ବବିଦ୍ୟାଳୟରୁ ମାଷ୍ଟର୍ସ ପାଠ ପଢା ଆରମ୍ଭ କରିଥିଲେ। କିନ୍ତୁ ସେ ଏହାକୁ ପୂରଣ କରିବା ପୂର୍ବରୁ ଅଭିନୟ ଜଗତରେ ସାମିଲ ହୋଇଥିଲେ।
ପରଦାରେ ରୋମାନ୍ସ କରୁଥିବା ଶାହରୁଖ ରିୟଲ ଲାଇଫରେ ମଧ୍ୟ ରୋମାଣ୍ଟି ବୟ ପରି ଥିଲେ । କାରଣ ମାତ୍ରା 18 ବର୍ଷ ବୟସରେ ସେ ଗୌରୀଙ୍କ ପ୍ରେମରେ ପାଗଳ ହୋଇଥିଲେ । ମଜାଦାର କଥା ହେଲା ଯେ ସେହି ସମୟରେ ଗୌରୀଙ୍କ ବୟସ ମାତ୍ରା 14 ବର୍ଷ ଥିଲା । ତାଙ୍କ ପ୍ରେମରେ ଦିୱାନା ଥିବା ଶାହରୁଖ ଏକଦା ଦିଲ୍ଲୀରୁ ମୁମ୍ବାଇ ତାଙ୍କ ପଛରେ ଯାତ୍ରା କରିଥିଲେ । ଆଉ ତାଙ୍କ ଲଭ ଦେଖି ଗୌରୀ ମଧ୍ୟ ତାଙ୍କୁ ଭଲ ପାଇଥିଲେ । ସାଥ ଜନ୍ମର ସାଥୀ ସାଜିବା ପାଇଁ ଏହି ଯୋଡି 1991 ଅକ୍ଟୋବର 25ରେ ବିବାହ ବନ୍ଧନରେ ଆବଦ୍ଧ ହୋଇଥିଲେ । ଏହି ଯୋଡିଙ୍କ ଦୁଇ ପୁଅ ଆର୍ୟନ, ଅବରାମ ଓ ଝିଅ ସୁହାନା ଖାନ ଅଛନ୍ତି ।
ଏହାପରେ ଆରମ୍ଭ ହୋଇଥିଲା ତାଙ୍କ ଅଭିନୟ କ୍ୟାରିୟର । ଟିଭି ଧାରାବାହିକ ‘ସର୍କସ’ ଓ ‘ଫୌଜି’ରେ ଅଭିନୟ କରିଥିଲେ ସେ । ସେହିପରି ହିନ୍ଦୀ ସିନେମାରେ ସେ ଫିଲ୍ମ ‘ଦିୱାନା’ ଜରିଆରେ ପାଦ ଥାପିଥିଲେ । ହେଲେ ‘ଦିୱାନା’ ତାଙ୍କ ଡେବ୍ୟୁ ଫିଲ୍ମ ନଥିଲା । କାରଣ ଏହା ପୂର୍ବରୁ ସେ ‘ଦିଲ ଆଶାନା ହେ’ର ସୁଟିଂ ଶେଷ କରିସାରିଥିଲେ । ସେ ସାଇନ ମଧ୍ୟ ପ୍ରଥମେ ଏହି ଫିଲ୍ମ କରିଥିଲେ । କିନ୍ତୁ ‘ଦିୱାନା’ ପ୍ରଥମେ ରିଲିଜ ହେବାରୁ ତାଙ୍କ ଡେବ୍ୟୁ ଫିଲ୍ମ ରୂପେ ଏହାକୁ ଗଣାଯାଏ ।
ଫିଲ୍ମ ବ୍ୟତୀତ ଶାହରୁଖ ଟିଭିରେ ମଧ୍ୟ କିଛି ବର୍ଷ ସକ୍ରିୟ ଥିଲେ । ସେ ରିୟାଲିଟି ଶୋ ‘କେବିସି’, ‘କ୍ୟା ଆପ ପାଞ୍ଚବିଂ ପାସ ସେ ତେଜ ହେ?’, ‘ଜୋରୋ କା ଝଟକା’ରେ ହୋଷ୍ଟ ରୂପେ କାମ କରିଥିଲେ ।
ବଲିଉଡରେ ପପୁଲାର ଯୋଡି ରୂପେ ସବୁବେଳେ କାଜଲ-ଶାହରୁଖଙ୍କ ନାମ ନିଆଯାଏ । ଏହି ଯୋଡି ‘ଦିଲୱାଲେ ଦୁଲହନିଆ ଲେଜାଏଙ୍ଗେ’, ‘ବାଜିଗର’, ‘କୁଛକୁଛ ହୋତା’ ହେ ଭଳି ସୁପରଡୁପର ହିଟ୍ ଫିଲ୍ମ ବଲିଉଡକୁ ଦେଇଛନ୍ତି । ଆଜି ମଧ୍ୟ ପରଦାରେ ଏହି ରୋମାଣ୍ଟିକ ଯୋଡି ଦେଖିବାକୁ ଚାହୁଁଛନ୍ତି ଫ୍ୟାନ୍ସ ।
ଯଦି ତାଙ୍କ ଆୟ ବିଷୟରେ କଥା ହେବା ତେବେ ସେ ଗୋଟିଏ ଫିଲ୍ମ ପାଇଁ କୋଟି କୋଟି ଟଙ୍କା ଚାର୍ଜ କରନ୍ତି । ନିଜର ପ୍ରାଇଭେଟ ଜେଟ ରଖିଥିବା କିଙ୍ଗ ଖାନଙ୍କ ଆୟ ଜରିଆ ବ୍ରାଣ୍ଡ ଆଡର୍ସମେଣ୍ଟରୁ ନେଇ ନିଜର ବିଜନେସ ପର୍ଯ୍ୟନ୍ତ ବ୍ୟାପିଛି ।
ତାଙ୍କ ଏହି କୋଟି କୋଟି ଆୟ ପାଇଁ ଅନେକଥର ତାଙ୍କ ନାମ ଫୋର୍ବ୍ସ ଲିଷ୍ଟରେ ମଧ୍ୟ ସାମିଲ ହୋଇସାରିଛି । କିଙ୍ଗ ଖାନ ଦୁନିଆର ବିଭିନ୍ନ ସ୍ଥାନରେ ବିନିଯୋଗ କରିଛନ୍ତି। ମୁମ୍ବାଇ ବ୍ୟତୀତ ବ୍ରିଟେନ, ଦୁବାଇ ସମେତ ଅନେକ ଦେଶରେ ତାଙ୍କର ସମ୍ପତ୍ତି ଅଛି। ତାଙ୍କର ସବୁଠାରୁ ମହଙ୍ଗା ସମ୍ପତ୍ତି ମନ୍ନତ ଭାବରେ ବିବେଚନା କରାଯାଏ । ପାରସି ପରିବାରର ଠୁ 13.2 କୋଟିରେ କିଣିଥିବା ଏହି ସମ୍ପତ୍ତିର ମୂଲ୍ୟ ବର୍ତ୍ତମାନ 200 କୋଟିରୁ ଅଧିକ ।
ପ୍ରକାଶ ଥାଉକି କୋରୋନା ସଙ୍କଟ ପାଇଁ ଫ୍ୟାନ୍ସ ଭର୍ଚୁଆଲ ତାଙ୍କ ବର୍ଥଡେ ସେଲିବ୍ରେଶନ କରିବେ । କେବଳ ଦେଶରେ ନୁହେଁ ବିଦେଶରେ ମଧ୍ୟ ସବୁ ଫ୍ୟାନ୍ସ ଏଥିରେ ସାମିଲ ହେବାର ଯୋଜନା ରହିଛି । ଆଜି ସକାଳୁ ତାଙ୍କ ସେଲିବ୍ରେଶନ ଆରମ୍ଭ କରି ରାତିରେ ଶେଷ କରିବେ ଫ୍ୟାନ୍ସ ।
