ମିସ୍ ୟୁନିଭର୍ସ ୨୦୨୩: ସାମିଲ ହେବେ ୯୦ ଟି ଦେଶର ପ୍ରତିଯୋଗୀ, ଭାରତ ପକ୍ଷରୁ ପ୍ରିତିନିଧିତ୍ବ କରିବେ ଏହି ମଡେଲ

author img

By ETV Bharat Odisha Desk

Published : Nov 17, 2023, 1:52 PM IST

ମିସ୍ ୟୁନିଭର୍ସ ୨୦୨୩: ସାମିଲ ହେବେ ୯୦ ଟି ଦେଶର ପ୍ରତିଯୋଗୀ, ଭାରତ ପକ୍ଷରୁ ପ୍ରିତିନିଧିତ୍ବ କରିବେ ଏହି ମଡେଲ

Miss Universe 2023: ଅପେକ୍ଷା ହେଲା ଅନ୍ତ । ଆସନ୍ତାକାଲି ମିସ୍ ୟୁନିଭର୍ସ ପ୍ରତିଯୋଗିତା ଅନୁଷ୍ଠିତ ହେବ । ୯୦ଟି ଦେଶ ଏଥିରେ ଅଂଶଗ୍ରହଣ କରିବେ । ଅଧିକ ପଢନ୍ତୁ,

ହାଇଦ୍ରାବାଦ: ମିସ୍ ୟୁନିଭର୍ସ ପ୍ରତିଯୋଗିତାକୁ ନେଇ ଫ୍ୟାନ୍ସଙ୍କ ଏଅପେକ୍ଷାର ହେଲା ଅନ୍ତ । ନଭେମ୍ବର ୧୮ରେ ମିସ୍ ୟୁନିଭର୍ସ ପ୍ରତିଯୋଗିତା ଅଲ ସାଲ୍ବାଡୋରରେ ଅନୁଷ୍ଠିତ ହେବାକୁ ଯାଉଛି । ଏଥର ପ୍ରତିଯୋଗିତାରେ ୯୦ଟି ଦେଶ ଅଂଶଗ୍ରହଣ କରିବେ । ମିସ୍ ଦିଭା 2023 ଭାରତ ପକ୍ଷରୁ ଅଂଶଗ୍ରହଣ କରିବ ।

ମିସ୍ ୟୁନିଭର୍ସ ପ୍ରତିଯୋଗିତା ଅଲ ସାଲ୍ବାଡୋରର ରାଜଧାନୀ ସାନ୍‌ ସାଲ୍ବାଡୋରରେ ଜୋସେ ଏଡଲଫୋ ପିନେଡା ଏରିନାରେ ଅନୁଷ୍ଠିତ ହେବ, ଯେଉଁଥିରେ ୧୩ ହଜାର ଲୋକ ସାମିଲ ହୋଇପାରିବେ । ନ୍ୟାସନାଲ୍‌ କଷ୍ଟ୍ୟୁମ କମ୍ପିଟିସନ ନଭେମ୍ବର ୧୬ ରାତି ୯ଟାରେ ଅନୁଷ୍ଠିତ ହୋଇଯାଇଛି । ଏହି ପ୍ରତିଯୋଗିତା ସିଧା ପ୍ରସାରଣ ହେବ । ଟେଲିମୁଣ୍ଡୋ ଏହାକୁ ଆମେରିକାର ସ୍ପାନିଶ୍‌ ଭାଷାରେ ପ୍ରସାରଣ କରୁଥିବାବେଳେ ଦ ରୋକୁ ଚ୍ୟାନେଲ ଏହାକୁ ଷ୍ଟ୍ରିମିଂ ଆକ୍ସେସ୍ ପ୍ରଦାନ କରିବ । ନଭେମ୍ବର 19 ତାରିଖ ସକାଳ 6:30ରୁ ମିସ୍ ୟୁନିଭର୍ସର ୟୁଟ୍ୟୁବ୍ ଚ୍ୟାନେଲ ଏବଂ ଏକ୍ସ ଆକାଉଣ୍ଟରେ ଭାରତୀୟମାନେ ଅନ୍ତିମ ପ୍ରତିଯୋଗିତା ଦେଖିପାରିବେ ।

ଭାରତରୁ ପ୍ରତିନିଧିତ୍ବ କରିବେ ଏହି ମଡେଲ

୭୨ତମ ମିସ୍ ୟୁନିଭର୍ସ ପ୍ରତିଯୋଗିତାରେ ଶ୍ବେତା ଶାରଦା ଭାରତ ପକ୍ଷରୁ ପ୍ରତିନିଧିତ୍ବ କରିବେ । ସୂଚନା ଅନୁସାରେ, ଶ୍ବେତା ହେଉଛନ୍ତି ମିସ୍ ଡିଭା ୟୁନିଭର୍ସ ୨୦୨୩ର ବିଜେତା । ସେ ଇନ୍ଦିରା ଗାନ୍ଧୀ ଜାତୀୟ ବିଶ୍ୱବିଦ୍ୟାଳୟରୁ ସ୍ନାତକ ହାସଲ କରିଛନ୍ତି । ୨୨ ବର୍ଷ ବୟସ୍କା ଶ୍ବେତା ଚଣ୍ଡିଗଡ଼ର ବାସିନ୍ଦା । ସେ ଜଣେ ମଡେଲ ଏବଂ ନୃତ୍ୟଶିଳ୍ପୀ । ସେ ଡ୍ୟାନ୍ସ ଦିୱାନେ, ଡ୍ୟାନ୍ସ ପ୍ଲସ୍ ଏବଂ ଡ୍ୟାନ୍ସ ଇଣ୍ଡିଆ ଡ୍ୟାନ୍ସ ଭଳି ଅନେକ ଟିଭି ରିଆଲିଟି ଶୋ'ର ଅଂଶ ହୋଇସାରିଛନ୍ତି । କେବଳ ଏତିକି ନୁହେଁ, ତାଙ୍କୁ ରିଆଲିଟି ଶୋ' ଝଲକ ଦିଖଲାଜାରେ କୋରିଓଗ୍ରାଫର ଭାବରେ ମଧ୍ୟ ସାଇନ କରାଯାଇଛି ।

ଏହା ମଧ୍ୟ ପଢନ୍ତୁ: 21 ବର୍ଷ ପରେ ଭାରତକୁ ମିସ୍‌ ୟୁନିଭର୍ସ ତାଜ, ହରନାଜ ବ୍ରହ୍ମାଣ୍ଡ ସୁନ୍ଦରୀ

ବିଭିନ୍ନ ସ୍ତରରେ ଚୟନ କରାଯିବ

ଏଥର ପ୍ରତିଯୋଗୀମାନଙ୍କୁ ପରବର୍ତ୍ତୀ ମିସ୍ ୟୁନିଭର୍ସ ଚୟନ ପାଇଁ ବିଭିନ୍ନ ସ୍ତର ଦେଇ ଯିବାକୁ ପଡ଼ିବ । ଏଥିରେ ବ୍ୟକ୍ତିଗତ ବିବୃତ୍ତି, ସାକ୍ଷାତକାର, ଇଭନିଂ ଗାଉନ୍ ଏବଂ ସ୍ୱିମ୍ ପୋଷାକରେ ଉପସ୍ଥାପନା କରିବାକୁ ପଡ଼ିବ । ନଭେମ୍ବର ୧୮ ଅର୍ଥାତ ଆସନ୍ତାକାଲିରେ ଅନୁଷ୍ଠିତ ହେବାକୁ ଥିବା ଏହି ବହୁ ପ୍ରତୀକ୍ଷିତ ପ୍ରତିଯୋଗିତା ଜେନି ମାଈ ଜେନକିନସ୍ ଏବଂ ମାରିଆ ମେନୁନ୍ସ ଏବଂ ପୂର୍ବତନ ମିସ୍ ୟୁନିଭର୍ସ ଅଲିଭିଆ କୁଲପୋ ଦ୍ୱାରା ଆୟୋଜିତ ହେବ । ୧୨ ଥର ପ୍ରସିଦ୍ଧ ଗ୍ରାମି ବିଜେତା ଜନ୍ ଲିଜେଣ୍ଡ୍ ତାଙ୍କ ସଙ୍ଗୀତ ସହ ସମାବେଶକୁ ଚାର୍ ରାନ୍ଦ ଲଗାଇବେ ।

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.