ରାଉରକେଲା: ରାଉରକେଲା ସହରରେ ପରିବା ଦର ଅହେତୁକ ଭାବେ ବୃଦ୍ଧି ପାଇବାରେ ଲାଗିଛି । ଏହାର କାରଣ ହେଉଛି ଆଖପାଖ ଗାଁ ଗହଳିରେ ପରିବା ଚାଷୀ ବହୁତ କମ ଥିବା ବେଳେ ବାହାରୁ ପରିବା ଆମଦାନୀ ହେଉଛି ।
ରାଉରକେଲାରେ ଆକାଶ ଛୁଆଁ ପରିବା ଦର, ଚିନ୍ତାରେ ସହରବାସୀ
ତେବେ କୋରନା ଯୋଗୁଁ ପରିବା ଚାଷୀ ମାନେ ଅନେକ କ୍ଷତି ସହିଛନ୍ତି । ପୁଣି ଏହା ସାଙ୍ଗକୁ ବର୍ଷା ମାଡ଼ରେ ବହୁ ସଂଖ୍ୟାରେ ପରିବା ନଷ୍ଟ ହୋଇଛି । ଗାଁ ଗହଳିରୁ ମଧ୍ୟ ବହୁତ କମ ପରିମାଣର ପରିବା ସହରକୁ ଆସୁଥିବାରୁ ଏହାର ଦର ଏବେ ଆକାଶ ଛୁଆଁ ହୋଇଛି । ଯାହା ସମଗ୍ର ସହରବାସୀଙ୍କ ପାଇଁ ଚିନ୍ତାର ବିଷୟ ପାଲଟିଛି । ଆଖପାଖ ଅଞ୍ଚଳରେ ପରିବା ଚାଷ ନ ହେବା ଯାଏଁ ବଜାର ଦର ଏଭଳି ରହିବ ବୋଲି କୁହାଯାଉଛି ।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
