ପୁରୀ: ବଳିଆପଣ୍ଡା ବିଜୟ ନଗର ବସ୍ତିର ଚିନ୍ମୟ ମୁଦୁଲି । ଅଜଣା ରୋଗରେ ପୀଡିତ ହୋଇ ଶଯ୍ୟାଶାୟୀ ହୋଇ ରହିଛନ୍ତି ଚିନ୍ମୟ ମୁଦୁଲି। ଯେଉଁ ବୟସରେ ବାପା ମା’ଙ୍କ ସେବା କରିବା କଥା, ସେତେବେଳେ ଦୀର୍ଘ ବର୍ଷ ହେଲା ବୃଦ୍ଧ ବାପା ମା, ପୁଅର ସେବା କରିଆସୁଛନ୍ତି । ପୁଅର ଏହିପରି ଅବସ୍ଥା ଦେଖି ବାପା ମା ମନ ଅଥୟ । ସବୁକିଛି ଛାଡି ପୁଅ ସେବାରେ ଲାଗି ପଡିଛନ୍ତି ପୁରା ପରିବାର । ହେଲେ ଅଭାବୀ ପରିବାର ହେତୁ ଚିକିତ୍ସା କରିପାରୁନାହାନ୍ତି ପରିବାର ।
ପୁରୀ ବଳିଆପଣ୍ଡା ବିଜୟ ନଗର ବସ୍ତିରେ ରହୁଥିବା ଜଣେ ଗରିବ ଚା ଦୋକାନୀ ବିଚିତ୍ର ମୁଦୁଲିଙ୍କ 21 ବର୍ଷ ର ପୁଅ ଚିନ୍ମୟ । ଅଜଣା ରୋଗରେ ପୀଡିତ ହୋଇଥିବା ଚିନ୍ମୟଙ୍କୁ ଚିକିତ୍ସା କରିବାରେ ଅସମର୍ଥ ପରିବାର । ବାପା ଚା ଦୋକାନରୁ ଯାହାଭି ସ୍ୱଳ୍ପ ରୋଜଗାର କରନ୍ତି ସେଥିରେ ପରିବାର ପ୍ରତିପୋଷଣ ହୁଏ l ବେଳେ ବେଳେ ବେପାର ନଥିଲେ ଭୋକ ଉପାସରେ ଦିନ କଟିଥାଏ । ମୁଣ୍ଡ ଗୁଞ୍ଜିବାକୁ ଘର ମଧ୍ୟ ନଥିଲା ସାହି ପଲିଥିନ ବାନ୍ଧି ଘର ତିଆରି କରି ଦେଇଛନ୍ତି ବିଚିତ୍ରଙ୍କୁ । ପୁଅକୁ ଜନ୍ମ କରିଥିଲେ ପୁଅ ବଡ ହୋଇ ଭଲ ପାଠ ପଢି ରୋଜଗାର କରିବ। ଗରିବ ବାପା ମାଆର ଦୁଃଖ ଦୂର କରିବ।
କିନ୍ତୁ ବିଧିର ବିଧାନ କିଛି ଅଲଗା ଥିଲା । ଭେଣ୍ଡିଆ ବୟସରେ ପୁଅ ଏକ ଅଜଣା ରୋଗରେ ପଡି ମୁକ ବଧିର ପାଲଟିଗଲା । ଏମିତି କି ପୁଅ ଗୋଟେ ଜାଗାରୁ ଅନ୍ୟ ଜାଗାକୁ ଯିବା ପାଇଁ ସମର୍ଥ ହୋଇପାରୁନି । ଏକ ମାତ୍ର ପୁଅକୁ ଭଲ କରିବା ପାଇଁ ବାପା ମାଆ ବହୁତ ମେଡିକାଲକୁ ନେଇଥିଲେ। କିନ୍ତୁ ଡାକ୍ତର ମଧ୍ୟ ଚିକିତ୍ସା କରିବା ରେ ଫେଲ ମାରିଥିଲେ ବୋଲି ବିଚିତ୍ର କହିଛନ୍ତି । ଶେଷରେ ନିରାଶ ହୋଇ ପୁଅକୁ ଘରକୁ ଫେରାଇଆଣିଥିଲେ । ପୁଅର ଏବେ କେବଳ ସହୃଦୟ ଵ୍ୟକ୍ତିଙ୍କ ସାହାଯ୍ୟ ପାଇଁ ନିବେଦନ କରିଛନ୍ତି ।
କୌଣସି ସହୃଦୟ ବ୍ୟକ୍ତି ଯଦି ସାହାର୍ଯ୍ୟ କରିବାକୁ ଚାହାଁନ୍ତି ତାହାହେଲେ 7735022664 ନମ୍ବରରେ ଯୋଗାଯୋଗ କରି ନିମ୍ନ account noରେ ସାହାଯ୍ୟ କରିପାରିବେ ।
ପୂର୍ଣ୍ଣିମା ମୁଦୁଲି 2490100007226
IFSC code- BARBOSWARGD
Bank of Baroda
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ