ହାଇଦ୍ରାବାଦ: ମନୋରଞ୍ଜନ ଜଗତରୁ ପୁଣି ଆସିଲା ଆଉ ଏକ ଦୁଃଖଦ ଖବର । ଆଉ ନାହାନ୍ତି ଲୋକପ୍ରିୟ ଭେଟେରାନ ଅଭିନେତା ବ୍ରିଜେଶ ତ୍ରିପାଠୀ । ସୂଚନା ଅନୁସାରେ, ଭେଟେରାନ ଅଭିନେତାଙ୍କ ମୃତ୍ୟୁର କାରଣ ହୃଦଘାତ ବୋଲି କୁହାଯାଉଛି । ମୃତ୍ୟୁବେଳକୁ ତାଙ୍କୁ ମାତ୍ର ୭୨ ବର୍ଷ ବୟସ ହୋଇଥିଲା । ବ୍ରିଜେଶ ତ୍ରିପାଠୀଙ୍କ ଦେହାନ୍ତ ଖବର ଶୁଣି ଭୋଜପୁରୀ ଇଣ୍ଡଷ୍ଟ୍ରି ସମେତ ପରିବାରରେ ଶୋକର ଛାୟା ଖେଳିଯାଇଛି । ରବି କିଶନଙ୍କ ସମେତ ଅନେକ ସେଲିବ୍ରିଟି ଏବଂ ଫ୍ୟାନ୍ସ ଅଭିନେତାଙ୍କ ଦେହାନ୍ତରେ ଦୁଃଖ ପ୍ରକାଶ କରିଛନ୍ତି ।
ମିଡିଆ ରିପୋର୍ଟ ଅନୁସାରେ, ବ୍ରିଜେଶ ଦୁଇ ସପ୍ତାହ ପୂର୍ବରୁ ଡେଙ୍ଗୁରେ ଆକ୍ରାନ୍ତ ହୋଇଥିଲେ । ଚିକିତ୍ସା ପାଇଁ ତାଙ୍କୁ ମିରଟ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଚିକିତ୍ସା ପରେ ସେ ମୁମ୍ବାଇ ଆସିଥିଲେ, ଏହା ପରେ ସେ ହୃଦଘାତର ଶିକାର ହୋଇଥିଲେ। ପରେ ତାଙ୍କୁ ଡାକ୍ତରଖାନା ନିଆଯାଇଥିଲା ସେଠାରେ ଡାକ୍ତରମାନେ ତାଙ୍କୁ ମୃତ ଘୋଷଣା କରିଥିଲେ । ସେ ତାଙ୍କ ପରିବାର ସହିତ ମୁମ୍ବାଇରେ ରହୁଥିଲେ ଏବଂ ତାଙ୍କର ଶେଷ ରୀତିନୀତି ଆଜି କରାଯିବ ବୋଲି ଜଣାପଡ଼ିଛି । ଅଭିନେତାଙ୍କ ମୃତ୍ୟୁରେ ରବି କିଶନ ଶୋକ ପ୍ରକାଶ କରି କହିଛନ୍ତି, 'ଏହା ଭୋଜପୁରୀ ଇଣ୍ଡଷ୍ଟ୍ରି ପାଇଁ ଏକ ଅପୂରଣୀୟ କ୍ଷତି । ଇଶ୍ବର ତାଙ୍କ ଆତ୍ମାକୁ ସଦଗତି ଦିଅନ୍ତୁ ।'
ବ୍ରିଜେଶ ତ୍ରିପାଠୀ ୪୬ ବର୍ଷ ଧରି ଭୋଜପୁରୀ ସିନେମାରେ ସକ୍ରିୟ ଥିଲେ। ଭୋଜପୁରୀ ଇଣ୍ଡଷ୍ଟ୍ରିକୁ ଆସିବା ପୂର୍ବରୁ ସେ ବଲିଉଡର ଏକ ଅଂଶ ଥିଲେ । ସେ ୧୯୭୯ ରେ 'ସୈୟାଁ ତୋହରେ କରଣ' ଚଳଚ୍ଚିତ୍ରରେ ଡେବ୍ୟୁ କରିଥିଲେ । ୧୯୮୦ ମସିହାରେ ତାଙ୍କର ପ୍ରଥମ ହିନ୍ଦୀ ଚଳଚ୍ଚିତ୍ର ଥିଲା 'ଟ୍ୟାକ୍ସି ଚୋର' ରହିଥିଲା । ସେ ପୱନ ସିଂ, ଦୀନେଶ ଲାଲ ଯାଦବ ଏବଂ ଇଣ୍ଡଷ୍ଟ୍ରିର ଅନେକ ବଡ ତାରକାଙ୍କ ସହ କାମ କରିଛନ୍ତି । ସେ ମୁଖ୍ୟତଃ ଚଳଚ୍ଚିତ୍ରରେ ଖଳନାୟକ ଭୂମିକାରେ ଅଭିନୟ କରି ସ୍ୱତନ୍ତ୍ର ସ୍ତାନ ସୃଷ୍ଟି କରିଛନ୍ତି । ଫିଲ୍ମ 'ଓମ୍' ରିଲିଜ୍ ହେବା ପରେ ତ୍ରିପାଠୀ ଖ୍ୟାତି ଅର୍ଜନ କରିଥିଲେ ଯେଉଁଥିରେ ସେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ ଏବଂ ତାଙ୍କର ଦୃଢ ଅଭିନୟ ଦ୍ୱାରା ଦର୍ଶକଙ୍କୁ ପ୍ରଭାବିତ କରିଥିଲେ । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଥିଲେ ସୁନୀଲ ମଞ୍ଜୀ ।
ଏହା ମଧ୍ୟ ପଢନ୍ତୁ: ଦୁନିଆକୁ ଅଲବିଦା କହିଲେ ଜୁନିଅର ମେହମୁଦ, କ୍ୟାନ୍ସରରେ ହାରିଲେ ଜୀବନ
ବଲିଉଡ ଭୋଜପୁରୀ ବ୍ୟତୀତ ଅନେକ ଟିଭି ଧାରାବାହିକର ଏକ ଅଂଶ ମଧ୍ୟ ହୋଇଛନ୍ତି । ବ୍ରିଜେଶ ତ୍ରିପାଠୀ ' ନୋ ଏଣ୍ଟ୍ରି', 'ଓମ୍', 'ଗୁପ୍ତା: ଲୁକ୍କାୟିତ ସତ୍ୟ', 'ମୋହରା', 'ଦେବ ଭଏଲ୍ ଦିୱାନା', 'ହମର ବଡିଗାର୍ଟ ଶିବ', 'ଡ୍ରାଇଭର ରାଜା', 'ପିଆ ଚାନ୍ଦନୀ', 'ରାମ କୃଷ୍ଣ ବଜରଙ୍ଗୀ' ଏବଂ 'ଜନତା ଦରବାର' ସମେତ ଅନ୍ୟାନ୍ୟ ଚଳଚ୍ଚିତ୍ରରେ ଅଭିନୟ କରିଛନ୍ତି । ବ୍ରିଜେଶ ତ୍ରିପାଠୀ ଅଜୟ ଦେବଗନ୍, ଅମିତାଭ ବଚ୍ଚନ, ଶାହାରୁଖ ଖାନ, ସଲମାନ ଖାନ, ରଜନୀକାନ୍ତ, ରବି କିଶନ, ଧର୍ମେନ୍ଦ୍ର ଏବଂ ବିନୋଦ ଖାନ୍ନାଙ୍କ ସହ ସ୍କ୍ରିନ ସେୟାର କରିଛନ୍ତି । ସେ ବଲିଉଡରେ ୨୫୦ରୁ ଅଧିକ ଚଳଚ୍ଚିତ୍ର କରିଛନ୍ତି । ସେ ତାଙ୍କ ବନ୍ଧୁଙ୍କ ସାହାଯ୍ୟରେ ଫିଲ୍ମ ଇଣ୍ଡଷ୍ଟ୍ରିରେ ପାଦ ଦେଇଥିଲେ ।
